|
|
انا عمرى 33 مطلقة وعندى بنت من طليقى الأول عمرها 12 سنة وانحرمت منها ومن شوفتها يومن عمرها سنتين أخذها أبوها
وماشفتها الا مرتين بحياتى !! طبعا يااخواتى راح تستغربون من قصتى لانها غريبة شوى !!
أكتب لكم وأنا قلبى يتقطع من الحرقة والألم !! طليقى الأول بنفس شارعنا وكنت صغيرة بعمرى وقتها 21 سنة
وبحكم ان ابوى يعرفهم ويعرف ابوهم ونفس قبيلتنا ،، انخطبت وانا ادرس بالجامعة ،، وتزوجتة وليتنى ماتزوجتة
مو صاحى _ سرق ذهبى من اول ليلة _ راعى بنات ويكلم جدامى _ لايصوم ولايصلى _ مو أمين _ بصراحة
كل المواصفات الفاسدة فيه !! حملت من اول الأيام ،، وبعدها هربت لأهلى وشكيت لأهلى ،، ورجعنى ابوى
لبيتهم وقالى هذى مشاكل تصير مع كل اثنين متزوجين ،، وانتم صغار ،، طلعنى من الجامعة ، صبرت وتحملت
وقلت يمكن يتعدل ،، لكن طلع شكلة الخارجى انسان ،، لكن الداخلى ( ابليس) بأختصار خواتى مهما أعد صفاتة
الفاسدة مأخلص لباجر !! المهم : دام زواجنا سنة من العذاب ،، وجتنى بنت ( شهد ) ورحت لأهلى وقلت
لأبوى ماراح ارجع لو شنو يصير … خلااااااااااااااااااااااااص لاعت جبدى وانتم ظلمتونى ،، بأنسان فاسد !!
قالى خلاص انا راح اتفاهم معاه هو وأبوة ،،
واتفقنا على الطلاق ،، مقابل رد المهر ،، ورجعنا لهم المهر 7 آلاف مقابل الخلع ،، وأخذ المهر وتطلقت وارتحت منة
ماتصدقون انى صرت اسعد انسانة بعد ما أفتكيت منه ،، واخذت حكم حضانة لبنتى ونفقة ،، وبعدها بدت المشاكل معاه ،،
أخذ حكم رؤية للبنت وكل يومين طاق الباب ،، ويبى يشوف البنت !! صار يضغط علينا حيييييييييييل ،، يروح للمخفر
ويقول اكاذيب انه ماخليناة يشوف البنت ،، عشان يفشلنا عند الجيران ،، وكل يومين او ثلاث توقف دورية شرطة
عند الباب وهو معاهم ،، والشرطة يقولون عندة حكم رؤيا ،، ليش ماتخلونة يشوف البنت ؟؟؟ كلها أكاذيب عشان يفشلنا
استمرينا على هالحال 1 سنة ونص ،، بعدها زعل ابوى حييييييييييل هو واخوانى وقالولى عطية بنته وفكينا من شرة
قلت مستحييييييييييييييييييييييييييييييييييييييييل ،، وصاروا يضغطون على لما عطيتة البنت ،،
وبعد ماعطيناه البنت ماتتصورون العذاب والألم اللى عشته ،، اللة يسامح ابوى واخوانى عشان ضغطوا على ،، يمكن شخصيتى ضعيفة ،،
المهم بعدها توظفت ،، ومرت 6 سنوات وماشفت بنتى ،، وبعدين خطبنى شاب سعودى مو متزوج ،، وعايش بالكويت ،، وسئلوا اهلى
