|
|
السلام عليكم وتقبل الله طاعتكم
ابى كل وحدة تقولى شنو اعمالك الصالحة برمضان
وشنو تنوعك بالأعمال الصالحة
وشنو العمل اللى سويته وشفتى بعده الفرج
لا تعبدينه ليعطي بل اعبديه ليرضى فإن رضى سبحانه ادهشك بالعطاء
بصراحه اكثرت من الدعاء في رمضان الفائت
دعوت بتذلل و خشوع و كنت بكل احساسي ادعو بذل بانكسار
احس محد بيساعدني الا الله محد بيرحمني إلا الرحمن محد لي غيره
و الله الذي لا إله إلا هو كنت في ضيق عظيم و فرج الله علي بعد شهرين
من رمضان من حيث لا احتسب
اختي انا ما ابيج تتعبدين الله لغرض دنيوي لا تعبديه ليرضى لانك تحبينه
و تبين رضاه و لا تتركين العبادة بعد الفرج
اول شي لما تدعين وحاااولي تجمعين ادعيتج كلها بدعاء واحد الي هو
((( يارب لا اسالك الا رضاك )))
اذا رضى عنج الله راح ايسر لج امورج و فوق ما تتصورين ان شاء الله
انتي قاعده تتعاملين مع الكريم مع ارحم الراحمين
هذا موضوع جدا قيم اقري القصه الا نهايتها من احد الخوات جزاها الله خير الجزاج
https://www.q8yat.com/t1132478.html
الله يرزقج خير ما تتمنين يالغاليه
ومبارك عليج الشهر
واللى ردت ثانية وحدة هم جزاك الله خير وبروح اقرى الموضوع
وياريييت بعد نبى ردود تذكرية
اللهم اعنا على ذكرك وشكرك وحسن عبادتك
يارب يعينا على كمال طاعته
للرفع
ولا طبعا ما يترك الواحد الصلاة اللى هى ركن من اركان الأاسلام علشان بس تحقق له اللى يبى الله يثبت قلوببنا على الطاعة
لكن الموضوع ترى حتى يحفز على التذكير بالطاعات لرمضان وغيره
ويساعد على الأرتباط بالله على كل حال يارب يثبتنا على الطاعة حتى الممات
ماعتقد في عمل معين بحد ذاته يكون سبب للفرج
احيانا تتصدقين بمبالغ خياليه بس ما تفرج عليج
واحيانا تستغفرين امية مرة ييلج الفرج !
هالشي مرتبط بالانسان نفسه وشنو اهو مقصر فيه ، كل الاعمال الي يحبها ربي ممكن تكون سبب بالفرج اعرفي تقصيرج ياغلاتي وين و باذن الله يكون هذا سبب في اجابه دعائج وتفريج همج
و اعتقد من احلا الاعمال الي تتسوا برمضان :
١- افطار الصايم وطبخ الاكل بيدج الحلوة وتوزيعه
٢- تشترين كسوة العيد للخدم او فراشات الكلية او الجامعه حتي لو شيله وعطر
٣- الصدقه اليومية علي اي فقير
٤- تنوين كل اعمالج لوجه الله خالصه و هالشي تستشعرين لذته لمن تحسين ربج يطالعج ويسمعج وانتي بس تدورين رضاه
٥- ختم القران خصوصا اذا كانت همتج عااالية تقدرين تختمينه اكثر من مرة و بتدبر القراءة تكون
٦- التقرب الي الله بالنوافل والطاعات
٧- تخصيص وورد من الاذكار بس بشرط يكون هالوورد كله خالص لوجه الله يعني استغفر مو عشان رزق ووظيفه استغفر عشان ذذنوبي ورضا ربي
و اصلي علي رسولي لانه شي يحبه ربي يرفع درجتي. واستشعر ان ربي وملائكته يصلون علي بعد مو عشان حاجاتي !
هذا ناهيج عن الصلاة في وقتها ومجاهدة نفسج علي الذكر خصوصا وانتي صايمة وبعز يوعج وعطشج احلا شي لمن لسانج يذكر الله وتحسين بلعومج ناشف قمة العبودية واللذة جربوها بنات
زائد بر الوالدين والتوكل علي الله وشكره لان الله يحب العبد المتوكل عليه ويحب العبد الشكور وقليل الي يشكر و٧٠ الف متوكل فقط من امة محمد رح يدش الجنة
شوفي ندرة هالصفتين !!
اللهم استجب لها جميع دعواتها ولا ترد لها دعاء قط يا ودود يا ذا العرش المجيد
����
وامين يارب يستجب لى ولك الدعاء ويرزقنا خير الدعاء وخير المسألة
امين حبيبتى الله يعز شأنك