|
|
شلونكم بنات شخباركم ؟
حبايبي بنات بكتب لكم تجاربي كلها مع السونار والاطبه وهذي اول مره بعمري وبحياتي اتكلم فيها لاني مابي غير اني اعطيكم امل واعلمكم ان كل شي بيد رب العالمين ولافي اي سبب يمنع الحمل الا باذنه وحوله وقوته
اول شي بملجتي حاشني شي مايعلم فيه الا رب العالمين نزيف قوي استمر 3شهور ماخليت طبيب مارحت حكومه وخاص اخر وحده رحت معصومه مخصيد كلللللللهم موعارفين سبب واضح كل مره شي كل مره عله
مره تكيس مره رحم مره فقر دم مره هرمونات احسهم موعارفين متوهقين المهم خذيت عقب هالفتره خلطه انا سويتها من جابر القحطاني ميرميه وحلبه مطحونه اخلطهم وكل يوم بليل قفشه عسل وقفشه من الخلطه بماي حار واشربه لمده اربعين يوم مع الدعاء
وصارت دورتي مضبوووطه ولله الحمد والمنه من قبل ومن بعد
اييي قبل هالحجي كل اللي رحتلهم قالوو اذا تزوجتي حملج بعلاج ترا وعقب ماتشافيت مافكرت لابحمل ولا بشي بيني وبينكم ماحب اليهال قلت خل استانس سنه بعدين يصير خير … المراد تزوجت وصار العرس وتاثيث شقتي ولاهيه طايره ماحسيت ودريت الا كل شوي طايحه شفيني الا حامل .. شلووووون!!انا كذا دكتور قالي بعلاج بتحملين غيره لا …. الله سبحانه قال كن فيكون
ولدت بالسلامه وعرفت شنو يعني ضنى وكثر كرهي لليهال حبيتهم المهم مرت سنه وجم شهر حاشني التهاب بالبول عزكم الله قالو تحاليل لها داعي وشي ماله داعي وصلوو لين رحمي والمبايض … الزبده رحت فيني التهاب بول عزكم الله وصلووووني اني عقيم مافيني عيال واحتمال فيج انسجه سرطانيه … كنت بروحي رايحه واطلع منهاره ابجي بالشارع يارب رحمتك يارب ضاقت بي الارض بما رحبت يارب سامحني يوم قلت ماحب اليهال واصييييح واتصل على ريلي ودني حق احسن طبيب مادري شقول صرت صرت ياهل ام خمس سنين يارب الصبر يارب استغفر الله شفيني وين الرضى بقضائك وقدرك المهم رحت حق اختي قريب بيتها وتطلع من دوامهاطايره شفيج !!!قلت جذي وجذي وريلي عنده اجتماع مايقدر يمرني المهم ربع ساعه طلعت معاها بروح حق مهجه البدر والا زوجي وصل ورحنالها شافت بالسونار قالت فيج تكيس بس شكو العقم بس شكلها مايطمن حيل يمكن التكيس كبير المهم قالت هذولا حبوب تنظم الدوره شهرين الثالث انتي حامل واذا ماحملتي يصير خير … خذيتهم ولهيت بعلاجي مال الالتهاب والانسجه ونسيت الحمل قلت اهم شي صحتي وكله يهون ثالث شهر سافرت ونسيت الحمل رديت والا عوار بطن والدوره متاخره واطلب تحليل حمل من الصيدليه وصلوووه والا بردت زوجي من الباجريه واحلل الصبح ياربي رحمتك وعفوك شنو هذا اللي اشوفه خطيييين واضحييييين وطلعت حامل ومارحت احلل لهيت وخفت بنفس الوقت اندقر ليييين شهر والحمدلله انا بالسادس الحين بس اجهدت نفسي حيل بوليدي وشغل البيت ونزلت المشيمه شوي ادعولي ترتفع عشان اولد طبيعي .. وخلصت وملصت واكرر واعيد وازيد كل شي بيد رب العباد اهمه يقولون بس ربي سبحانه بيده كل شي…
ربي يسعدكم يابنات ويعجل بفرحكم ويبسط رزقكم ..
اهتمو بنفسكم وقت الدوره عدل مدل جنه نفاس عالاقل اول 3ايام عشان الحمل يتيسر …
دعواتكم …
اسال الله العلي القدير ان يرزقج الذريه الصالحه اللي يترسون البيت ويذوقج برهم ويجعلهم عباداً صالحين
وجزاج الله خير علا هلموضوع
من زماااااااان عنج حبيبتي
: )
الحمد لله
كل شي بإيده سبحانه وتعالى
ربي يتمم حملج وتفرحين بشوفة ضناج
ولكم بالمثل يارب