|
|
السلام عليكم شخباركم بنات
سافرت سورياااا 20/3 حجزت او رحت بروحي طبعا مغامره قبلها دقيت على دكتور وتفقت معاهم او دقيت على الفندق قلت لهم اني راح اييي
وصلت سوريااا ريحت بالفندق طلبت لي غدى كليت دخت اونمت قعدت المغرب اسرع سريع تكسي
وداني مطقة جرمانااا عيادة الدكتور بشار الرباح دشيت ولا زحمه امة محمد من الكويت او سورييين او في من لبنان ياييين عشان يسوون عمليه
وصل دوري دشيت على الدكتور سلم علي اوق لت له ابي اسوي خشمي تجميل او فيني لحميه ابي اشيلهم مره وحده زلقه ابطيحه مره وحده فحصني بس ماقلي شلون تبين شكل خشمج قلت قبل لا يسويلي العمليه اقوله شلون ابي شكل خشمي
او لازم اصوم ست ساعات عشان العمليه
او دقيت على دكتور اسامه البعيني عشان يشفط لي خدودي او شفايفي كنت قازه ماده او مابيهااا طولت ماراحت ونزلت او ابي خيوط الذهب الي اهمه شد خفيف مو شد جراحي خيوط الذهب مسويتهم هيفااا قالي ماكوا وقت باجر اشوفج قبل العمليه وسويلج مع الدكتور بشار اهمه بنفس المستشفى يشتغلون
رحت تمشيت اوجذي او رديت الفندق ثاني يوم رحت لهم ساعه عشر الصبح او عمليتي ساعه 1
المستشفى نظيف وايد جني داشه الهادي خدمتهم حلوه او دايمااا يظحكون السسترات
لبست لبس العمليه او دخلوني غرفه العمليات ياني دكتور اسامه قلت مابي الماده ابيك تسحبهاا كلهااا الي بخدودي او شفايفي قالي تبين اسويلج كرسي بخدودج قلت له لاكرسي ولا كمدينه جان يظحك قالي بحط 3 خيوط خدج اليمين واليسار هم 3 قلت له اوكي
قلت لهم صبروا خل يوصل دكتور بشار عشان بقوله شلون خشمي ابيه
قمضت عيني فتحت لقين نفسي لووووول بالغرفه ولا اهمه مخلصين شغلهم لوووول جان اظحك على عمري
الزبده ثاني يوم كان عنده عمليات وايد نمت عندهم الحرص واجب ولا وحده كويتيه مع امها او بنت عمتها او زوجها سوااا خشوومهم تخيلوا نص ساعه او يطلعون قلت اي من عذر يمدحون بشارواااا لوووول
الظهر شالي الفتايل طبعا شوي تعور بس حسيت براحه عشان قدرت اتنفس قالي بعد ست او تسع شهور جنه تعالي اسويلج رتوش اب 25 دينار الله يطول بعمرك يابشار الرباح مو اهني 1300 او 1500 يحسسسوني انهم بيخلوني قوقوش لول
خشمي وايد عاجبني طبيعي الكل يقول خشمج فرنسي قصته نحت لي اياه بس هم ليلحين وارم يبيله لي شهر 9 عشان يطلع شكله الطبيعي او فتحاته وايد حلوين تخيلوا بنات والله ماقلت له شلون ابي شكل خشمي ولا شي كل شي صار عالنيه لووول
او بالنسبه حق شفط لخدود والشفايف كنت احسب شفط شفط طلع يشفط بالأبر شفطه ماعجبني وايد مو الي ابيه ظاق خلقي المهم انهم تسااااووووااا شوي بس يبيله شفط الي تعرف دكتور بالكويت يشفط الماده والشفايف تقولي اهوه في دكتور بسوريه اعرفه يشفط بس الأوظاع اتخرع هناك الحين
ثاني يوم رحت عند الدكتور اسامه الي شفط لي او شد لي قلت له ابي بوتوكس بعد لمكاسر قزلي بوتوكس اب 4000ليره يعني 24 دينار ادري قاعدين تلطمون من الصدمه رفيجتي بغت تطعن نفسهاا عادي عادي بنات اهني نصب وحتيال يبون يطلعون فلوس الأعلانات او معاشات الدكاتره
التكاليف: تذكرتي ابي 65 دينار عاللكويتيه
الفندق: عادي مو واو انا روحتي كلها 3 ايام يعني مو وناسه او راحه وستجمام ليله الفندق 1500 ليره يعني 7 دنانير الله يعز الرخص لووول
عملية خشمي: 160 دينار يعني 550 دولار يعني 25000 ليره
وللحميه 10000 ليره الف ليره يعني 5 دنانير حسبوها عاد لووول يعني كله على بعضه 200 دينار
البوتكس: 24 دينار لووول عند اسامه البعيني ابعيادته ورى المستشفى قزلي يبهتي
او مصرف جيبي:100 دينار مع تكاسي والأكل مشالله كل شي عندنى بالكويت ماله داعي اتشره شريت حق امي بس الحلوى مالتهم
يعني 500 دينار مسويه خشمج او قازه بوتكس او رداه لول واي رفيجاتي يقولون عني خرابوه لووول يبون يروحون بس الأوضاع بنات صرت خبره
طبعاا ويهي كان وارم تحت عيني يخرع بالعربي ويهي يخرع عشان مسويه كذا شغله اوتحت عيني الوان الطيف كلهااا اشي احمر او اشي اخضر او اشي اسود او اشي وردي كل يوم اشوف لون لوووول
بعدهااا اب سبع ايام انا شلت الجبس بشويش او شفت خشمي السمبتيك الطبيعي الي ماقلت حق بشاروا شلون ابي شكله طقن طقن طقن
والحين راح اوريكم خشمي قبل التجميل
او هذي صوره ثانيه
او هذي بعد التجميل لعب لي بالغضروف او نحته لي قولوا مشالله
او هذي ثانيه .gif "Eh S(9)")
او بس او هذي قصتي لووووول اوقولوا مشالله فديتكم
بنات الي تعرف دكتور يشفط لخدود والشفايف تقولي انا قازه ماده او ابي اشفطهم فديتكم دكتور يكون بالكويت
حسافه الصور مو واضحين بس الشكل العام حلو طبيعي عالاخر يونس
ما شاء الله
بالنسبه للدكتور روحي حق دار الشفا اسماعيل ندي رفيجتي رايحتله
مشالله عجيييييييييييييييييب
بقولج البنج ماسبب لج لووعه ؟ ماهذريتي ؟
والله عاد انا ناويه اسوي خشمي
بس محتاره بين سوريا وايران صراحه
بس مايندرا شلون علا اوضاع سوريا خفت ولا لا جان رحت هناك
حبيبتي كم يوم وشال لج الخيط وكم يوم وشلتي الجبس؟؟ وليش شلتيه بروحج؟
وكيف الاوضاع ياريت تخبرينا
ولو اخذت اجازة تقريبا 25 يوم تكفي يمدي يروح الازرق والالوان الاتصير بالوجه ؟
انا ما اعجبتني النتيجه حيل باقي شهر واكمل 6 شهور
للحين المشكله الاساسيه لما اضحك يفرش 
وللحين الصوب اليسار وارم غير اليمين وبنطر هالشهر واشوف
موفقه خير يارب
ومبرووك عليش الخشم الجديد^^