|
|
قوة بنات
بنات خلونا انتساعد ايدنا بيدين بعض ونحاول نغير في بعض الصفات الموزينة
بنات انا ابي اتغير وابي اغير من اطباعي مع زوجي انا مو من طبعي الي اقوله كلام حلو احبك وحياتي وقلبي هذا ولا مرة قلت له
ابيكم تعلموني اقدر اغير اطباعي معاه ابيه يحس اني انثى ودلوعة تكفين يا بنات طالبتكم لا تردوني
وهل ممكن هو يلاحظ ويتقبل التغيير زوجي يحب البنت تكون استايل سواء بالطلعه ولا بالبيت وانا الصراحة مااحب البس احب العباية اكثر من البدلات زوجي استايل اجانب ويحب الاشياء الناعمة
اتمنى عرفتوا شنو يحب زوجي
السبب اني بتغير
امس بالليل لبست بجامة ناعمة وتعطرت وانسدحت يم زوجي حطيت راسي على صدره واسالته
شنو انا بالنسبة لك قالي مافهمت قلت له قوطي
قلت له تشوفني بنضرة شنو
توقعو بنات شرد علي خو خلاص انا احس اني صرت ضد الصدمات
قالي احسج جنج واحد من الربع 
والله جد بنات انها حزت بخاطري
انصدمت وعيني دمعت شلت راسي من صدره وطالعت السقف وعيني كلها دموع قالي شفيج قلت له مافيني شي ولفيت على جنبي
بنات ادري وايد قرقت عليكم بس ابي مساعدتكم
ادري ان السبب مني الي خلاه يقول عني جذي
اني وايد صريحه معاه واقوله على كل شي وفي اشياء الزوجة المفروض ماتقول حق زوجها
ثاني شي اني ما ساتحي منه
ثالث شي اني ما اتصنع الدلع او اي شي ثاني
رابع شي اني مالبس نفس هالبنات بالطلعات
خامسا مايطلع مني كلام حلو
سادسا عالنية وطيبة والي بقلبي على الساني
الي صار اني نطرته لين نام جان اقوم اخذ ورقة حلوة وكتبت عليها شنو الي تحبه فيني وشنو الي موجود فيني وشنو الشياء الي تبيني اسويها وتبيني اصير وحطيتها على بوكه عالشان وهو رايح الدوام يكتبها
عاد قبل شوي لمن قعدت من النوم ولادازلي مسج تبيني ارد عليج الحين ولا تبين تقرين الورقة رديت عليه ابي الورقة
فسهل وايد تصلحين الوضع و هالله هالله بالسرعه
اختي غيري كل شي علشان مستقبلج
و ناطرين نتايج الورقه
الله يهنيج و يسهل عليج يا رب
وانشاءلله اكتب لكم شكاتب بالورقة
الحمدالله و الشكر الله مشكلتج مو صعبه و بالعكس سهله انها تنحل ^+^
اول شيء ابيج تعرفينه ان كل شخص مختلف عن الثاني …..يعني مثلا في البنت الدلوعه او الي تضحك او الرومانسية الخ الخ وكلمة واحد من الربع ادري انها حزت في خاطرج …بس لها اكثر من تعبير …..ترا انا هم ريلي قالي هالكلمه و لما قالها كان مستانس مو متضايق ……يعني يبي يفهمني وانت تدرين ان الرياييل يموتون على قعداتهم بالدوانيه مع الربع و ضحك و غشمرة ….و لما قالي جذي كان قصده ان يستانس لما يطلع معاي و يحس اني صديقته ياخذ راحتي معاي على الاخر . لا تاخذين الامور بحساسيه …عرفي شنو قصدة بالضبط …و انت بديتي بالحل من خلال الورقه ان شاءالله راح تعرفين شنو الي يحبه ووده وفي خاطره ، اكيد لازم الوحده تقول كلام حلو حق ريليها حبيبها مثل ما هي تبي تسمع كلام رومانسي منه ….وشوي شوي تعلمي و تجرئي ….خليها بالبداية مثلا مسجات وهو بالدوام مثلا كتبي " ولهت عليك " او اذا طلع قبلج للدوام دزليه مسج ( صباح الخير حبي او حياتي او الخ الخ ) شوي شوي تتطورين للتليفون مثلا و بعدين يكون شخصيا ..وصدقيني راح يتعود لسانج ^____^
ناطرين شنو الي كاتبه بالورقه مع اني حاسه ان فيها وايد اشياء زينه ^_^
فيه وايد نصايح وافكار تطبيقنها مع زوجج
https://www.q8yat.net/showthread.php?t=165360
وهذا تجميع الليالي الزوجيه
https://www.q8yat.net/showthread.php?t=170516
والحمدلله انج عارفه جوانب الخلل وان شاء الله تصلحينها و تعيشين احلى عيشة ويشوفج احلى زوجه بالدنيا 
ابتديها بـ( هلا عمري او هلا بروحي ) يعني لا تقولين الو
ونفس الشي انتهيها بـ (مع السلامه حياتي او مع السلامه قلبي)
وحتى بالبيت نفس الشي
ترى هالشغله مع انها عاديه لكن صدقيني بتترك اثر في نفس الزوج
