فكرت قررت .استانست حياكم بالصور

السلام عليكم ورحمة الله وبركاته….

اشلونكم بنات ….ذاك اليوم كنت ولهانه على ريلي … بس كان وله غريب … ولهانه على القعده معاه وعيونه ماتشوف غيري …وانا ما اشوف غيره… ما ابي شي منه "انتو فاهمين" انا الي ابيه ان انسولف سوالف هاديه وحلوه تخص مستقبلنا وحرصت ان المواضيع تكون هاديه واحلامنا ورديه …وتجنبت السوالف التاليه "الحش …,القرض…,الانتخابات….,وين بنصيف هالسنه …,…الحموله …,…..نشتري بيت ….,,….الخ"
يابنات انا بعتقادي ان كل وحده محتاجه مثل هذه القعده …مامنها هدف غير ان انت ولهانه عليه لا اكثر ولا اقل ….
المهم قمت وفكرت فقررت …
شريت كرت من سوق بو 100 فلس وكتبت بداخله "حبيبي اريدك ان تفضي نفسك اليوم لي..لمدة ساعه نرتشف المشروبات البارده والمكسرات …اريدك ان تقفل الموبايل..والاب توب…والتلفزيون..لكي لاترى غيري…ولا ارى غير عينيك الرائعتان …. أحبك
ملاحظه:اللقاء الساعه 8 مساء في بيتنا بغرفة الطعام
ملاحظه بعد :ماعندنا مكسرات "
هذا الي كتبته بالضبط…وعطيته الدعوه بعد الغدا …وضحك وقالي قبلت الدعوه…مادري الحياه كلها مشاغل ونحتاج لمثل هذه القعدات …واهو يبي منك انك تحسسينه برغبتك في الحديث والجلوس معاه…بعيد عن المجمعات والمطاعم والحوسه
وفعلا شرى مكسرات ورد البيت الساعه 7…وخذا شور ….وانا نومت اليهال وزهبت شغلي وشغلت موسيقى هاديه
وبخرت الدار …"سنعه"…. ولي بقوله الليله وايد اعجبت زوجي وذكرتنا باول ليلة ملجه….
والسر ان مافي اكل دسم "والله"…خفايف وسوالف تونس…طبعا سشورت شعري ولبست بجامه جديديه وكشخه عشان احس بجو البيت….
وقالي صج اكتشفت ان القعده في البيت ارقى واهدى…. وباس ايدي وشكرني……"استحيت"….

ولكم المراحل بالصور…..بس ها ابي رايكم بصراحه ولي تقلدني ياعل ربي يسعدها بس ها….تقولي اشصار معاها …