عمليتي السبت , شنو اختار ابره ظهر ولا كمام ؟

صبحكم مساكم الله بالخير كلن بنكه

بنات الله يعافيكم ابي مساعده .

عمليتي يوم السبت ومحتاره اختار إبره ظهر ولا كمام

انا أبي ابره ظهر علشان اشوف البيبي اول مايطلعونه بس خايفه من الابره انها تعور او انها ماتضبط واحس بكل شي .. لان وايد بنات يقولون مرات الابره ماتضبظ ولازم دكتور شاطر .. وانا من وين اطلع دكتور شاطر

ويقولون ان ان صارت غلط تسبب شلل :/

وابي كمام علشان خير شر ماحس بشي وبس ابطل عيني القا نفسي والده .

اذا خذيت كمام كامل جم ساعه واصحى تقريبا ؟؟ هل راح اصحى عقب ساعه او ساعتين من العمليه عقب ما اطلع من العنايه ؟؟ ولا بظل نايمه لي مادري متى

والله حدي حدي محتاره مادري شنو اختار شورو علي عفيه اللي مجربه الاثنين

الله يسهل عليج ان شالله وتقومين بالسلامه ويبلغ بضناج
انا انصحج بنج كامل لان ابره الظهر راح تاثر عليج بعدين
ومن بعد عمليتج بالبنج الكامل راح تقعدين يوم كامل اونص يوم وانتي يالله تصحين اصلا راح تصحين عدل ثاني يوم
الله يقومج بالسلاااااامه ان شالله*

الله اسهل عليج وقومج بالسلامه انتي والبيبي ان شاء الله ونا راح اقولج بانه الدكتور اقرر على حسب حالتج النفسيه ولاتفكرين وتركي كل شي على الله والخيره في ما يختاره الله

على حسب حالتج الصحيه دكتور البنج يقرر بس ادعي ربج يرحيح قلبج للي فيه الخير لج وان شااااااااء الله تبشرينا بولادتج وتقومين بالسلامه حبيبتي

انا نفسج محتارة
انا جربت البنج الكامل نص ساعة وطلعوني من العمليات وخلوني بالافاقة ماطولت كلش
بس احس بالام واااااي ماجني ماخذه مخدر بس بطلت عيوني قعدت اقولهم ابس مسكن ابي مسكن
ويحطولي ولا جنه … بس ينوموني عشان ماحس
وثاني يوم لمن مشوووني … واي لا لا لا مو صج الدنيا تلف فيج واحساس غريب
وبعدين عاد الحكة …… تطلع الروح خاصة انج ماتقدرين تكحين تخافين على الجرح

بس هذا اللي صار معاي … يعني مو مقياس
لان وايد بنات يمدحون القيصرية (عقدوني) فجسم يختلف عن الثاني
وعلى كثر مافيني بنات ذموا الابرة في بالمقابل بنات امدحوها حيل

بجر ومادري انا بعد محتارة اخذها ولا لا بس بخلي كل شي على الله بجرب الكمام اذا ما فاد طلبت ابرة الظهر وانا بعد خوافه خايفه من دخله الابرة نفسها اذا تعور ولا لا, الله يسهل عليج ويقوومج بالسلامه , اهو خلي الدكتور اهو يقرر على حسب حالتج الصحيه وانشالله سهالات

خليج عالكامل كلهاجم ساعه وتقومين بالسلامه لان ابره الظهر لهااثار من اهمها الصدااااااااااااااااااااع..الله يسهل عليج يارب

امين مشكوره ماقصرتي
انا ودي ما اكون دايخه ابي من اطلع من العمليه وانا مصحصه عدل
وانا اشوف اللي حولي لما ياخذون كمام ينسون نفسهم ولا يحسون بشي وانا ما احب جذي

ونعم بالله
امين ماقصرتي

امين حبيبتي ماقصرتي

واااي الله يستر
اي هذا الشين بالكمام ان لما تقومين تكحين وبلغم ولوعه جبد
بس الابره سهالات ولا جنه مسويه شي

اي اي انا خايفه من دخلتها احس شطولها تعور بدش بظهري وتطلع من بطني
انشالله خير

مشكوره ماقصرتي

بس يقولون الصداع يفرق من وحده لي وحده حتى اثارها :/
مشكوره ماقصرتي