في بنات وايد يشترون كتيبات والاشرطه بس يحتارون وين اوزعونها في مسايد تنحط بين الادراج والناس ما تدري عنهم
افكاركم لهم والدال على الخير كفاعله
تقدرين تشترين 100 كتاب مثل حصن المسلم او اوراد اهل السنه والجماعه وبعشرين دينار
مع 50 شريط قران و 50 سيدي قران متنوع بعشرين دينار وتعطينهم الهندي اصفهم
شوفي اشكثر رياييل وحريم داخلين المستوصف بياخذونن ولكم ان شاء الله الأجر شرايكم
المدارس
المستشفيات والمستوصفات سواء حكومة او خاص
جمعات الاهل
الجمعيات التعاونيه
وعسى ربي يتقبل من الكل
والله يجازي البنات على هالافكار كل خير ان شاء الله 
وتحطين فيها الاشرطه والكتيبات وتعلقينها على ابواب الجيران بالحاره بعد صلاة الجمعه حتى اذا طلعوا من المسجد يأخذونها
وممكن بعد تجيبين الكتيبات الصغيره عن الصلاة والاذكار وتحطينها على ستاند المحاسبة بالجمعيات وتقولين للي يحاسب الله يجزاك خير
وزعها على كل اللي يحاسبون >>> يعني لما احد يجي يشتري من الجمعيه ويحاسب يعطيه المحاسب كتيب او مطويه
ممكن تجيبين اشرطه تلاوه وتغلفينها بتغيفة الهدايا وتحطين عليها قطعة شكولاته وتوزعينها على الاطفال الكبار يعني من عشر سنوات وفوق
اللي يفهمون
وبعد نفس الطريقة تسوينها للكبار اشرط محاضرات وغيره تغلفينها بتغليفة الهدايا او اللي تجي مغلفة جاهزة وتحطينها في سلة كبيرة
وتأخذينها معاك لزواره او جمعة صديقات او اذا رحتي لمكان او اذا عزمتي احد وتخلين السلة تدور بينهم وكل وحده تأخذ هديتها
وممكن تجيبين ورده بلاستيك حلوة مثل اللي تجي مخمل شكلها حلو وتلزقين فيها مطوية بعد ماتربطينها بشريطة ستان وتصفينهم بصينيه
اذا كنتي عازمه ناس كثيرين على العشاء او رحتي لزواره نفس الطريقة قدميها لهم