قبول أبناء ‘الخليجيين’ بمعاهد ودورات التطبيقي
12/6/2011 الآن:فالح الشامري 12:16:09 PM
سعاد الرومي
أعلنت نائب المدير العام لشئون التدريب بالتكليف في الهيئة العامة للتعليم التطبيقي والتدريب سعاد الرومي عن فتح باب التسجيل للمتقدمين من أبناء دول مجلس التعاون الخليجي للالتحاق بمعاهد ودورات التدريبية الخاصة بالهيئة للحاصلين على شهادات مادون الثانوية وذلك في حال وجود شواغر بالمعاهد والدورات التدريبية الخاصة حيث سيتم معاملتهم معاملة الكويتي عند تقديم طلبات الالتحاق.
وبدورها أفادت مدير إدارة قبول وتسجيل المتدربين مليحة الكندري بأن التسجيل لا يزال مستمر للفصل التدريبي الأول 2024/2012 حتى يوم الخميس الموافق 30/6/2011 للراغبين في الالتحاق بمعاهد التدريب و الدورات التدريبية الخاصة ما دون الثانوية والحاصلين على الصف العاشر كحد أدنى (دورة سجلات طبية/ بنين – بنات) و الحاصلين على الصف التاسع كحد أدنى لباقي المعاهد و الدورات التدريبية الخاصة و الحاصلين على الصف الخامس كحد أدنى لمعهد التدريب المهني (بنين), وذلك بموقع الهيئة في العديلية مبنى رقم (7) بإدارة قبول وتسجيل المتدربين. و أن توزيع المظاريف مستمر إلى يوم الأربعاء الموافق 29/6/2011 .
.
شي يظحك والله وتخبط معهود من وزاره التربيه
هالمعاهد خل تستوعب اعداد الكويتيين قبل عشان تدخلون الخليجيين
يستاهلون عيال الخليج
يستاهلون الخليجيين اهلنا وحبايبنا
يعطيه العافية وزيرنا
َََ
الكويتيين مو لاقين شعب ونص الشعب مسكره وياالله يحصلون شي
هالمره ابناء الخليجيين !
قرار فااشل ..
َََ
و اللي تقول لكم يقبلون الخليجين بالتطبيقي قبل هالقرار شنو تقولون مو جايبين شي جديد
ههههههههههههههههههههههههههه الردود كانت متوقعه .. بعض العضوات من أقرا نكها اتوقع شنو بتقول
انا اشوف انها خطوة طيبة مع انه حسب علمي اهم يقبلون الخليجين قبل .. ولا تخافون محد بيخذ رزق أحد على فكرة اهم مو مخلين جامعاتهم اللي ماتقارن نهائيا بجامعتنا يخلونهم ويدخلون التطبيقي الا انهم مقيمين هني او محتدين لظرف مااا
وحياهم الله أهلنا وحبايبنا
يا بنت الحلال احنا يتأخر تخرجنا والسبب ( المجموعه كاملة العدد الشعبه مغلقه )
فعلا تخبط من وزارة التربيه
بالاول حلوا مشكلة الشعب المغلقه اللي ما تستوعب اعداد الطلبه ذيج الساعه اقبلوا طلبة موزنبيق بعد
انا اشوفها خطوة موفقة في دولة من مجلس التعاون الخليجي والا اشلون نتعاون !! في الحرب فقط والسلم لا!
وماهم غرب كلنا اولاد شيه الجزيرة العربية
اعتقد طالما اقبلوهم لابد انهم دارسين الفكرة من ناحية الشعب المغلقة وغيره
من زمان يقبلون خليجيين بالتطبيقي و الجامعه
حتى بالمدارس انا كانو معاي خليجيات
بالمدرسه و الكليه
شحلاتهم يهبلون
أخجلتونا يالكويتيين بها الطيب وهالسنع ,, الله لا يفرقنا عن بعض قولوا آمين ……
مو غريبة عالكويتت
خيرها عالقريب والبعيد
بس منو الي يقدر
الكويت دوله خليجيه اولا واخيرا ومو غريبه هالقرار
هالقرار من زمان مطبقينه وماكو يديد فيه
َََ
فيه ولكن بقليل و شروط ..
اتوقع بعد هالقرار يسهل عليهم الامور ..مانقول لا
بس خل يسدون الفجوه من ناحية الهيئه التدريسيه و المكان بعدين خل يستقبلوونهم !
ستارز ..وزارة التربيه من متى درست شي عدل ؟!
الشعب لحد الآن الكل يعاني منها واتوقع انها مشكله ازليه معانا الله يعينا !
ََََ
