►◄►◄►◄عندك سؤال محيرك بخصوص النطق و التخاطب لطفلك او ليكي . إذن تفضلي هنا ►◄►◄►◄

السلام عليكم

كل عام و انتم بخير بمناسبة رمضان الكريم

صراحة لفت نظري منتداكم الرائع و خصوصا منتدى ذوي الاحتياجات الخاصة و ما هو مبذول فيه من مجهود خصوصا الأخت " الصابرة المحتسبة " و
بحكم عملي و خبرتي في مجال التخاطب 7 سنوات أتمنى أن أساهم بشئ و لو بسيط لأمهات أطفالنا ذوي الاحتياجات الخاصة الله يعينهم
و يسعدني أن استقبل أسألتكم و استفساراتكم بخصوص التخاطب و عيوب النطق و الكلام سواء للطفل الصغير أو السن الكبير
و جزاكم الله خيرا

هلا والله أختي وجزاج الله خير,,,عندي بنتي ما تتكلم عمرها 4 وتشخيصها شلل دماغي,,وتقول أحرف متقطعه وكلمة بابا,,وأذا تبي شي تقول
أي,,ودادا,,والحمدلله تعرفنا بالأسم وتعرف مسميات الأشياء ,,المشكله أشلون طريقة التواصل معاها ؟؟عملت لها كروت للحمام والأكل,,لكن
مافي تجاوب معاي ,,شنو الحل؟؟؟مع أني خذيتها عن أحسن دكتور للتخاطب قالي ما تحتاج تمارين للفم ,,شنو اللي تحتاجه بعد؟؟؟

جزانا و اياكم ,
معروف حالة الشلل الدماغي انه بيكون اعضاء النطق ( الفم و اللسان و الفكين ) حركتهم بطيئة و غير متزنة و غير مرنة و بالتالي لا تستطيع اخراج الحروف من مخارجها الصحيحة و هذا سبب لها تأخر في النطق
هل لاحظتي فعلا ان حركة فمها غير طبيعية ؟
وماهي الحروف المتقطعة التي تنطقها ؟
هل تفهم كلامك الذي توجهيه لها ؟
بالنسبة للكروت هذه وسيلة مبدئية لكن الأصل التدريب على الكلام و اخراج المخارج الصحيحة عن طريق جلسات التخاطب و هذا أساسي.

يعطيج العافيه حبيبتي
انا ولدي عمرة 3 سنين صارله نقص اوكسجين بالولادة
واهوا الحين يتكلم كلمات بسييطه بابا ماما كككه يعني سمكه
اباه يعني ابي (لمن يبي شي يقول اباه اباه)
وونانا يدته ومرات يقول عمه
وهالايام يقول أنا وككه
يعني هالكلمات انا وديته مركز سالم العلي وقالوا 3 سنين ونص
ودكتورة مدينه قالت 3 سنين اهوا توا كمل الاسبوع الياي عنده موعد
بس انا توني راده من امريكا وديته مستشفى جون هوبكنز ووااااايد استغربوا
قالوا ان اهما يبدون بالعلاج من اول مايكتشفون انه في مشكله بالياهل
وعطوني 5 فرش اسويله مساج وتدليك حق اللثه والحلج والخد من برة وداخل
سامحيني طولت بس انشالله تقدرين تفيديني اكثر ومشكووورة

الله يعافيكي
هل نموه طبيعي ام عنده تأخر في النمو و المشي و التسنين ؟
هل يفهمك عندما توجهين له الكلام ؟
عنده كم كلمة تقريبا (يحتسب بها بابا و كككة و ان كانت كلمة غير سليمة لكنه يعبر بها عن مسمي معين) ؟
هل هو البكري؟ عنده اخوات؟
بالنسبة للفرش و هذه التمرينات ممتازة , هل سويتيها و هل حدت تقدم؟
هل تلقى جلسات تخاطب من قبل؟