وعسى ربي يسعدج ويهنيج
بس أنا ابي اسألج سؤال مو قصدي اجرحج لا بالعكس بس عشان تحسين بحماس شوي وتتشجعين وماتتراجعين عن قرارج (انج تبي تتغيرين)
أمانه اذا ماتدلعتي على ريلج واستانستي بعمرج بتتدلعين على منو ؟؟
وامانه اذا الريال ماتدلعت عليه مرته وحسسته انها صج صج انثى ويننته وخلته يركض وراها ويتعلق فيها وتفننت بحبها له منو اللي بيتدلع عليه ؟؟
ترى الرياييل يموووووتووون بالدلع لا تخلينه يطالع غيرج ليش اللي يتدلعون على رياييلهم وغير رياييلهم الحين الله يهديهم احسن منج ؟؟
لا والله مو احسن منج انتي ما سويتي شي حرام انتي بتتدلعين على ريلج وتعطينه حقه وتترسين عينه
بما انج حساه بالغلط حبيبتي صلحيه الحين قبل لا يفوت الاوان تخيلي نفسج مكانه شنو تبين البنيه ؟ اكيد تبين البنيه دلووعه ومرحه وتحسسج بانوثتها ورقتها وكلامها الناعم الحلوو وصوتها ولبسها وكشختها واذا ماشاف هالشي من مرته من وين تبينه يشوف ؟؟
شدري حيلج حبيبتي ترى والله سهله الله خلقج انثى استعملي انوثتج مع ريلج صح خللي كل كلمه من لسانج تطلعله مثل العسل
تغيري فجأه جذي خليه ينصدم وخلي عندج عزيمه حبووبه مابي أطول عليج
بس شوفي الموضوع المثبت مال السعاده الزوجيه شوفيه من اوله لي اخره واستفيدي منه وطبقي لا تضيعين ريلج من ايدج وتخلينه يقول عنج هالكلام
خللي كل كلمه منج تكون بعدها حبيبي ولا حياتي و لا بعد عمري …. عوديه عليهم لااااااااااازم يسمعهم منج على طوول
حتى لو قالج عطيني الشي الفلاني اللي يمج قوليله ان شاء الله حبيبي من عيووووووووووووووني
حتى لو شي بسيط تفنني فيه ودلعيه حسسيه انه ملك الكوووون حبيبتي لا تخلينه يلتفت لغيرج او يفكر فيج هالتفكير
انتي لا تتحبطين لو مهما صار مو العيب ان الواحد يغلط العيب ان الواحد مايصلح غلطه وانتي الحين عرفتي شنو يحب ريلج ويلا شدي حيلج وصلحي اخطائج وبشرينا
واسفه طولت عليج
وبالأول دزيله مسج حلو يعني حب وغرام ومرة طلب ابدلع ومرة سؤال عن الحب
وكل مرة سوي حركة حلوه
وادام انتي تبين التغير راح يكون اسهل منه ماكو لأنج انتي حابه هالشيء والله يوفقج يارب وتصيرين مثل مايتمناه زوجج
كل خطأ كتبيه بورقه وكتبي يمه شنو علاجه وبلشي خطوه بخطوه
لازم المرا تكون مرا (( بانوثتها وذرابتها وسنعها واناقتها ))
تبين تكونين قريبه اكثر من زوجج كشخي له راسليه بالمسجات كلام حلو لي دش عليج البيت عطيه ريج حلو
دايم ابتسمي بويهه دايم صارحيه بحبج له
الريال نفس الياهل يبي مجابل ودلع
بعدين الحياء شعبه من شعب الايمان لازم تستحين في بعض الامور حتى لو تتصنعين الحياء تحلوين بعينه اكثر
كوني مرحه غشمرجيه نصحيه
بشطارتج بدل لا يقولج جنج واحد من الربع
بيقولج انتي امي واختي ورفيجتي وحبيبتي وزوجتي وام عيالي
مثلا لمن يكون برة حطيله ورقة كتبي فيها احبك ومن هالكلام وخليه في البيت وانتي طبعا اتكونين مو موجودة لمن يرد راح يقراها ويستانس واايد …
او مثلا اذا كان يبي يطلع من البيت وبيرد قبلج روحي دارج ونثري ورد بالفراش وكتبي من الورد كلمة احبك كبييييييييرة على الفراش باوراق الورد او رسميله قلب انا سويتها واستانس وايد منها …
مرة كنت بسافر واهوا بيروح بيت ابوه بينام جان احطله ورقة داخل الكتب كتبتله احبك قراها يمكن بعد اسبوع من سفري واستانس وااايد …..
قبل لا اطلع الصبح من البيت بروح الدوام انا اطلبع قبله احطله ورقة اكتبلها صباح الخير واكتبله كلام حب ….
حتى انا عودته قام حتى اهواا يحطلي …..
بس هذا اول ما اتزوجنا الحين من زمان مو حاطتله خل احطله خل يستانس …..
وعودي نفس انج اتقولينله حبيبي وحياتي وعمري ومن هالكلام ترى الرياييل يحبون جذي …..
شوفي شنو كاتب لج بالورقه وحاولي تتغيرين
والله يهنييكم في بعض
واي شي تبين احنا حاضرين