|
|
مساء الفل على جميع الامهات
شلونكم … السالفة اللي بغيت رايكم فيها مبينة من العنوان
بسم الله عليه ولدي الجعده عمره تقريبا 3 سنوات ..الله يحفظه مشكلته مايتكلم
وعنيد و وايد عسر بالاكل … احترت الوحيد من عيالي عسر بالاكل
عايش على الخرابيط كاكاو حليب كاكاو و بسكوت وصمون
لا عيش لا ايدام لا فاكهه لا خضار لا معكرونه لا همبرجر ولا شي
والله احترت معاه خشينا عنه هالاكل و ماكو فايدة يبجي و يصارخ الله يصلحه
ما ادري شسوي لوحتى أيوعه مايهمه ماياكل و يبجي ويصارخ انا اللي مخوفني
مضار هالاكل الخرابيط وادري ماوراها فايده بس ما ادري شسوي
المشكلة اذا طاح على احد من خواته ياكل كاكاو يستخف و يخمطه من ايده
شرايكم امهات …. شسوي ….؟؟؟
واذا يااع بياكل مع اخوانه
اشتريله صحت على الشخصية الي يحبها وقوليلها تعال اكل ووريه الصحن
وكلي اخوه او اخته جدامه ومدحييهم شطار ياكلون اهوه بيحتر وياكل
واهم شي تقطعين الخرابيط وانشالله يتعدل اكله
بس يكبر يتعدل اكله
عيل شرايكم بولد بنت خالتي عمره سنه و نص و مو راضي ياكل شي بس يعلج الأكل و يقطه و عايش على حليب أمه و اهي محتاره شتسوي معاه
اهم شي و هو اللي فادني انه قطعت كل الخرابيط من البيت فصارت روحت الجمعية هي مكافأته اذا اكل وجباته و تصرف صح
بس انتي المفروض من البدايه ما تعودينه على الخرابيط
انا عيالي ما يعرفون الكاكاو ولا الاندومي ولا هالخرابيط
اللهم البفك ومرات قليله
بس في تحسن من فترة
اهم شي نقطع الككاو
واي كثر ما اوصف لج مشكله الاكل معاه عنيد بس دايم امي تقول لالا تضغطين عليه خليه على راحته يأكل متى ما ياع
بس شوفي حبيبتي بعدي عنه الخرابيط أحسن أنا ما أقولج تحرمينه شوفي اذا سوا شي زين عطيه جائزة وكافئيه ونصحيه قبل الوجبات الرئيسيه لا توكلينه شي عشان لا يشبع بعد روحي مركز سلطان اشتريه سوالف المكرونة مع جبن والنقانق الصغار وقطعات التوست وحببيه بطريقه تغيريج لتقديم الوجبه شوي شوي بيتغير
