عناد الأطفال و ما أدراك ما عناد الأطفال ؟

و الله مادري عشان جيه أسألكم لعل وعسى أجد الإجابة الشافية ^^

السلاااااام عليكم ورحمة الله و بركاته

حبايبي ، سيداتي آنساتي الفاضلات ..
كل القصة إن عندي أخ صغير لكن عنييييييد بشكل فوق ما تتصورونه
فكيف نتعامل وياه ، خصوصا أنه متعب جداً .. و محد يتحمل الصبر وياه

أمي اللي هي أمي أشوفها مرات تضربه و ما تتحمله .. و هالشي يضايقني جداً جداً أعرف أنكم بتقولون مب زين و من هالكلام لكن والله أمي ما تعطيني ويه ، شسوي بعد .. أحرق دمي ؟ لكن بعد مرات الواحد يفقد صبره و هاي أمي ومفروض أحطها فوق راسي.

و مرات كثيرة أضطر للتعامل مع عناده أو أشوفه

مثااااااااااال :

1 ) يرفض يتغسل ويعاند واااايد. حاولت بالسياسة أييب راسه ، أقوله بعطيك حلاوة و أسويها يعني ، أقوله براويك رسوووم ، و بالفعل أراويه عقب. لكن طول المدة يتم مععاااااند ، و يرفض يتغسل .. و البشكارة تنتظر وايد وايد و تحاول وياه لين آخر شي تجبره يتغسل. و هو بعدين يصيح و طول صياحه يقول : ليش غسلتيني ؟ و يكررها لين يمل.

أنا بروحي طفرت منه ! شو الحل ؟

2 ) ياكل شي ويعق القرطاس على الارض. اقوله حبيبي قوم فره في -تكرمون- الزبالة. يقولي لا ، و يطنش و يشرد.

الصببببببببر

So, what do you think girls

Please help me

اب
اب

بعد قلبي مشكورة ^^

حبيبتي الطفل إلي جذي يبي يلفت النظر من حوله ويبي يكون محور الإهتمام على طول وهو فاقد حنان يبي الإحتضان من الأم وكلمة حبيبي وياشاطر ويابطل ويبي تمسكين إيده وتمسحين على راسة بدل ما تأمرينة وتبينه ينفذ الأوامر الطفل محتاج حنان

والله ما الومكم حبوبه العناد شئ صعب بس فيه شغلات لازم تحاولين مع اخوج وتجربينها هي:

1: عاملوه بهدوء وحاولوا تكونون هادين وانتم تكلمونه عشان ما يتعاود على النبره العاليه.
2:اشتري له هدآيا رخيصه او شغلات يحبهآ واذا مثلا تبينه يغسل او يبدل قول له يالله بدل عشان نروح نأخذ هديه من صندوق الهدآيا وتكونين خاشته بمكان عشان مايعرف المكان وكل شوي يروح يأخذ.
3: علقي لوحه صغيره تشجيعيه على صورة سبايدر مان مثلا ورى باب غرفة النوم مالته وقولي له كل ما تسمع الكلام راح احط لك استيكرز وإذا جمعت في اليوم 5 استيكرات مثلا راح تأخذ هديه واول ما يسمع الكلام حطي له استيكرز وعطيه هديه تشجيعيه.
4: حاولي تأخذينه على جنب وتروحون مكان هآدي مثل الحديقه او الحوش وتجلسين انتي ويآه ومعاج قصه عن أحترام الاخرين ومسشاعدتهم وان شاء الله بيتغير طبعه شويه بس لازم تشجييييع ( تجربه مع اولادي ونجحت الحمد لله )

مشكورين حبايبي ما قصرتوا والله ^^

و الله نصايحكم وااايد حلوة و ان شاء الله اجربها وياه

لكن حبايبي عندي مشكلة صغيرة ..

إني أنا أحاول من صووب و إخواني الثانيين يوم يتعاملون وياه يزعجونه بحيث ينرفزونه و يروحون ولا كأنهم سووا شي .. !

و أنا تعبت من كثر ما كلمتهم لكن لا حياة لمن تنادي

أخاف يتأثر منهم

و ألف شكر لكم

ملاحظاتج جداً مفيدة

مشكوورة الغالية (=

و الله أنا من ناحيتي دوم أتبع هالأسلوب .. لكن إخواني مرات يزاعجون عليه .. و تعبت من كثر ما أكلمهم لأن أسلوبهم ما يتغير.

حلوة الفكرة ، و أنا أسوي شي مشابه لها.
يعني مثلا أحط له رسوم يحبه ^^ عشان يتشجع بس هو يظل معاند ما يتشجع.
لكن عقب ما تخلص السالفة ايي عندي عشان يشوف الرسوم اللي يحبه.

مشكوورة حبيبتي
ما قصرتي (=

انا عندي ولدي عنيد والصراحه نفع ويا اسلوب العناد يعني اذا قلتله شي وما طاعني او اذا ما سوي الي انا ابيه اقوله بكل برود وهدوء اوكي حبيبي راح يجي اليوم اللي انا ماراح اطيعك فيه واذا رحت الجمعيه اقول حق اخوانه شنو تبون من الجمعيه ويقولون طلباتهم ولما اجي عند العنيد اقوله انت ما طعتني ذيك المره انا ماراح اطيعك
اتمني انج فهمتيني وهذا الي فاد معاه صج يعاند الحين بس مو كثير

الحمدلله ..
مشكورة الغالية حروف من ذهب على كلامج اللي مثل الذهب.
يعطيج ألف عافية ^^