قلتلكم بكتب سالفه المره اللي اعرفها و اخير كتبتها

بنات تكفووون اللي عندها حل حق هالمره تقوووله و اللي ماعندها اماااااااااااااااانه ماتطلع الا واهي داعيتلها و الافضل بقلبها و من القلللللللللللب

مشكلتها كلاتي … طاحت على ريلها عنده علاقه مع سكرتيرته .. لبنانيه طبعا و متزوجه و ام عيال !!! و صارلها تشتغل اب ادارته جم سنه و توهم من سنه بدت علاقتهم ( بدت سحورها الحماره) .. و الادهى و الامر ان الريال اعترف لمرته انه يحب السكرتيره و لا يقدر يستغني عنها و طبعا المره ماتت من القهر ان تسمع ريلها يحب عليها وحده ثانيه و المشكله انها تعرفهااا و مابيدها تسوي شي !!! و لما كثرت الخلافات بينهم على هالسالفه قالها انها غلطه و خلاص مابينهم شي واللي بينهم مجرد علاقه عمل .. قالتله عيل طلعها من الشغل عشان تثبتلي ان مابينك وبينها شي قالها لاء ماراح اطلعها لانها وايد زينه وشايله عني الشغل وماراح القى مثلها و لا اتدخلين بشغلي مره ثانيه ولا تفتحين هالموضوع تخيلو بجااحته هالزفت !!! المره دقت عالسكرتيره و قالتلها مااالج شغل بزوجي و السكرتيره خافت و قامت تبجي و تقولها والله ما بينا شي بس اثنيينهم جذاذبه و الدليل لما طلعت مرته كشف مكالماته الخارجيه لقت انه شكثر مدقدق عليها و يدزدزلها مسجااات حتى انه يدقدق عليها اكثر مما يدق على مرته وورتني الكشف حدها متاثره و حاااز بخاطرهااا ان خلااااص ماقام يحبها و ماتشوووف عينه غير هالسكرتيره الهوووله .. مرته طبعا بتموووت منه و كل يوم خلافااات و قالت انها بتهدد السكرتيره بريلهااا انها تعلمه عشان تخاف و تتركه قام الريل و شاااااااااش و قالها والله ان كلمتيها لا اطلقج لا تخربين حياتها !!! تخيلوووووووو واي واااي وانا اكتبلكم تذكرت السالفه وانقهرت حسبي الله عليه و على امثاااله اوووف

لااااااااا و ازيدكم من الشعر بيت مره من المرات واهما يتهاوشوون رمى عليها يمين الطلااااق تخيلووو !!! بس طلقه رجعيه ورجعها بس الجرح والاهانه بالقلب ماراااحوو

الحين رفيجتي تبي منكم الحل شتسوييي تقول تخيليي اعرف ان ريلي على علاقه مع وحده و هالوحده اعرفها و لاااا اقدر اسوي شي و غصبن علي اضحك واجامل و الطف الجو عشان ما يروووح لها بعد كلش مره وحده و كل خوووفها ان ريل السكرتيره يطلقها و تاااخذ ريل رفيجتي

شفتو شلون مشكلتها معقده ؟؟ امانه بنات ادعووولها و المشكله اكبر عيالها بالجامعه شفتو هالرياييل مالهم امان حتى بعد هالعمر كللللله

لا حول ولا قوة الا بالله

هالرياييل يكبرون يدبرون حمدلله والشكر

والله ياعمري ماني عارفه شنو اقولج حل

المشكله صعبه واااااااايد والله يكون بعون رفيجتج ويصبرها وينور دربها ويصلح لها ريلها

ان شاءا لله البنات يفيدونج

قولي حق رفيجتج لاتصيرين قرقاشه ويخرعج ريلج بالطلاق والكلام الفاضى خل تدق علي هالبنانيه ياعلها الماحي وتقول لها شوفي انا مسجله صوتج ومسجاتج اقدر اطلع فيها برنت كامل واطلع عدد اتصالاتج بريلي علي كل حزه وافضحج جدام ريلج واقلب الدنيا علي راسج واللي فيها فيها وتقول لها بعطيج مهله اسبوع اذا ماستقلتي من الشركه وطلعتي ماتلومين الا نفسج بخلي المباحث يتلونج مثل الجلبه ويشرشحونج
خل تصير شجاعه وتدافع عن بيتها وكرامتها وريلها اللي يخونها هذا موكفوو تخاف منه خل تعطيه ماعطاه زمانه اذا اهو موكفو بيت يصونه ويحافظ عليه شكو تتضايق اهيا بالعكس الكره بملعبها بهالطريقه حتي تقدر تخلي ريلها خاتم بصبعها خل تقول خق ريلها ان يتني اتصالات عالبيت مادري من منو يهددون ويقولون اذا ريلج ماوخر عن فلانه ترا بيسوون سالفه
خليها تصير شاطره تلعبها عالصوبين وانشاءالله بتنجح طريقتها لاتخاف وتقعد اتبجبج وتندب حظها وتقول شسوي وماسوي الريال لي وصل هالمستوي خل تحط اصابعها بعينه السربوت صج مايستحي علي ويهه يركض ورا ام الزعترات والزتونات ومخلي مرته بنت الحمايل السنعه

