عملية خشمي عند خالد الصبيح

سلاااام بنااااات عمليتي *ان شااااء الله تعالى يوم الاثنين عند الدكتور خالد الصبيح وااايد خايفه انا خشمي صغير بس في كسر من وانا عمري 3 سنين وكان مأذيني وايد وعوي بس بالميك اب كلش مو مبين *ومن كثر ماشفت خشوم تلوع الجبد من التجميل كنت خايفه اسويه ومتحمله لمن استخرت وشفت نتيجة عملية رفيجتي بخشمها عنده استانست بصراحه وقررت اسويها عنده المهم بناااات اللي مسويين عنده فيدوني عفيه انا ودي أروحله اليوم او باجر عنديصورة وحده نفس خشمي تقريبا بس مرتب واينن عادي اراويه الصوره والا اخليه بكيفه يسويها واهو قالي بيصغر لي الارنبه شوي تتوقعون راح تتغير فتحات *خشمي ؟ والشي الثاني شلون العوار بعد العمليه وشنو اسوي بعدالعمليه يعني قصدي الأكل والطلعه والنومه بليز بنات علموني تعبت نفسيا هذا وانا للحين *ماسوويت العمليه عفيه بنات لا طنشوني نفسيتي x من الحين

**

وااااااي اثوور الله يسهل لج و يقومج بالسلامه و تطمنينا عليج يارب

واااااي لينوووووه حدييييي خااايفه ماادري شلون بيصير الوضع وشنووو الغلط والصح اللي ممكن اسويه لمن اخلص من عمليتي وشلوووون العوااار

توكلي علي الله …وقبل كل شيء استخيري والله يكتب لج اللي فيه خير

حياتي اليوم الثلاثا انشالله تكونين بخير انا وراج 156موعد عمليتي وشفت والحمدالله الدكتور يمدحونه ودشي في تجمع للي مسوي عملية الانف فريش وايد يفيدك باي يستجد معاك والله يوفقك
حتا انا خايفه الله كريم

اي والله ماتنلامييييييييين مثل شعووووووري والله خايفه يسير يفشل ومفقوووص مثل مذيعه الاخبار مالت الوطن او مثل مايكل او الهام على مها محمد ياااارب يسير مثل ماتبين ويقومج بالسلامه ولاتنسين اطتمنينااا عليج…بس انا دايما اسمع عن خالد انه زيين بس مرا وحدا قالت انه مو شي بس وحده الي ذمته

واااااي انا ميته من الخوف ماابي خشمي يخترب او يصير مفقووص واتحسف وألطم <<< حلوووووه ألطم ماادري من وين طلعت الظاهر من الخرعه ههههههههههههه انا صج تعبت وايد صارلي سنه ادور دكتور زين والحين بعد ماحسيت ان هالدكتور زين مت من الخرعه

اثير وديله الصورة عادي ما يقول شي بس انا وريته صورة باربي جان يضحك علي قالي شوفي لا باربي و لا مادري منو
و بالنسبة للاكل عقب العملية صعب تفتحين حلجج و اهو الدكتور عقب العملية اييج و يقولج التعليمات و لا تحاتين و الله انشا الله خشمج يطلع ملك جمال بس منو هذي الي خشمها عاجبج وحدة مشهورة ؟

بناااات انا رحت له اليوم ووايد طمني وارتحت له بس ماادري احس انا خايفه بس صااار شي مو حلوووو كلش وانا راده بيتنا عالخط السريع ياااني واحد دايس ودعمني من ورا دعمه عدم سيارتي والله اللي يشوف سيارتي يقول اللي فيها ميت بس الحمدلله أني مافيني شي الا رضوض بنات انا قاعده اكتب لكم وعيوني ادمع ماصارلي وايد دافعه تكاليف العمليه وكنت حدي مستانسه لمن طلعت منه وانصدمت بالحادث الحمدلله على كل شي

خطااج السوو ياقلبي الحمدلله بالحديد و لافيج والفلوس تروح و تيي اهم شي عافيتج و صحتج يااعمري و دفعة بلا :**

خطاج السو حبيبتي لكن باقولج,, اذا عاجبج خشم ر فيجتج راويه صورتها وفهميه انتي شاللي حابته وشلون تحبين يكون خشمج انتي مو كل يوم بتدلخين عمليه

الله يوفقكم و يقومكم بالسلامه
و خطاج السو حبيبتي

الله يوفق الكل يارب

حسب اللي شفته من شغل دكتور خالد الصبيح بصراحة بيرفكت طبيعي

لان خواتي ثنتين مسوين عنده

وبنت خالي وبنت عمي وكل خشومهم حلوة وطبيعي ماشاءالله

وانا توني مسويه عملية الفكين الله وكيلكم اعد الايام بس اخلص ست اشهر واسوي خشمي عند الصبيح

الله يوفقكم و يقومكم بالسلامه
و خطاج السو حبيبتي