عنه وطلع خوش ولد ،، كل المواصفات الطيبة فيه ،، من جميع النواحى ،، وماتصدقون انى فرحت حييييييييييييييييييييييييييل فيه ،،
وبعدها تزوجنا ،، لكن مصيبتى انى بداخلى بطير من الفرحة ،، وتعاملى معاه مو شى ،، يعنى جافه معاه !! مدرى ليش؟؟
دلعنى ، دللنى ، لدرجة ان اهلى قام يغارون منه ،، بأختصار : كأنى ماتزوجت قبله وعايشه بحلم ،، ومع ذلك احس فينى حقد
على الرجال !! اللة يسامحنى قسيت علية بالصد ورفعة الخشم !! ومع ذلك يتفرب منى ويحاول انى أحبة لكن مادرى شقاعد اسوى ؟؟
مرة قالى شوفى يابنت الناس : اذا انا موعاجبك وماتبينى قوليلى ،، ( امساك بمعروف أو تسريح بأحسان ) ترا مليت من اسلوبك
وودانى عند اهلى وانا ماتكلمت ،، وما أتصلت عليه وبعد اسبوع اتصل على وقالى انا بأخذك ،، وكأن لم يحصل شى ورديت
وحملت وجانى ولد مثل القمر ،، وطرت من الفرحة وحتى هو !! وغيرت اسلوبى وقمت اتودد له ،، وعشنا اجمل قصة حب
بعد الولد ،، وحملت مره ثانية ،، وجتنى بنت ،، مثل القمر ،، وبعدين اهلى يوم شافوا انى تعلقت فيه وحبيته وحبنى ،، اشتغلت
الغيرة ،، من امى ومن اخوى الحقير ،، واسمحولى اهو اللى هدم بيتى ،، صاروا يحرضونى عليه ،، وانتم فاهمينى !!
المهم شك زوجى فيهم ونصحنى مليون مرة ان المرة مالها الا زوجها وعيالها وبيتها ،، وبكل صراحة مرة اصدق كلام اهلى
ومرة اصدق كلام زوجى ،، ومشينا بحياتنا انا وزوجى وتركت كلام اهلى،، وزادت غيرتهم من زوجى ،، شنو السبب مادرى؟؟
وتميت مع زوجى خمس سنوات ،، وبعدها صارت مشاكل مع زوجى والسبب اهلى لانى قمت اطيعهم ،، يعنى كل من يقول
هى بأمرى ،، وامى تقول جيبى عيال منه وخليه يولى !!! وزوجى سمع هالسالفة مره بالتيلفون ،، وجتنى بنت
المولود الثالث ،، وكان عندى بالمستشفى ،، وكان يودينى مستشفيات خاصة على حسابة ،، وحريم اخوانى اشتغلت فيهم نار الغيرة !!
لدرجة مرة كان عندى بالمستشفى ،، واهلى دشوا فجأة علينا ،، واخوى قالة اهلنا يبون يدشون لو سمحت انطر بره !!
وقمت ابجى ليش اخوى واهلى يكرهون زوجى ،، واللة بدون سبب ،، ويسمونة صاحب السمو الملكى ،، طنازة يعنى
واهو رجل بكل معنى الكلمة من اخلاق وأمانة وحبه لى واهتمامة فينى ،، وبعدها تغير على صار يهاوشنى وانا صرت اعاند
وكثرت المشاكل بيننا ،، وصرت اشكى لأهلى وقامو يكبرون راسى ،، وهو عارف ان التحريض من اهلى ،، وكبرت المشاكل
وتغيرت حياتنا فجأة والسبب انا !!!!!!!!!!!!!!!!!!!!!!!!!!!!
