قصة ولادتي مع دكتورة ناهدة العلي بدار الشفا

ا

تاريخ ذهبي للبيع هههههههههههه

بالنسبة لي انا بكل ولاداتي اللي قبل اكمل شهري كله وادش العاشر اسبوع وما أولد الا بطلق صناعي

وهالمرة بعد بس دشيت العاشر بيومين بس وقررت اني اولد مع انه كان اييني عوار خفيف يروح ويرد

وكان يحوشني عوار مو طبيعي بحوضي وظهري من تحت …

المهم انا كنت اراجع عند دكتورتي العزيزة ناهدة العلي والله هالدكتورة عسل وما شالله عليها تحسين انها امج يمج بالولادة

كافي تقعد تستغفر وتقرى وتسمي عليج حزة الطلق وتصبر وما تستعجل بالقيصرية الا اذا كان خطر عالياهل …

المهم انا خلصت شهري يوم 9 /11 والدكتورة قالتلي انا انصحج انج تولدين قبل لا تخلصين شهرج عشان كان فيني

سكر حمل ومو زين تتأخرين اكثر من جذي عشان لا تتعسر ولادتج ويكون الياهل حجمه كبير …

قبلها بجم يوم رحتلها وكان اييني عوار بحوضي سوتلي سونار لقت راس البيبي بالحوض

قالتلي كثري مشي على رمل البحر وكثروا الشيسمونه (………..) عشان يلين عنق الرحم …

وقاستني ولقتني مفتوحة سانتي بس

المهم سويت بنصيحتها ومشيت مشي لين زهقت وقمت اكثر من شرب الزعتر وشربت دارسين مرة وحدة

بس كنت آكل سينابون …

بس ماكو فايدة … ونصيحة بنات لا تاخذون هالسوالف اذا ما فيكم طلق او عوار حيل لأنه يتفخ الياهل ويأذيه وتلاقين عنق الرحم مو مبطل كفاية ….

عاد انا كن اييني عوار خفيف يروح وير وأكثر شي بحوضي عاد يوم 10 /11 خالتي قعدت تحن علي وتقولي روحي الدكتورة ختشوفج لأن بطني كانت حيل نازله …

قلت حق ريلي ودني الطبيب فيني عوار خفيف ..قال اوكي بس بعدن كشت فيني قالي عبالي تدلعين ..
المهم خالتي عصبت وقالتله ثاني يوم روح ود زوجتك مو زين تطول اكثر من جذي …

قبلها بالليل كنت قاعدة اسولف مع البنات بالتجمع وكنت اشرب زعتر ودارسين …وياني عوار وثقل بس مو عوار شديد عادي

يوم 11/11 بعد ما رد ريلي من الدوام قلتله العصر ودني الطبيب …قال اوكي …

لمن ركبت السيارة قلته ودني الصباح قالي انتي مو بتولدين بدار الشفا ؟؟؟

قلتله اي بس ابيهم يجيكون علي ويفحصوني واذا فيني ولادة اروح دار الشفا …عصب وقالي انتي تلعبين ؟؟؟
المهم قالي حلاته انجل فيج واخليج تولدين بالصباح ..قعدنا نتهاوش طول الطريج ليمن وصلت الصباح

دشيت الطوارئ وفحصني الدكتور قالي يبنتي دنتي مفتوحة 4 سم يالله ولادة

قلتله شنو بس مافيني عوار قالي مش ضروري انتي فيكي سكر حمل وطايف موعدك يومين مش كويس …

قلتله بس انا مابي اولد هني ابي مستشفى خاص قالي براحتك بس وقعي انج رفضتي على مسؤليتك …قلتله اوكي ووقعت …

قلتله يالله ودني دار الشفا ..

عاد قالي حلاته تنجل فيج دكتورتج وتتأخر عليج …قلتله مالك شغل ودني بس …

وقعد يتحرش فيني طول الطريج …

يوم وصلت المستشفى دشيت الطوارئ وفحصتني الدكتورة وقالتلي انتي ولادة بس طلقج بارد

وعنق الرحم عند سميك يبيلج توسعة شوي مع طلق صناعي وتولدين انشالله …

فحصتني وسعتني شوي ودقت على دكتورتي ناهدة

وقالتلي روحي حجزي غرفة …

رحت وكنت ابي الملكي قالي ماكو كله محجوز قلتله اوكي في جونيور؟؟؟ قالي اي في وحدة

حجزت وصعدت غرفتي وحطولي درب والحقنة الشرجية واي مأساة …

وماكو بعد ربع ساعة او نص ساعة قالتلي السستر الدكتورة تحت تنطرج …

انا اخترعت وحسيت اني خلاص اموري تأزمت

المهم نزلت وكانت خالتي موجودة تحت تنطرني ودشت سلمت علي وتدعيلي …

شوي وحطولي الدرب والطلق الصناعي ويت الدكتورة

وكل شوي يزيدون الطلق الصناعي والدكتورة توسع لي عنق الرحم امبيه عذااااب

وما انقذني الا الكمام …. بصراحة كمامهم عجيب …