مادري شقولج عورتي قلبي

حسبي الله ونعم الوكيل

الله يفرج همها يا رب

و الكلام الي قالته نونو كله صح

خل يوم تاخذ بوكه او شي اساسي عنده بدون لايدري
وتخلي عندها
ولي راح الدوام تلحقه
علي اساس انها ماره علشان تعيه الشي اللي اهو ناسيه
مو تدق عليه تقوله فلان انت ناسي الشغله الفلانيه بييبها لك بيقولها لاتيين مبجررررررررررر
تاخذها وتروح ووياها ال برنت اوت مال المكالمات وقبل لاتدش مكتبه تاخذ كوبي من الرجستر وتكتب عليه اسم ريل السكرتيره ان عرفت الاسم
حلو؟
وقبل لاتدش تحطه علي مكتب السكرتيره ، وتروح تعطي ريلها اغراضه
وترد لها وتاخذ الرجستل وتمشي
وبعدين تدق عليها وتقولها شفتي هاللي حطيته علي مكتبج؟ والله وبالله ان ماطلعتي من الشركه خلال شهر والله العظيم مو بيوصل حق ريلج بس بيوصل حق اهلج بلبنان وانا بحرص اوصله حق امج ومع تسجيل مكالمتاكم علشان تموت بحرتها علي بتنها اللي ماعرفت تربيها وياويلج ياسواد ليليج ياحقيره ان سويتيلي شووووووووو عند ريلي علشان تخربين بيتي انا بخرب حياتج ان سمعتتتت انج قللتيه عن هالسالفه مايحصلج طيب وذيك الساعه بحرص ان يصير مو تفنيش لج تسفير لج حبيبتي وقبل لاتمشين احرص انج تنقلين بسجن طلحه وانتي تدرين شنو طلحه وبمرج اتشمت فيج انتي ناويه تدميرين بيتي وانا ماراح اسكتلج ماراح دمر بيتج عمري راح ادمر حياتج وحيات اهلج
روحي قوليله ضميري صحا وخفت ربي وانا بمشي ومابي منك شي ومع السلامه
وبجيك وراج
حتا لو غيرتي تلفونج راح اعرفج
ولو حاولتي تنخشين بطلعج ولاتهقين بسكلتج

يا مال الضربة اللي تضربهم هالبنانيات والسوريات يجون من ديارهم ذابحهم الفقر و بس يحسون بالنعمه هني خلاص يتجبرون الا ما يكون لها رفيج كويتي لو كانت متزوجه اردى ما تشوف و ما اعتقد انها بتخاف من ريلها بعضهم ريايلهم يشجعونهم على هالشغلة .
اذكر من فتره حطوا بالجريده سالفة المصرية اللي جابها زوجها الكويت وتوهق طاحتلها على كويتي اعتقد مديرها في الشركة شوفي ما اهتمت بزوجها تركته و هي على ذمته ويدري انها تنام مع الكويت ورفع عليها قضية و انطق بسببها وخايف من الكويتي وربعه و يبي يسفرها مو قادر و فوق هذا ما عنده كرامة يبيها .
و واحد لبناني يعرفه زوجي عند ولدين مرته حلوه شفتهم مره في مطعم الا يقولي زوجي انها تركته و الظاهر لافه على كويتي ومبهذله زوجها تبهذل .
بس مثل ما قالت الغالية نونو لا تخاف منه و الظاهر مستجري عليها زوجها لدرجة انه يهددها عشان هالجلبه قوليلها تصير قويه ولا يهما ولا تخاف انه يطلقها و لو طلقها قلعته جلب مايسوى و خليها تشرشحها وتفضحها بنت اللذين صج باطه جبدي و الله يسرها لها و يوفقها و يفرج كربها وينولها اللي في بالها .

الله يعينها على ما بلاها

مسكينة تكسر الخاطر سالفتها

والله مادري شقول ..

انشالله البنات مايقصرون

الصراحه الله يعينها
وما قصروا البنات ماشاالله افكرهم جهنمية وارجو منها التطبيق

نفس السالفة صارت حق واحدة اعرفها لكن رفيجتي مع مغربية!

سمعي قوليلها تكلم زوج لبنانية لانه هذي ماخافت لا من ربها ولا همها بيتها وريلها وبيوت الاوادم ففضحيها عند زوجها المغفل وعليه

وبعدين خلي رفيجتج تلهى بحياتها خلي زوجها يبدى يفكر فيها ويخاف انها تتركه ! صدقيني الريال اذا زوجته قامت تركض وراه بيميل لطرف الثاني اكثر!

