|
|
.gif "Eh S(6)")
اخباركم
انشاله تمام
والله اليوم حبيت اضيف موضوع عن البنات الي ماخذين تاخير
انا الصراحة مسجلة للكورس الجاى خمس مواد من الساعة ثمان الى الساعة خمس
بس اكون فاضية يومين بالسبوع مع العلم انى ماعمرى خذيت تاخير يعنى حدى الساعة وحدة <<منظبطة
واخاف انه يكون على ظغط وجذى
بس حبيت الي مجربة التاخير لهالوقت تقولى عن تجربتها
ولا اغير جدولى فوق تحت
عيل خليج عليه انا مجربته من ساعه9 الى 5 تقريبا مثلج
عسى الله يوفقج
بس
يعنى كان تعب ولا عادى لانى بشترك مع باص الجامعة و اخاف يكون تعب
انا دايمن اتاخر لي الساعه 5 بس ترا دايما الدكاتره ايطلعونا ابجر
انا عندي اتاخر ولا اقعد الصبح
وكان عندي يوم اووف
اهو تعب بس تتعودين عادي
والدكاتره يطلعون قبل الخمس
بس لازم قبل اي امتحان تكونين مجهزه نفسج ومستعده
والله يوفقج
…~
بس احس راح يتخربط روتين الاسبوع كلة يعنى اطلع من البيت الساعة 6 الصبح و ما ارجع الا الساعة 6 المغرب
تكفون شورو علي لان المواد التاخير الي عندى اختيارى واقدر ااجلهم
والله محتارة
بس استخيري ربج وشوفي شصير
والله يوفقج
موفقة انشالله العيب بالاهمال اللي بيحوشج
انا كنت يومين ما اداوم … و ما اداول تتوريلات … و ما ادري عن الكلية خير شر
و دايما اخلي شغلي باليومين ال off و عقب ما اسوي شي
لكن اذا خليتي جدول طبيعي نفس الناس كل يوم راح تتغير نفسيتج و تدرسين و تشتغلين
و على المواد لي الساعة خمس ترى عادي , الدكاترة يطلعونا ابجر بوااااااايد
اصلا وناسة بالذات اذا لاب :-p
وبالعكس اريح تنامين الصبح وتغدين وتمشين
والصيف اللي طاف كان عندي مواد لي الساعه 6 وماشوف فيها شي بتعودين ..
اشلونج ؟!
شوفي اهو راح يكون فيها شوية تعب بالبداية ،، لأن اغلب يومج بيكون بالكلية ،،
يعني إذا بتتغدين بهالأيام بيكون برى البيت ،، المهم ،،
عندج فراغات ؟؟؟؟؟
ما تقدرين تاخذين مادة أبجر منها شوي ؟؟؟؟؟؟
إذا ما عندج غيرها خليها ،، لأن حرام تضيعين مادة عليج
عادي يبه سهــالات ،
صحيح بيكون يومـج كله بالكليه وتعب لكن بتتعــوودين 
لكن انا انصح انج تقللين المواد عشان تقدرين تركزين وتضمنين المواد الي انتي ماخذتهم ،
وعسى ربي يوفقج ،