وهددنى اذا ماتغيرت راح يروح للسعودية وياخذ عيالى منى!!! وصرت اخاف منه وهو يخاف منى !! واعترف على نفسى
ان الخطأ منى ومن اهلى ،، وآخر مرة صارت مشكلة بينى وبينه ،، يبى اهلى مايتدخلون بحياتنا ،، ورديت عليه : استفزيته
قلت روح قولهم اذا فيك خير وضربنى لأول مرة كف من تزوجنا !! وحسيت انى كرهته كرهتة كرهتتة
وأولهم اخوى الحقير ،، وبعد شهر يتصل فينى وماأرد ،، ويطرش مسجات وماارد ،، وامى واخوى يقولون خليه يولى ،، عيالج عندج
وكسبتيهم ،، وجا زوجى لأبوى ،، ومحد احترمة !! طاف 3 شهور وعندى عادى والسبب اهلى كله يحرضونى ،، وبعدها طلبنا
الطلاق ،، وقال ابى اسمع منها اهى انها ماتبينى ،، وسمعته كلام جارح وقاسى ،، طبعا هم عندى يلقنونى ،، شنو الهدف مادرى ؟؟
ضايعة دايخة احس انى بدوامة !! وقالى انه يحبنى ويبينى لكن صرت ازيد بالكلام !! ووافق بس قال لأبوى عيالى ماشفتهم
3 شهور طبعا اعمارهم 4 ،، 3 1 ونص وبعدين خفت انه ياخذهم ومايردهم ،، بس تطمنت ان جوازاتهم السعودية معاى
واوراقهم ،، ووافقنا واخذهم الظهر ،، ونطرت لى الليل وماردهم ،، وقمت احاتى لكن قالى ابوى يمكن ينامون عندة ويردهم باجر
وباجر وعقب باجر ،، ومافى احد !! انا صرت بحالة هستيرية ،، واتصل عليه ابوى وقالة وين العيال ؟؟؟؟؟
قالة اى عيال ؟؟ تقصد عيالى ؟؟ المهم قال لأبوى عيالى عندى وبوطنهم السعودية ،، وعند اهل ابوهم وعمامهم !!!
وبنتك طالق طالق طالق !!!!!!!!!!!!!!!!!!!!!!!!!!!!!!
والحضانة حسب الشرع الاسلامى السعودى : تكون ببلد الأب ،، وانا ماعندى مانع تحضنهم ببلدى كونها امهم !!!
لأنى مليت من صبرى عليكم ،، وخل تحريضكم لها ينفعكم !!
وارسل لى ورقة الطلاق من محاكم السعودية ،، وانا الحين افقد اطفالى للمرة الثانية بحياتى !!!
انة يرجعنى والقلب مفتوح قبل الدار ،، وأقرأ المسج بتيلفون اخوى واقوم ابجى !! بس بشرط تسكن بالسعودية معاى وراح انسى
كل شى ،، واهلى رافضين كل هالكلام ،، ومايبونى اروح السعودية ،، طبعا ماعندى كلام معاهم لأن كلامهم واوامرهم صدامية
شسوى اكتب وانا دموعى تنزل !!! مالى كلمة عندهم وحتى جواز سفرى قطعة اخوى الحقير عشان ماأضعف والحق عيالى
الناس شتقول عتى تطلقت مرتين وكلهم خذو عيالى ؟؟؟ اهلى ناس اللى يصير معاهم طيب يقسون علية مثل طليقى الثانى
واللى يلعوزهم بالمحاكم والشرطة ،، يبون الستر منه مثل طليقى الاولى !! واللة احترت وعايشه بدوامة !!
واتصلت على وحده اعرفها من عايلتهم تقولى طليقك يقول لأجل العيال بنطر تردين واذا مارديتى راح يتزوج بعد شهر او شهرين
وانا اعرفة زين راح يسويها ،، وعيالى تربيهم وحدة ثانية ؟؟ عطونى الحل واللة تعبت واللة تعبت واللة تعبت
وامى وابوى كبار بالسن كل واحد فيهم يقولى خليه يولى وتاخذين احسن منه !!!
شنو صرت فى وحدة تتزوج وكانت مطلقة مرتين من شخصين ؟؟
مافيهم احساس فينى !! العيد قرب وحريم اخوانى بدا فيهم الاستفزاز فينى ،،
كل وحدة تشترى وتجهز لعيالها بالعيد وتورينى ،، شرايج بالملابس ؟ وانا ادرى انه
مثل قولة : عيالها انحرمت منهم !!
واللة افكر انى انتحر وارتاح !! موعارفة شسوى ؟؟
داخلى بركان وقاعدة اتعذب !! اهلى ماعندهم احسااااااااااااااااااس !! ابوى صكنى بغرض على راتبى 25 الف
واخوى سويتلة وكالة عامة ،، طبعا اوامر صدامية !!