وبعدين هذي خيانة زوجية فلازم رفيجتج ماتحولها معاه موضوع عادي!
خل تصير رسمية معاه وتحسسه انها تغيرت بسببه

مثل ما هاللبنانية عندها دوابير هم اهي لازم تسوي المستحيل علشان اعيالها وبيتها والله يهدي الخيانة مصيييييييييبة الله يعينها

بعدين رفيجتج خل تهتم بشكلها وزنها ؟؟؟ يمكن اهوا راح حق لبنانية علشان سبب شكلي؟ او كلامها ؟؟؟؟

لازم في خلل لانه الريال مندفع حق لبنانية !!!!

خل تتطلق منه الزم ماعليها كرامتها
وحتى لو يتوب ويبطل من سوالفه ماراح اشتهي اجابل قيفته المعفنه
الله يعينها المسكينه والله حاسه فيها وعليه اخييييه

نصيحة نصيحة نصيحة نصيحة لاتقرب من زوج اللبنانية ولا تهددها بزوجها ولاتكلمها ابدا ….. شوفي ترى فيه وحدة كويتية ومعروووووووفة زوجها ولد عمها ومن أكبر عوايل الكويت سوى علاقة مع وحدة كويتية من المهلاقة راحت زوجته الكويتية الخبلة ودقت على زوج رفيجته قام زوجهاوهو ولد ناس وطلقها راحت حق رفيجها تتبجبج وان زوجته خربت بيتها ووين أروح قام الكويتي طلق زوجته السنعة وخذا الهيليقية وكاهو للحين عايش وياها من 15 سنة والحين طرد زوجته بنت عمه من البيت وعياله وحطه باسم الثانية ……..
لا تخلين رفيجتج تسهل الأمور لهم ويخلى الجو لها باجر تكسر خاطرة وتصير بذمته وياخذها ……… هالأشكال بروحها تبي فرقا الريل

هذي وحدة حيوانه ما عندها لا حلال ولا حرام ويمكن تلقاها فرصة ان زوجها لو عرف طلقها وبهالحاله صار خطرها اكبر الحبوبه عزباء بتدق على وتر تزوجني ما يصير تخليني معلقة واهو الله بالخير حبيب .. بس في طريقة ثانية اذا عندها اخوان سنعين يساعدونها مباحث يراقبونها وعيالنا ما يقصرون يحبون يخدمون بعض .. المهم مراقبة مع كبسة محترمة بالجرم المشهود والله حزتها ما تقعد بالكويت ساعة غير قضية الزنا اللي بتكسر خشم زوجها وما تخليه يحط عينه بعينه بعد وسلامتج شريرة انا بس هلاشكال مالها غير جذي

يااااااااابعد قلبي والله انتووووووووو الله لا يحرمكم اجر شطتكم معانا

شوفو حبيباتي كل اللي قلتوووه انا قايلته لهااا من قبل بس ظروووفها كلش ماتساااعد انها اتحرررررررك اقوولكم شلووون

اولا اهما الحين ساكنين اجار و ارضهم ملكهم ليلحين ما بنوها تقول مابي باجر اتطلق منه و يصير البيت و العز والدلال حق هالزفته

ثاني شي حتى لو تطلقت وين تروح؟؟ مع عيالها .. امها ساكنه اب بيت صغيرونو على قدها مع خوات رفيجتي وحده ماتزوجت و الثانيه مطلقه مع عيالها ( والله العظيم يا بنيات ما امدحهم لاني اعرفهم و يعزون علي لكن والله العظيم انهم بنات حموووووووووله سنننننننننعه و ماكو اطيب منهم ولا اسنع منهم بس شتقولون بالحظ كل وحده خذتلها عووووووووبه ياربي لك الحمد والشكر) يعني ماكو مكااان تروووحله و صراااحه اخوانها اللي فهمته منها ان مافيهم خير واحد منهم يسلم على طليق اختها و سلام عادي واهوا يدري انه مغربل اختها و محاكم ودنيا .. ايييييييه مسكينه والله معوره قلبي .. بعدين صحح مثل ماقالو بعض الخوات ان لا تترك فرصه حق هاللبنانيه زوجها يطلقها تالي ياخذها ريل رفيجتي لان الثووور عنده استعداااد لما جكته اول مره قااام يبجي على اللبنانيه يقووولها مسكييينه هذي عندها مشاااكل مع زوووجها و انا ماعندي مااا نع اتزوجها و اربي لها عيالها بعد !!!! وااااااااااااااااااااااااااااااي بنبططططططططططططططط

انا برايي تسوي مثل خطه الاخت دانسنغ كوين خليها تحط السجل جدامها عقب تاخذه ولي جا زوجها يواجهها خليها تنكر تقول جذابه
بصراحه وايد تضايقت من الموضوع…الله يصبرها ويفج كربتها قادر سبحانه على كل شي

حسبي الله ونعم الوكيل فيه
الله يفرج كربتها ان شاء الله
ويحط كيد اللبنانيه بنحرها
هذ اللي اقدر عليه والبنات ما يقصرون