عمليتي التكيميم عند الدكتور الرائع خالد العنزي

الحمدلله على سلامتي عداني الشر
والحمدلله على كل حال انا بخير وصحة وسلامة

طبعا العملية

انا دخولي كان بمستشفى السيف يوم الاحد 18-9-2011
وعمليتي كانت ثاني يوم الصبح 19-9-2011

(( ان انا داشة المستشفى وامي وابوي مسافرين برة الكويت علاج )) فوكلت امري لله وقلت للدكتور ومسكين ماقصر معاي وحتى كلم ابوي واهو برة الكويت …

وعقب دخلوني وطلعت الحمدلله بس حاشتني انا دوخة واغماء اول يومين بسبب مضاد طلع فيني حساسية من ( الباثدين) وقلبت المستشفى فوق تحت خافو فيني شي من العملية وقالهم الدكتور ما فيها شي ولما ياني قالي شوق عمليتج ناجحة لا تخافين

وقطعوه عني وظليت ابجي مثل اليهال هههههه

والدكتور كل يوم يمرني بالليل يحاول مسكين يغير نفسيتي

بس والله يشهد ان الالم كان الم (((غازااات))) وليس العملية

والحمدلله على حال الف الحمدلله

بس التكميم هذى نفس عمليه الحلقه ؟ والا غير

وجم كلفتج بمستشفي السيف .

خطاج اللاش ان شاء الله تامرين امر بكتب كل التفاصيل ان شاء اللله عن دكتوري وعن

الفحوصات

الحمدلله الحين اكتب الفحوصات مع الاسعار ان شاء الله

هذا الدكتور الرائع (( خالد العنزي )) اللي سوالي عملية التكميم
والف الحمدلله الدكتور للامانة حبيييب ومرح وخوش انسان واسلوب
وايده خفيفه ((هذا اهم شي )) هههه

الفحوصات اللي طلبها مني :
1. منظار
2.سونار
3. تحاليل

والمستشفى طلبوا مني تحليل فصيله الدم
وطلبوا مني متبرعين يروحون بنك الدم يتبرعون لي

سويت انا تحاليلي في العيادة عند الدكتور الهندية ايدها عسل خفيفة وسعرها 75 دينار مثل اي مكان تسوونه
السونار سويته بمستشفى السلام وتروحين وتدشين بدون موعد وسعره 30 دينار
المنظار سويته عند الدكتور سالم الشمري مستشفى السسلام طبعا لازم موعد بصراحة ايده عسسسل بس الدكتور ثقيل يالله يتكلم
اخذ 140 دينار 100 سعر المنظار و 40 سعر عينه اخذها من معدتي …

فحص فصيله الدم ب 26 دينار وكان بمستشفى السيف

وعمليتي 2000

المستشفى قررت اسوي بالسيف لاكثر من سبب:
اولا: سمعت ان السلام مو ثقة عادي يصدمونج بمبلغ وانتي طالعه غير المتفق عليه وفوق كل هذا وهذا وانا اسوي المنظار ستاف التمريض حسيت خوارة انا عروق الدم عندي عميقة ما تطلغ بسرعه فعوروني ماعرفوو يطلعون عروقي ذبحوني

فشتهم بالثلاث المستشفى رهيبة السيف الغرفة واسعه وحلوة
اخذو مني 700 دينار و 12 وانا طالعه يعني المجموع ((712))

كلفتني كافة التكاليف (( 2983)) دينار كويتي

بالنسبة لسؤال ماهي عملية التكيميم :

هي عمليه القص الطولي للمعدة غير عن الحلقة بتاتا

الله يسهلج ان شاء الله

وتوكلي على الله

حيل ارتحت

الله يسلمج حبيبتي

مشكورة اي اكيد ان شاء الله