|
|
السلام عليكم
شلونكم بنات
ابي اعرف قسم العمارة اللي بجامعة الكويت اللي يتخرجون منه هل ينطبق عليهم كادر المهندسين ام لا
وشنو مسماهم لما يتوظفون معماري ام مهندس معماري …عندي هني ناس حايسيني
اقولهم مهندسين يقولون لا معماريين اكو فرق يعني؟؟؟نوروني اذا تعرفون
وخريج قسم العماره يعتبر معماري وبالوظيفه اسمه مصمم اول
ماكو شي اسمه مهندس معماري
والفرق انه المعماري يصمم المبنى ويسوي الخريطه والمهندسين يشتغلون ع خريطه المعماري
ومشالله الخريطه توصل سعرها يصك الالاف
ولهم كادر المهندسين توهم اقرووه
بجمعيه المهندسين والمعمارين
و مسماهم معماريين مو مهندسين =)
انا كنت مستغربة ليش حاطين قسم العمارة بكلية الهندسة فكنت اقول اكيد انهم مهندسين
على جذي لازم يصير اسمها كلية الهندسة والعمارة
اشوف عندهم مواد فنية وتاريخ لكن يطلبون نسبة عالية اعلى من نسبة الهندسة
حتى اللي بيحولون للعماره لازم يكون معدلهم عالي 3.33
و عن الصعووبه و السهوله إهما شغلهم واايد و دوامهم يطوول يعني عادي تقعدين يوم كامل من الصبح
لي بالليل بالجامعه بس حلو يعني ونااسه رفيجتي خذت جم ماده من قسمهم و حدها استانست على سوالف
التصميم و الخزف فإنتي راح تستانسين و تبدعين إذا كنتي تحبين هالأشياء
و موفقه
و ذاك اليوم من كثر التعب يابت رفيجاتها بيتنا و اقعدوا عندنا ليما اليوم الثاني و اهماا يشتغلون .. مابي اخرعج .. بس اذا كنتي حابه هالشغله و تقدرين على التعب ان شاء الله ماكو شي صعب
و الله يوفقج =)