|
|
اسلوب رااااائع واثر فيني كثير
قلت انقله لكم
السلام عليكم …..
ياليت تتحملوني…
خلوني اطلع اللي بخاطري…ولو كثرت الكلام
تصدقون اني ما ادري من وين ابدا…..
حقيقي مدري وش اقول…
بس يالله…بسم الله
كنت اتكلم بحسن نيه مالي قصد وهو عارف
متاكد نعم متاكد…ان مالي قصد…ولانيه شينه
لكن جيت علي الجرح
لمسته بدون ما اقصد….
مسكينه انا اثاريه كان يفكر بهالامر….
(وهو كان يظهرلي دايما انه ما يهمه)
(اسمحولي تفاصيل المشكله خاصة)
زعل وعصب وهدد…كل هذا مو مهم
وش المهم اجل…
المهم اني عرفت مكاني…
مو بس مكاني ومكان بناتي للاسف عنده
صدمه يابنات صدمه…..
المهم…
اني كنت اقوم بوجباتي عادي
بس مابينا كلام…
وكان شريط حياتي يمر قدام عيني
وقفاتي معة…
صبري عليه…
والله مواقف وامور واحداث حصلت بحياتنا..
عرفته معدني…او علي الاقل هذا كان ضني
بس خلاص تعبت من التفكير
مابي افكر …خلاص تعبت
وقررت نعم قررت… الانفصال
الغريب فالامر اني كنت هاديه
رغم قراري هذا…
يتبع…..
اعطي نفسي فرصة..
اتراجع…
احن له…
بس لاااا… الجرح كبير واليم
كنت اذا سويت اي شي..
البنات ما ياكلون…ابوي اول ..نادي ابوي
كان قاعد بالصاله
حطيت العشا..
وما جا يتعشي…
كالعاده البنات ..يبة تعال تعش
مابي…
تكفي تعال كل معنا…
قلت مابييييييييييييي….يالله
يبااااا بس وحده عشانا
يالله…(الله يلعن….
وتقوم الصغيره وتاخذ صحن السلطه
حقها…وتلقمه بملعقتها
كلا لقمه وقال يالله خلاص..روحي
كل هذا وانا اطالع المنظر وساكته…
بعد العشا….
قاموا البنات يلعبون وقام عليهم وضربهن
مع سب وصوت ارعبني ..فما بالكم بهن…
وجاوني مرعوبات
رحت غرفة نومي…
ويوم جا بينام…
تكلمه الصغيره(تموت فيه)
وطردها….
وقام يسب ويسب ويسب
وانا عاد انفجرت…
ما صدق …
قام يبي يضربني…
الا مدت اليد هذي يعرفها من خذاني
ان هذي مافيها تسامح ولا رجعة…
قلت مانوي يضربي الا اكيد…
هو مقرر …نفس قراري..
دمعت عيني غصب علي…
ما قبلت نفسي هالأهانه…
فكمل هواشه ويده مرفوعة …
بس ما مدها علي الحمدلله
اهملت البيت..
ما عاد اطبخله
ولا حتي الشاهي والقهوه..
غريبه ما كانها انا….
معقوله…
عمري ما وصلت لهالحاله…
انام اذا قام..
واقوم اذا نام
مابي ادعي ولا اتصدق
عشان ما تنحل هالمشكله
مابي مابي خلاص….
مابيها تنحل
داخلي شي يبيها تكبر….
بعد كم يوم…
وكالعاده كنت قاعده بالليل علي النت…
وصاكه فيني الدنياااااا
قلت يالله(استغفر الله اللذي لا اله الا هو الحي القيوم واتوب اليه)
جلست اكررها واكررها بنفس هالصيغة من اول الليل
اعرف فوايد الاستغفار وكتبت تجربه لي معه قبل كذا
بس فعلا ما كنت اقوله عشان مشكلتي…
لاني متخذة قراري…وانتظر رجعت اهلي من السفر
ومثل ما قلت بعد كل هالوقت…
وهالفرصة اللي عطيتها نفسي عشان اتراجع
لقيت نفسي مازلت مصره علي موقفي…
قصة (الجبير)ومشكلته مع مجموعة
من الاطباء…واستغفاره كان بنفس الطريقة..
وانحلت مشكلته..
فكنت احدث نفسي..
تستغفرين عشان تنحل مشكلتك؟؟
فوالله كان الجواب قاطع داخليا…لااااااااا
لااااااا
فعلا لا مابي…
المهم صار شي غريب…
بعد كم ساعة…من استمراري
بالاستغفار
لقيت نفسيتي صارت حلوه
وقلبي انشرح
وسويت شي غريب…
رحت طبخت…وصورت طبخي..
ونزلته بقسم الطبخ…
وانا اول مره اسويها…
ويوم اذن الفجر..
فتحت درايش البيت وكل الابواب…
وكنت اضحك مع بناتي …
ما غير مزاجي غير هو يوم قام
صار تتش بسيط..بينا
هو طلع..
وانا رحت لغرفتي بنفس النفسيه الحلوه…
ورجع الظهر….
وكان وجهة ناوي علي شرررر…
ومعصب لدرجة كبيره…
انه يوم انسدح بينام…
وانا كنت جنبه علي النت
بنفس الوقت انقلب حاله…
وقال …ها يالغاليه…
المفاجاة اني رديت عليه وتناقشنا…
كنت ارد غصب علي…
شي يجبرني اكلمه….
(علما انه اول المشكله حاول محاوله
بسيطه جدا وقابلتها بالرفض….
وكان رده عنيف)
فقعد يعتذر ويعتذر ويعتذر…
سبحان الله لسانه ينطق بغير تعابير وجهه
كانهم شخصين
(علي فكره هو ما يدري بنيتي اني بروح لاهلي)
ولساني ينطق بغير اللي بداخلي…
فتاكدت اني قررت شي …والله اراد شي اخر
فعلمت انها قصة اخري وليست اخيره عن فضل الاستغفار…
منو فينا ماتضيق فيها الدنيا وتقرر احيانا قرار وتتراجع عنه
ولو الوحده سوت بهالقرار كان مابقا احد ماتطلق
والله يوفق الجميع
جزاكن الله خيييير…علي المرور العطر
الاستغفار سبحان الله مثل السحر يغير من حال الى حال