|
|
بنات بسألكم منو فيكم قرت كتاب الرجال من المريخ والنساء من الزهرة ؟؟؟
انا عندي الكتاب من زمااااااااااااااان
بس الكتاب متين شوي وما عندي الوقت عشان اقراه عدل وافهمه
وايد اسمع ناس استفادوا منه بس انا كلش مو قادرة افتحه
حتى شريت نفس الكتاب بس ملخص اهم النقاط هم مرة قريته على السريع ومو كله بعد
فحبيت اسأل اللي قرته شنو استفادت منه ؟؟؟
ويسوى الكتاب ولا حاله حال بعض الكتب اللي تكون نظريه اكثر من انها تتطبق
انا وحده هوايتي القراءه والصراحه هالكتاب عجيب يعني ياما مرت علي كتب تافهه بس هذا استفدت منه وايد لأنه في شغلات تفيدج حتى حاطلج امثله عن تفكير المرأه وتفكير الرجل واذا المرأه قالت شغله معينه شلون يفهمها الرجل والعكس .. فالصراحه انا انصح بهالكتاب لأنه صج على مستوى ووايد فادني بزواجي وتفاهمي مع ريلي . اتمنى تقرينه وتستفيدين منه .
تسلمين ما قصرتي
لو تشوفين شكثر كتب عندي عن الزواج والتربية واليهال بس لوووية على ما ينامون اليهال اجابل التلفزيون او النت كلش مالي وقت اقرا
bnt q8 in usa
حبيبتي انا شاريته من فيرجن المارينا ،، الكتاب الكبير مع الكتاب الصغير اللي فيه الأفكار بشكل ملخص
شكلكم شوقتوني بروح اشتريه
تقولي عجيب ومفيد
يوضح لج ان تفكير الرجل وتركيبة مخه غير المرأه
تقول لازم تقرينه عشان تعرفين تعاملين الزوج عدل
مو احنا نقول لازواجنا سالفه ونزعل وهذا اكبر غلط لان الرجل تفكيره وتصرفه غير المره
ولله يبيله…..عشان نعيش بتفاهم اكثر
بتلاقين اسهل لج واختصار للوقت في نسخة جديدة نزلت بجرير بس مصورة ومسوينها على مواقف وحلول انصحج تشترينه
وفي كتاب ثاني يعطيج نفس الكتاب الاجنبي لكن بطريقة شرعية بدلائل من الكتاب والسنه اسمه ( بالمعروف – الكاتب اسمه اكرم رضا )
امس قاعده ابجي واتحلطم عند اختي عن سالفة صايرة مع زوجي وانه من 5 ايام زعلانين وانه دايما يبدي الكل علي و…. و…… و…… و………. الخ
جان تقولي ميو انتي عندج الكتاب لو تقرينه راح تكتشفين انه ما يفكر بربع الطريقة اللي انتي فسرتي فيها الموقف
بس طريقة تفكيرج خلتج تحسين ابهالشي مع انه يمكن انتي اهم وحده عنده
بس الكتاب متين ياربي وين افضي روحي ؟؟؟؟؟؟
بعدها صرت اتخيله زي قصه واحكيها لصاحباتي ودايم انصحهم يقروه
مثلج ماعندي وقت خير شي الكتاب مقطوط عندي ودي اقراه بس ماكو وقت
انزين خصصي لج وقت قبل النوم لو نص ساعه اقري بالفراش قبل لاتنامين وخليه يمج… لما يخلص.. عالراحة …
انا لما قريت شويه منه حسيت انه ماكو فايدة اني اقراه بروحي لازم ريلي بعد يقراه عشان يعرف انا شلون افكر بعد ومايفسر تصرفاتي غلط (كالعاده طبعا)