|
|
السلام عليكم
بنات انا توني والده وطالعه من الاربعين وريلي قالي ﻻ تاخذين حبوب كل شي نبيه طبيعي ﻻنه رفيجه مسوي جذي فبقلده
المهم انا التهبت عمليتي ورحت الطبيب قالي رجاءا ماكو حمل
قلت حق ريلي ابي حبوب ومو راضي
وريلي كلش مااقدر اتناقش معاه نفسيته خااايسه
ووايد خايفه اكون حامل ﻻنه عمليتي ورحمي ذابحينييييي حيييل
شسوي بنات
تتوقعون لو اشرب دارسين او زنجيبل يوميا حتى لو في حمل يطيح قبل ﻻ يتكون
اللي يناسب رفيجك مو شرط يناسبنا
ولا يدش معاج بمراجعتج للطبيب
ويسمع كلام الطبيب بنفسه
ترا ياكثر حريم يستخدمون هالموقف صيري مثلهم
وإذا سالج بعدين ليش ما حملتي قولي الله الرزاق
يعني هالسالفه خااااصه جداا جدااا جدااا بين الريال ومرته
شكووو يتكلمون فيها مايستحون
خلي ريلج يروح معاج عند الطبيب ويسمع كلام الدكتور احسن من كلام رفيجه الدايخ
وصحتج اهممم من كل شي هذا رحم وحساااس موزينه كثره الالتهابات
خليه يدخل معاج عند الدكتور
ليش تروحين بروحج
1- تاخذين معاج ل الدكتورة و قبل ما تروحين اتصلي اتفقي وياها تقوله الحمل مب زين لها الحين خاصة مسوية قيصيرية
2- تتناقشين وياه و تقنعينه
3- تاخذين حبووب من وراه بس لو درى الله يعينج
يعني شو كل شي بخليه طبيعي مو زين انتي مربية بقيصرية
وطريقه العزل ماتصلح للكل وخاصه ان في حريم تبويضهم
يختلف من شهر لي الثاني كلمي ريلج ولو ماقدر هالشي
اخذيه وراجعي معاه عند الدكتور يقنعه
عزالله تنيلنا بستين نيلة
كفاية تقليد البلاوي الثانية ..
شفيهم هالريياييل ينوا وقعدوا مالت …
حبيبتي ماعليج منة شنو كلش طبيعي اذا العملية تعورج لا وراسج والف سيف
تلية معاج للدكتور خل يسمع الحجي
واذا كلش مو مستوعب خذي الحبوب من وراه بعد صحتج والعملية خطر عليج مرتين والرحم ماالتأم…
اخذيه للدكتور ويشرح له وضعج
شكو رفيجه بالموضوع هذي حياتكم انتم مو حياة رفيجه
رجاجيل مايفهمون شي ويتدخلون بسوالف الحريم احنا ادرى يبا خلكم بصرفكم بس وخلو الحمل والولاده علينا
شرب هالسوائل ماراح يمنع الحمل ولا راح ينزله اذا ربج ماكتب
مالج غير تقنعين ريلج بعد ريلج واحد تقولين له الحمل مو زين لج واهو معاند
الله يهديه لج ويسخره لج
وموفقة يا حبي وربي ييسر امرج
انتبهي تحملين وروحي ركبي لولب مولازم يدري لان الحبوب مضره ماانصحك فيها