|
|
سلام خواتي،،،
كنت ودي اشارك معاكم صور قطوتي الفارسية مع عيالها،،،
اتمنى ان اليوتيوب مالهم يعجبكم 
بس واايد طريقج خطا تدزينهم حرام جسمهم مايتحمل وبعدين غلط بالعمر هذا تشيلينه كل شويه
المفروض في مكان دافي وصوريهم مثلا اوهما يرضعون او في بيتهم الخشب بيكون بارد عليهم
والف مبروك
يتربون بعزج ، و خفي إيدج عليهم .. ~
هههههههههههههههههه
..
حلاتهم ماشاء الله
بس ديري بالج عليهم مثل ماقالو البنات دفيهم الجو بارد
بس الام ماشاء الله كوبي من الذكر الي عندي
الـــســلآمـ عـلـيـكـمـ و رحـمـة الله و بـركـآتـه
مــآ شــآء اللهـمـ زد وبــآركـ .’,~
يجننون فديتــهـمـ بس حبيبتي خفي ايدج شوي عليـهـمـ .’,~
مـن ويــن شــآريــه أمـهـمـ .’,~ ….؟
و مـــــع السلامــــه ,,,
|~|
و مثل ماقالو البنات اشوي اشوي عليهم بهل عمر حيل جسمهم اضعيف ما يتحملون هل حركه العنيفه حتى امهم بتتضايق من هل معامله
و سبحي امهم و لا بتعديهم من الفطريات
ماشالله عليهم يهبلوووون
للبيع ولا ؟؟
الله يخليهم لج
حلالالالالاتهم
فديتهم
والله لو تشوفون اشلون امهم تشنقل وتشوح فيهم من مكان ليه مكان تقولون ان الوضع طبيعي ليما تدزونهم على سطح ناعم مثل اللي تصورو عليه العيال،،، عادي،،، والطاولة وايد ملسة اللي شفتوها،،، وعلى فكرة هذول عندهم بيت وايد زين من خشب،،، والدفاية مالتهم شغالة من احسن ما يكون،،، لا تضنون اني وايد قاسية 
حرام عليكم!!!
المهم،،،، هذه القطاوه فارسية اصيله،،، يعني ابا عن جد،،، مسجلين في هيئة الـ " CFA " الأمريكية وشجرة العايلة مالتهم اللي معاي ترجع لي اكثر من 50 سنة،،، يعني مافي في دمهم اي عرج غير الفارسي، والاهم من هذا انهم PKD-Negative،،، يعني ما فيهم مرض الـ PKD اللي يصيب معضم القطط الفارسية، واللي هو عبارة عن تكوين حصوات في كليات القطاوة الفارسية (الاصيلة) اللي ما يخليهم يعمرون اكثر من 5 الى 7 سنوات، مع العلم ان المفروض العمر الافتراضي للقطط الفارسية اللي ما عندهم مرض الـ PKD المفروض — والاعمار بيد الله — يعمرون ليما 12 حتى 18 سنة؟!؟!؟
الام اللي في الفيديو (البيضة) من المانيا. (امها (نسخة منها) – ماخذة احسن لقب قطوة في المانيا سنة 2024.
والاب اللي ما شفتوه ليما الحين (اسود (Solid)) من فرنسا.
وعلى فكرة الابو مالهم اسود مولية | العكس تماما وويهة فارسي مثل الام — بس احلا من الام
وباركولي،،، وحده من الصغار طلعت ODD-EYED ،،، يعني عين زرقة والثانية نحاسية عادية
ادز لكم بعد فيديوهات؟؟؟ ولا كافي؟
سلام