عياده تخدر الاطفال بالغاز الضاحك

السلام عليكم
مثل ماهو واضح بالعنوان ابي عياده تسوي للاطفال تخدير بالغاز اللي اهو الكمام علشان يتخدرون ومايتحركون لان ولدي اسنانه تعبانه وخواف حيل
وياليت اللي عندها تجربه او سامعه تكتبها والاسعار الله يرضى عليكم..

هلا اختي كوب كرك حرام عليج تحطين له كمام غاز هذا كلا كلام فاضي ويأثر على صحة الطفل فانتي اختاري دكتور اختصائي في التعامل مع الاطفال ومايخوفهم ،لانه في دكاترة وايد يكونون اخصائين اطفال بس للاسف ما يعرفون يتعاملون مع الاطفال بس اذا بغيتي في بمركز تيجان لطب الاسنان دكتور اخصائي اطفال ويعرف شلون يتعامل معهم واذا بغيتي اي شي انا اسمي ابرار 96627600 واساعدج انشالله..بس تخدير كمام لاماتسويله حرام والله هذي نصيحتي لج ..

ليش مو ضار؟؟
بعدين اختي ابرار انا كذا مره وديته وماقدرنا لا بالطيب ولا الغصب والله كان ماينام الليل من الم اسنانه مسكناه غصب انا وابوه وجدته وخالته والنيرس والدكتوره والله والله ماقدرنا عليه مع انه عمره ٣ سنين
بس مشكلته من الجهاز اللي يحفر
تعبت حيل معاه

بليز بنات ساعدوني..
حده تعبان

ابرار انتي مجربه او احد مجرب الدكتور؟؟
ولا بس سامعه
لاني مابي اروح ع الفاضي

اختي كوب كرك والله اناصراحه حاسه فيج وسعيتلج بالموضوع وسألت اكثر من دكتور عندنا وجالولي اذا اهو جذي وضعه حسب ماقولتيلي خلاص اخذيه دكتور اخصائي اطفال ويعطيه كمام الغاز الضاحك هذا.. وهو عبارة عن غاز يخلي الطفل يشعر بالارتخاء ويكون مرتاح وهو يعالجه الدكتور اتوكلي على الله واخذيه على الدكتور وطمنيني عليه شنو صار معاج بعد العلاج …هلا فيج حبيبتي كوب كرك

السلام عليكم،،،أولا التخدير بإستخدام الغاز الضاحك هي وسيلة تعتبر آمنه في حال كان الطبيب المعالج مختص وحاصل على دورة في الإنعاش والإسعافات الأولية هو من معه من فريق من ممرصين أو ممرضات كما أنها طريقة تسخدم لبعض الحالات وليس للكل حيث أن العمر وحالة الطفل الصحية تتحكم في الإستخدامفي حال كان طفلك صعب التحكم به وقد نفذت كافة محاولات الزملاء في علاجه بالطرق التقليدية فانصحك أن تقومي بعمل علاج كامل للأسنان بإستخدام التخدير العام حيث يتم التحقق وفحص الطفل من قبل فريق متخصص من أطباء التخدير والأطفال للتأكد من مدى إستعداده لإجراء العملية حيث يتم علاج كافة الأسنان خلال ساعتين حسب عدد الأسنان والإجراءات المتبعة لذلك الدكتور وليد أحمد الديولي – إستشاري أسنان الأطفال / الولايات المتحدة الأمريكية

اشكر تعاونكم..
بس ابي تفيدوني وين اوديه من يسوي له هلغاز اي عياده؟