|
|
السلامـ عليكمـ
شلونكم حبيباتي شخباركم ؟
أنا بقدم هديه عيد ميلاد و عندي الفكرة بس محتارة شلون أقدمها و من
وين أحصل هالأدوات! معنها سهلة
هآذي الفكرة
مثل ما إنتو شايفين داخلها ككاو وحلاو مشكل و هالسوالف
محتارة أحط الككاو بـ شنو ؟ علب ؟ و من وين أحصل أشكال حلوة!
و يكون شفاف نفس إلي بالصورة عساس يبين لونه وشكله أحلى ,
و من وين أقدر أحصل نفس العلبة الكبيرة أحط فيها الأشياء وتكون غريبه بنفس الوقت!
أنا لقيت أشياء بس مو نفس إلي بالي ف أتمنى تساعدوني 
ويعطيكمـ العافية
وباجي الشغلات تشترينها من محلات الكاكاو
والشغلات الى تبين تحطين الحلو فيها شوفى سرداب بياع الورد الى بحولى مقابل دار الشفاء
او ابو امية فية شغلات روووعة بس يبى خلق وانتى تدورين وموفقة
و بالنسبه للي فيها .. إنتي شكلي .. و إذا تبين فكره جديده .. غخذي من الكاكاو اللي حجمه كبير مثل كتكات كرنشي الكبير
إم آند إمز الحجم العائلي
السنيكر الكبير و تلقين فناتق كاكاويات في المهلب من كاكاو لندن ..
حطي بالقاعده فلينه عشان ترفعين الكاكاو .. و إشتري شرايط سوليفان و الورق المقطع .. و تختارين لون تقليدي إخذي ألوان مبتكره فسوفوريه و لا ألوان رماديه …
و ترا هاذي باسكت الفنادق اللي يحطونها بالسويتات و تكون غاليه ..
إذا الهديه لشخص كبير إخذي من الرفاعي الفواكه المجففه اللي تكون مغلفه مثل الهديه .. بالمكسرات طبعا
و إخذي .. العسل اللي يصير بغرشه .. و ماي ورد و زهر .. و إذا بتحطين بطل مثل اللي بالصوره عندج مركز عصير الرمان أو الليمون .. او عصير تفاح .. يعني حركات …
كاكاو باتشي عندهم حركات حلوه
تقدرين تاخذين السله إهمه يزينونها لج ..
أتمنى أكون ساعدتج
ماقصرتوو والله مشكورين ^.^