عملية اللوز لبنتى تكفون دخـلو؟؟

السلام عليكم ورحمة الله وبركاته
عندي سؤال هام انا عندي بنتى عمرها9سنوات
وقرر الدكتور لها عملية استئصال اللوز

منو اللى عمل مثل هالعملية لطفله اوطفلته وشلون طريقة العملية
وكم تقعد بالمستشفى بعد العملية وهل لها مضار والاآآم
انا خايفه منها وابى اسالكم بعد باي مستشفى تنصحونى اسويها؟؟
امانه بنات اللي لها تجربه او احد من اقاربها مسويها تفيدنى

انآ عمري 22 سنه ,, تخيلي كل مآ أقولهم بشيلهآ مآ يرضون ,, شآفني مره دكتور يوم كنت مزجمه قتله تلعوزني يوم أسخن ,, قآلي هذي مثل الحآرس ,, مآدري قعد ينصحني وهونت ..

بنت خآلتي سوتهآ فالهند لمآ كآن عمرهآ 11 سنه ,, بس والله تلعوزت وآيد قلنآ البنت مآ بتعيش ,, خصوصآ بنج وعفسه وهي صغيره .. بس الحمدلله الحين عمرهآ 20 ومآ تشكي بآس

الله يعآفيلج بنيتج ان شآء الله .. وشوفي رآي بآجي البنآت

السلام عليكم
أنا سويتها العام هالحزة حق بنتي و كان عمرها 8 عند دكتور عبدالله العلي و سواها بالهادي و نمت معاها ليلة شال اللوز و حط لها تيوبين نحاس بكل اذن و شال لها لحمية .. ما طاحت القطعة النحاس الا قبل 3 أسابيع و انا شلتها من أذنها و الحمد لله سهالات بس ليمن الحين عادي تنتشل وتحوشها سخونة و تاخذ مضاد و يحوشها احتقان مكان اللوز بس ماشاء الله و الحمد له وايد أرحم من أول
اتكلي على الله و بالسلامة …, طمنينا شيصير معاج

سارونه الاماراتيه مشكوره على الرد
>>بس كلامج خوفني شوي يعني ممكن تكون فيه مضاعفات
وهذا اللي احاتيه بصراحه

just-me
حبيبتي ماقصرتي على الرد
بس انا ماقال لي اي شي عن اللحميه بس اللوز
وبغيت اسالج عن تيوبين نحاس حق شنو حطهم لها
وكم كلفتج العمليه بالهادي
والله يجزاج كل خير ويحفظ لج بنتج من كل شر

روحي لدكتور سند الفضاله ماعليييييييييييه كلاااااااااااااااااااااااااااااااااااااااااااااااا م وايد اعرف سوو عندا والحمدلله

حماتي سوتها العام حق بنتها تقريبا عمرها 5 سنين بمستشفى ام تي سي وطلعت بنفس اليوم والحمدالله سهالات مافيها شي العمليه وايد سهله ظلت تقريبا اسبوع تعبانه بعد العمليه وهالشي طبيعي وعقبها بنتها صارت احسن من اول لانها حرام وايد كانت تتعب وغصب تاكل من اللوز
والله يحفظ بنيتج انشالله

nwayeer
الله يجزاج خير اختى ماقصرتي
وانشالله بتصل بدكتور واشوفه

remaas
مشكوره حبيبتي كلامج يطمن ياليت بس تسالين حماتج منو الدكتور اللي سواها لها
واكون لج شاكره

روحي للدكتور خالد الصبيح وايد شاطر بس زحمة ومواعيدهم طويلة واهوا بعد بالام تي سي بس مواعيد الام تي سي اقل شي 7 اشهر

سويت العمليه حق ولدي قبل جم سنه كان عمره 4 سنوات

عند الدكتور عبدالعزيز عطيه بمستشفى السلام

قعد بالمستشفى لي الساعه 4 العصر والعمليه كانت الساعه 9 على ما اتذكر

وتعب بس اول يوم

وكان اكله عباره عن برد وجلي

والحمدلله العمليه بسيطه وعاديه توكلي على الله

انا سويتها لبنتي عند الدكتور عبدالله العلي بمستشفى الهادي اهو معروف ومختص روحي له بعيادته بالسالميه واهوا يحدد لج موعد للعمليه يسوي عملياته بمستشفى الهادي كان عمر بنتي 6 سنوات وبنفس اليوم تطلع بس انا خليتها ليله ازياده وبعدها ب3 يام سافرنا اركبت الطيارة والطريج طويل رحنا امريكا والحمدلله ما تأذت والحين اسم الله عليها عمرها 9 سنوات عادي تمرض طبيعي مثل الناس مو مثل اول اربع وعشرين ساعه مريضه ومرتفعه حرارتها

بس انا اقول لج العيب الوحيد إللي الكل يعاني منه من بعد شيل اللوز وهو السمنه اسم الله عليها انتفخت انتفاخ مو طبيعي ووايد ناس بعد شالوها وزاد وزنهم يمكن السبب صحه وعافيه وفتح الشهيه

توكلي على الله ترا العمليه سهله وما منها مضاعفات تذكر والواح يسويها وهو صغير احسن من كبير لان يقولون الكبير يتألم كثير

وسلامات وما تشوف شر

ملكة النهار
مشكوره اختى على الرد
ماقصرتي

حنــاين
مشكوره يالغلا والله يجزاج الف خير
ماقصرتي اختى

om hmni
مشكوره اختى كلامج يشجع يالغلا
انزين كم كلفتج العمليه بالهادي وموعده يطول والا لا…؟؟
والله يحفط لج بنتج انشالله من كل شر