علاج هرمون الحليب ؟!

السلام عليكم ورحمه الله وبركاته

وعيدكم مبارك مقدماً وكل عام وأنتم بخير

بناااات بغيت اسأل عن حبوب دوستنكس Dostinex لعلاج ارتفاع هرمون الحليب وتخفيض نسبته

منو استخدمتها وفادتها ..؟

الدكتورة قالت لي اخذي نص حبه كل 12 ساعه لمدة يومين ؟؟

ولما خذيتها كله احي بلوعه ودوووخه ومالي خلق كللللش

منو صارلها نفسي من هالاعراض الجانبية

وبي يرزقنا عن قريب بالذرية الصالحه جميييعاا ويفرررح قلوبنا

مافيش ولا كلمه قبر خاااطر

امس رفيجتي اتكلم عن هرمون الحليب

تقول برقدوش ينظم الهرمونات حتى عبدالباسط تكلم عن فوايده

حبيبتي الحبوب صح ثقيله بس ترا حيل زينه استمري عليها واشربي بعد البرقدوش ترا حيل زين بتنظيم الهرمونات خصوصا هرمون الحليب

مرحبــآ الساع ..

خيتي [ بنت الذيب ] .. انا برد ع موضوعج بس انا مب معرسه .. بس يوم قريت العنوان دخلت و قلت يمكن افيدج ..

لاني من جم يوم سرت عياده [ عسب الدوره مب منتظمه عندي ] و الدكتوره قالت ان السبب وزني و خففي وزنج و من هالرمسه .. بس اللي استغربته انها طلبت تحليل لهرمون الحليب .. يوم سويت تحليل و ظهرت النتيجه ، كان عندي مرتفع .. و عطتني حبوب صغيره بيضا ماعرف شو اسمها بالضبط .. و قالت خذيها يوم و يوم ما تاخذيها [ نص حبه مب كلها ] .. و عقب ما طلبت مني اني اراجعها و لا شي ..

انا عندي هرمون الحليب مرتفع ودائما يوصف لي الدكتورالدوستنكس ولما اخذها ينزل واذا تركتها يرتفع اكثر من قبل والله مدري وش الحل وهي مفعولها قوي وسريع وتسبب لي دوخه والم وهي اكيد تختلف اعراضها من بنت لي بنت وانا جربت الميرميه والبردقوث ولانفع معي شي والله والحمد لله على كل حال و يرزق الجميع بالذريه الطيبه الصالحه وحبيت اسال حبيباتي لوفيه حرمه تعالج عن هرمون الحليب في الكويت يعني دواء شعبي تعبنا من دواء الطبيب الله يعينا عليه

حبيبتي عليج بالبردقوش والله مجرب ثنتين من رفيجاتي مجربينه
وحده فيهم من شهر ضبط معها الهرمون والحين هي بالشهر الثالث
تلقينه بالجمعيات مثل اكياس الشاي
وموفقه

مثل ما قالوا البنات المرقدوش عن تجربه شخصية

وترى حتى الحبوب زينه

استمري على الحبوب بس 2 حبة باليوم واجد
هي تجي حبتين بالعلبة تاخذين نص حبة مرتين بالاسبوع
وراح ينزل الهرمون لاتتركينهم لين تحملين ان شاءالله
واخذي معاهم العسل والبردقوش
والله يرزقني ويرزقج وكل محرووووم ياااااارب

مشكورة حبيبتي وشكلي بجرب البرقدوش شخسرانه ؟

هلا والله .. اي والله ثقيله تغث بس الدكتورة قالت لي يومين بس والله خايفة لا تلخبط شي عندي

لاهنتي حبيبتي

هلا فيج .. اي ترى ارتفاع هرمونالحليب يلخبط الدورة عندج بس مو كل البنات يصير معها جذي

ومو شرط تكونين متزوجه عشان يرتفع او يتغير معدله لأنه هرمون حاله حال اي هرمون ثاني

انتي لما تخلصين العلاج روحي سوي تحليل مره ثانيه عشان تتطمنين اكثر حتى انا بس نص حيه قالت لي

هلا فيج

طيب قولي للدكتور يمكن يغير لج العلاج !!

الله يرزقج ويرزقنا ويرزق كل محرومه ان شاءالله عن قريب

بس ديري بالج لا تروحي لأي وحده تعالج ترى بعضهم يخربون ع الوحده بدال لا يعالجون

موفقه

شكلي بجرب البرقدوش بس شلون طريقته يعني اشربه نفس الشاي !

ومتى يبين مفعوله ؟

ماشاءالله الله يثبت حملها ان شاءالله

لاهنتي حبيبتي

انا مو مخوفني الا ان الحبوب تكون كميتها كبيرة بس الدكتورة حددتها لي وهي ابخص الله كريم

وان شاءالله ربي يكتب اللي فيه الخير

لاهنتي حبوبه