ورايح مشتكى على طليقى يالنيابة والمحاكم ،، ومتهم طليقى ابو عيالى يقضايا منها ( خطف عيالة ) وسجلت علية قضية
جنائية وانحكم فيها 7 سنوات سجن !! ونفقة وحضانة !! وطبعا انا مو راضية بالأمور هذى !! لأنه مهما كان
ابو عيالى وبيننا عشرة حلوة ماتتنسى ابدا !! واخوى استغلها فرصة ضد طليقى أخذتة لعيالى وصار يشتكى باسمى
وطليقى عرف بالقضايا هذى ،، وطرشلى مسج يقولى : ماتوقعتك جذى انك تكرهينى وتدابجين بالمحاكم ضدى
لأنى عارفج عدل ماتحبين تضرينى ،، وماطول جذى الكويت مااطبها عشانج ،، وخل القضايا واخوج ينفعونج !!
وانا انسان شريت كرامتى ،، وبديرتى محد يقدر ينزع ولايتى عن عيالى ،، مثل ماحرمتونى منهم بديرتج !!
للأسف يام عيالى تحملتج 5 سنين ،، لأنى احتسب الأجر فيج بصبرى ،، لكن ارجع واقول مهما نبعد عن بعض
ومها اتزوج انى حبيتج من كل قلبى ،، ومو هاينة على عشرتج !!
هذا نص رسالتة لى !!
بالصراحة ما بي الومج الا صار صار
بس الحين عليج انج تسوين المستحيل انج تردين لطليقج وتبدين صفحه يديه
حاولي انج دخلين عمامج او خوالج او اي شخص يقدر يأثر على اهلج
وبنفس الوقت لازم توصلين حق طليق انج تبينين له انج تغيرتي……..
يمكن لما تبعدين عن اهلج وتعيشن معا بالسعودية راح تنحل مشاكلكم
بالنهاية ما اقول الا الله يعينج ويسخر لج عباده
خلي شخصيتج قويه حبيبتي كلام اهلج وتصرفات اخوج ماراح تنفعج اذا انتي خايفه منهم ..
هذيله اطفال ومحتاجين رعايتج ..
الله ايسر اموركم ويصلح حالكم يارب
وامى وابوى كبار بالسن كل واحد فيهم يقولى خليه يولى وتاخذين احسن منه !!!
شنو صرت فى وحدة تتزوج وكانت مطلقة مرتين من شخصين ؟؟
مافيهم احساس فينى !! العيد قرب وحريم اخوانى بدا فيهم الاستفزاز فينى ،،
كل وحدة تشترى وتجهز لعيالها بالعيد وتورينى ،، شرايج بالملابس ؟ وانا ادرى انه
مثل قولة : عيالها انحرمت منهم !!
واللة افكر انى انتحر وارتاح !! موعارفة شسوى ؟؟
داخلى بركان وقاعدة اتعذب !! اهلى ماعندهم احسااااااااااااااااااس !! ابوى صكنى بغرض على راتبى 25 الف
واخوى سويتلة وكالة عامة ،، طبعا اوامر صدامية !!
ورايح مشتكى على طليقى يالنيابة والمحاكم ،، ومتهم طليقى ابو عيالى يقضايا منها ( خطف عيالة ) وسجلت علية قضية
جنائية وانحكم فيها 7 سنوات سجن !! ونفقة وحضانة !! وطبعا انا مو راضية بالأمور هذى !! لأنه مهما كان
ابو عيالى وبيننا عشرة حلوة ماتتنسى ابدا !! واخوى استغلها فرصة ضد طليقى أخذتة لعيالى وصار يشتكى باسمى
وطليقى عرف بالقضايا هذى ،، وطرشلى مسج يقولى : ماتوقعتك جذى انك تكرهينى وتدابجين بالمحاكم ضدى
لأنى عارفج عدل ماتحبين تضرينى ،، وماطول جذى الكويت مااطبها عشانج ،، وخل القضايا واخوج ينفعونج !!
وانا انسان شريت كرامتى ،، وبديرتى محد يقدر ينزع ولايتى عن عيالى ،، مثل ماحرمتونى منهم بديرتج !!
للأسف يام عيالى تحملتج 5 سنين ،، لأنى احتسب الأجر فيج بصبرى ،، لكن ارجع واقول مهما نبعد عن بعض
ومها اتزوج انى حبيتج من كل قلبى ،، ومو هاينة على عشرتج !!
