عيد زواجي مع التاجرة عقاريه

شلونكم بنات واحشيني حيل وسامحوني على فترة الانقطاع الطويله وانشالله يايه ويايبتلكم كل خير

بس لا تنسون تقولون ماشالله

طبعا الاحد الي طاف كان عيد زواجي وهذي اول مناسبه حلوة تمر علي بعد رجعة زوجي من العلاج مثل ما انتو عارفين وحبيت اخليها ليلة غير ويستانس فيها

والصراحه قبلها بأسبوع حدي ينيت واحترت مو عارفه شسوي من كثر الافكار وشنو اسوي وشنو احط

فقلت ليش اتعب روحي

قلت \ ادق على التاجرة عقاريه الي معانا بالمنتدى واجرب شغلها مع ان كنت حيل متخوفه لان عمري ما طلبت شي عن طريق المنتدى لان انا مااثق بأي شي بسرعه

المهم كلمتها وارتحت لها وتوكلت على الله وقلتلها ابيج تزينين لي الغرفه حق عيد زواج وقالتلي اختاري الالوان

وانا كنت حيل محتارة باللون لان للحين ما شريت كفر وابيه نفس لون الكفر وبنفس اليوم الي رحت شريت
كفر احمر قلت ابي رخيص علشان ليله وحده وبشيله بس كلش ما عجبني ورحت غيرته وخذيت واحد ثاني حده روعه ماشالله ولونه عجيب واعتمدت لون الديكورات تكون احمر بذهبتي وتكون البالونات بعد احمر وذهبي وتكسر اللون في بالوا لونهم ابيض شوي

وقالتلي السعر كله 70 دينار واستكثرت السعر على بالونات وشوية اكسسوارات وديكورات وانا اساسا مو شايفتهم وقالتلي السعر يسوى وقلت ميخالف
وقالتلي تيي فلبينيه تركب الاشياء وترتبهم في البيت وقلتلها اتييني الساعه 5 لان ريلي يرجع من الدوام 9 قالت اوكي

طبعا الي بط جبدي ريلي كل يوم يطلع العصر بهاليوم عناد قاعد على قلبي ولاصق مو راضي يطلع ههههه
لما صارت الساعه 5 واهو يتدلع ابي البس ابي اشرب مادري شنو جان ازفه ونتهاوش ويطلع لوووول

هذا ونا قايلتله قبلها بيوم ابيك تطلع

المهم انا بهاليوم قبلها رحت الصالون غيرت اللوك مال شعري اول كان اسود طويل لي ظهري قصيته نفس قصة حصة اللوغاني وصبغته ثلجي لون واحد والتغيير كان شااااااسع

وعقبها قلت انا بسوي العشا واطبخ لان انا خلال السنتين الي طافو عمري ما طبخت وقلت بسويله من السوالف الي يحبهم

سويت صينية بطاط بالدياي ماخذتتها من ااهني بالمنتدى وسويت سلطة شمندر بسيطه ريلي يحبها وايد

وحق التحليه خذيت فراوله فريش ومن الجمعيه في الكريمه الفوم مالت باسكن روبنز شريتها علشان تغطط الفراوله فيها وناكل

وكنت شاريه قميص نوم العروسه من الايوب

المهم انا تنرفزت شوي لان الفلبينيه وايد تأخرت يت 6وربع وقالت زحمه ومادري شنو وخفت تطول وقلت يلا خل تشتغل بسرعه

وقعدت جابلتها شوي بعدين بديت اتمكيج وحطيت صينية البطاط بالفرن وخلصت شغلها الساعه 8 ونص يعني زين خلصت مبجر

والنتيجه يا بنات والله والله مهما اوصفلكم الغرفه صج كانت خياااااااال ورووووووووعه اشياء غريبه عجيبه حاطتها وسوتها

وكنات تبي تزين تكرمون الحمام بس قلتلها مابي وقلتلها حطي الشغلات على طاولة الطعام بالصاله

وصج الغرفه تغيرت 180 درجه ومااحتجت ازيد شي من عندي

حاطخ بالونات وشموع وديكورات على الطوفه وعياره على الستارة وقلةب نازله من السقف والكومدينه الجانبيه زينتهم وحطت مفارش ووردود وشموع وسوت على الارض قلب الحب من الورد الجوري

يعني صج الغرفه صارت روعه والسعر 70 دينار اصلا يسوى وشوي عليه

وانا للامانه من قبل كنت حاطه ناموسية ام عواميد على السرير وكانت مسويه جو وبس كان عندي من اول الليتات الصغار على فلوب شاريتهم من سوق شعبي حطيتهم تحت على الارض على اطرف السرير وقامت السرير يشب من تحت شكله صار روعه

واي على فكرة انا كنت شاريتله هديه ساعه كان شايفها وعاجبته

ولما رجع زوجي الصراحه وايد استانس اول مرة اشوفه جذي واستاس زياده ومو مصدق لما عرف اني انا الي طابخه واشوه الطبق طلع لذيذ حده

والحمدالله وايد استانسنا وكانت الليله ناجحه وصج غير وريلي قال كلش ما كنت متوقع انج بتسوين كل هذا

والحمدالله على كل حال

والشكر واصل للتاجرة عقاريه الصارحه كفت ووفت

وسلامتكم