عندي مشكلة ودي تساعديني

بنت خالتي سلييييييييييييمة مافيها شي الحمد لله

بس كل ماتكبر قاعد يزيد عندها التقطع بالكلام قامت تأتأ :s

خاصة اذا زفوها او شي

شنو نقدر نسوي

انا وايد كاسرة خاطري اخاف تكبر وو يزيد هالشي

يعطيج ألف عافية وتخصصج نفس تخصصي و عساج عالقوة

ضحاوي حياتي بالنسبة للتأتأه في وايد أنوع وتختلف على حسب العمر و النوع
التأتأة لاتختفي تماما ولكن تتعالج بالجلسات العلاجية ولازم التشخيص
من بعد إذنج إخصائيتنا تقبلي مرووري ومشاركتي مع كل الحب والتقدير

لا عنده تاخر في المشي والنمو بس سنن بسرعه ماطول
ياي اهوا مرات يبي يتكلم بس مايقدر فيقول بابا او الكلمات
اللي حافضها بس يفهمني صج مو كل شي اقوله يفهمه
بس بعض الاشياء يفهمها
اي اهوا البجر وماعنده اخوان
الفرش توني باديه فيها لاني توني راده من امريكا
ولا مرة بالكويت راح جلسة تخاطب
بس بمريكا راح بس مو وايد
ويعطيييج الف عافيه

التأتأة اكبر سبب فيها نفسيا يعني اللي بيتأ تأ بيكون دايما واقع تحت ضغط نفسي أو انه احد بيعامله معاملة سيئة خصوصا الاب و الام
او لو فيه مشكلة بين الاب و الام و بيتشاجرو امام الاولاد
هية عمرها كم سنة ؟
و متى بدأت المشكلة ؟

و أول خطوة في علاجها انه لا أحد يعلق على كلامها اطلاقا و يتركو لها حريتها في الكلام و لا يقاطعوها و ينتظرو الى ان تنهي كلامها للنهاية

و علاجها ايضا مثلما قالت دكتورة أنه تأخذ جلسات و أخصائي التخاطب يقوم بإعطائها تمرينات نفس و تمرينات نطق

شكرا لمرورك الكريم

السلام عليكم انا عندي ولدي البكر عمره 6 سنوات واسمالله ليه لسانه طلق والكل مستغرب منه بس صارله كم شهر يتأتا ما ادري ليش
يمكن مني لاني اكون مشغوله واهو جاي يبي يقول سالفه عنده من البدايه الي النهايه وبالتفصيل وانا اكون مشغوله او مستعجله واقوله اختصر بسرعه ؟؟؟
وإذا كان مني شلون اعالجه والله احس بتأنيب الضمييييييييييييير موت ومتضايقه حدي عليه فديته وصارلي الحين كم اسبوع من اكتشفت ان عند اخوه توحد ( اللي اصغر منه عمره 2 و8 اشهر ) اكلمه واسولف معاه اكثر واعلمه ان اخوه مريض لازم يساعده وقعدت اسولف معاه اكثر شنو الدنيا منغير عيالي فدييييييييتهم

إخصائيه جزاج الله خير....

السلام عليكم
مشكوره حبيبتى على الى تقدمينه وماتقصرين
انا بنتى عمرها سنتين و9 شهور
ولى الحين ماتتكلم
اتسولف بس انا الى افهمها
مثل ايوح يعنى اروح
اوق يعنى فوق
تاتل يعنى ناصر
تت يعن تحت
دوم يعنى قوم
بسأل هل هذا عادى
مع انى احسها اسم الله عليها فاهمه بس ماتتكلم
واخوها ماتكلم الا 4 سنوات وعند صعوبات تعليميه ووايد استيعابه اصغر من عمر
ومشكوره وماقصرتى

اخصائية
يعطيك العافية

النقص في الاكسجين سبب بطئ في النمو و في اشياء و وظائف عند ابنك اهمها الكلام
بالتالي يحتاج الى جلسات تخاطب و سنه كويس تبدئي معاه من الان لانه سن الاكتساب و ان شاء الله حايتحسن كتير أوي و يكتسب كلمات اكثرو يفهمك اكثر
و كمان اخصائي التخاطب يسوي تمرينات لاعضاء النطق بهذه الفرش و يرشدك لكيفية و عدد مرات استخدامها على حسب حالته و استجابته.
الله يعافيكي , ربتا معاكي