هذا نص رسالتة لى !!
بعد جم سنه لي كبرتي محد راح ينفعج الا ريلج وعيالج واهلج بيقلبون عليج واخوانج بيتزجون وينسونج
كافي انحرمتي من بنتج الاولى بتنحرمين من الباجي بعد !!!
فكري عدددل
والوكاله الغيها انتي مو ياهل عشان يتحكم فيج عمرج 33 سنه يعني اتعرفين اتصرفين
اول شي واهو اهم شي :
انتي لازم ترجعين بنتج الكبيرة لحضنج ما تنازلتي عن المهر 7000 وآخر شي ياخذها باردة مبردة حاولي يا قلبي واسعي لها
اتصلي وحاولي تكلمينها وتشوفين اخبارها ترى بنتج والبنت الحين مستحيل تنساج .. وبتعتبر هالموقف ضدها وبتظن انج ما تحبينها ..
ثاني شي واهو مهم جداً جداً :
انتي تطلقتي مرة .. خلاص المرة الثانية تحكمي بحياتج ولا تخلين لأحد حكم عليج ..
عاملتي طليقج الثاني بقهر وجنج تخيلين طليقج الأول .. وطبعاً تغير هالشعور لما شفتي حنانه وطيبته وحبه لج ولعياله ..
يا قلبي باجر اخوانج والله ما يدرون عنج وابوج وامج طولة العمر لهم بس ما راح يدومون لج .. خسرتي بنتج اول شي لا تخسرين باقي عيالج ترى والله حرام هاللي تسوينه فيهم وبنفسج..
كلمة طليقج لما قال خليها تجي وتربيهم بديرتي وده يرجعج ..
عشان جذي طرشيله مسج قولي
((والله العشرة مو هاينه علي والله ابيك وابي عيالي والله ان كل هالشي غصبن علي اهلي ضيعوني وضيعوك مني الله يسامحهم وانا ادري ان ما راح يدوم لي غيرك بس الشيطان شاااطر والله انهم كانوا يلقنوني كل كلمة والله ان ما ودي بشي يضرك وانا مستحيل اضرك
والله ودي ارجعلك اليوم قبل بكره والمحاكم والله ما سعى فيها غير اخوي اللي حرضني عليك وحرمني منك انا ندمت وطلبتك بهالليالي المباركه ارجعلي وخلنا نبني بيتنا من جديد واوعدك محد يخرب علينا ووعد الحر دين))
وروحي المحكمة واسقطي كل القضايا اللي عليه لاااااااااازم
وبعدها دزيله مسج واحلفيله انج اسقطتيها وخليه يجي الكويت ويا ليت تعيشين بالسعودية بعيد عن اهلج وغيرتهم ومشاكلهم الله يسامحهم عمري ما شفت احد يتمنى لأخته شي غير السعادة
يمكن امج على حسن نية بس اخوج اسمحيلي اهو شكو @@
انا خابره اهل الولد يغارون اذا شافوا جنتهم مستانسه بس اهل البنت يغارون من بنتهم بسبب معاملة زوجها فعلاً غريبة !!
الله يعينج على ما بلاج والله يفرج همج يااارب ياااكريم بهالليالي المباركه ويجمعج مع عيالج زوجج ببيت واحد من جديد
وصدقيني محد بيضفج غيره وغير عيالج .. ولا تسمحين لأي كان يتدخل بينج وبينه .. وتغيري عليه لما يرجع من ناحية الشكل ودلعيه وعوضيه وعوضي عيالج خنت حيلي والله ما يستاهل شكله طيب .. قبل لا يروح منج لوحده غيرج وقتها شنو ينفعج الندم !!
شلون بتعامل عيالج !!
انا مابي اخرعج امورج محلوله بأذن الله بس اسقطي الوكاله عن اخوج والقضايا وخلاص انسي اللي صار وافتحي صفحه جديدة
وادري طولت بالرد .. بس تكفين طمنينا عليج ..
لابارك الله بالضعف الامومه احساس راح تكبرين بروحج ماحولج احد كلن لاهي بحياته وانتي بروحج لاتعاتبين عيالج بعدها وتطلبين برهم ?