عرج النسا .

بنات من يعرف عن وحده تعالج عرج النسا وشلون طريقتها بالعلاج………..والله يجزاكم الف خير…………………؟؟

وانا بعد ابي وحده تعالج عرج النسا ؟؟
بس بغيت اسالج شنهي الاعراض اللي تحسين فيها لاني انا احس
بألم بالجنب اليسار من الورك الين نص الركعبه واحيان يوصل لأخر الرجل
وماقدر اوقف فتره طويله واحيان يشب علي اذا سقت السياره
هل هذى نفس اعراضج او لا؟؟ ياليت تفيديني وجزاج الله خير

خواتي انا عانيت من عرق النسا قبل 3سنوات بعد ما طلعت من لاربعين كان عوار بسيط من اخر الظهر إلى أصابع القدم وتطور لماصرت شبه مشلوله ما اتحرك لدرجه إني اصلي وانا ممدده عالسرير والحين ماشاءالله والحمدلله وبفضل ربي علي صرت احسن على علاج معين سويته .وصرت طبيعيه وحملت وولدت وانشاء الله يتم علي بالعافيه.
واي معلومات تبونها انا حاظره

انا خالتي كان فيها وعالجوووها بالكي وعطوها نظام حميه لمدة 40 يوووم

العنقا ياليت تفيديني شنو العلاج وهل اعراضي اهي نفسها
اعراض عرج النسا ؟؟ ياليت تفيديني بالموضوع تكفين
لاني فعلا خايفه والعوار كل ماله ويزيد وفي ناس قالوا
الكي علاج لعرج النسا بس اخاف شلون كي اختي شواقه
ياليت تعطينا تفاصيل مرض خالتج شلون العوار وومنو سوالها الكي ؟

عاقده النونه…….اسفه حبيبتي والله توني شابكه……..الله يسلمج انا عمتي تشكي من عوار من نهايه ظهرها لغايه الركبه ومرات يمتد العوار لكل الرجل…………..وسلامتج حبيبتي ماتشوفين شر…..حتي عمتي سوت علاج طبيعي عند مساعد السعيد علي جلسات تدليك وما نفعها.فقلنا نشوفلها علاج حريم…وعفيه اللي تعرف.لاتخلينا.الله يجزاها خير…..

انا جاني وكل ما يزيد البرد يزيد اكثر بس بنات دفو نفسكم عدل مدل وعلى فكرة انا ملاحظة مع الحالة النفسية كل ماصارت حالتج النفسية زينة والله يخف

انا جاني قبل عشر اسنين ولا نفع معاى لاتدليك ولا ابر ولا علاج عانيت حتى ماكنت اقدر اقعد ولاامشي حتى شارت علينا جدتي
قالت هذا عرق النسا وعلاجه الكي ومن شده الالم سلمت نفسي لهم ودوني حق وحده الله يجزاها خيرويرحمها توفت تعرف للطب الشعبي
وكوتني على القدم وعلى الورك والله يابنات اني ذاك اليوم اني قاعده على حيلي ولله الحمدوالشكر ووآسفه على الاطاله بس حبيت اشارك بتجربتي الله لايعيدها .. ويشافيك اختي ويشافي كل مريض.

انا ياني وغربلني قبل شهرين وصج صج وايد تعبت فية بس الي فادني البي كومبلكس والعلاج الطبيعي في مستشفي الطب الطبيعي
وراح الحمدالله ويارب مايرجع لان صج شي شنيع

هلا حبيبتي ..ترا عرج السا اهو نفسه الدسك لاني رحت حق الطبيب وسوو لي أشعه عاديه بس ما يبين فيها لما سويت أشعه الرنين المغناطيسي.إتضح إن فيني دسك الفقره الخامسه.وحولوني عالعلاج الطبيعي بس الدكتور قال لازم عمليه ورفضت طبعا…لما ساءت حالتي حيييل .عقب رحت حق مره تعالج وقالتلي هذا عرج النسا ولازم كوي وتواعدت معاها بس الله ما كتب .المهم سمهت عن دكتور اسمه ابو العيش وعيادته في خيطان صج قديمه بس الحمدلله صرت اقدر امشي من عقب اول مره جيته ,عطني ابر وكهربا .بعدين سمعت عن الدويله يعالج الدسك وعنده ممرضه صينيه تعالج الحريم في بيته بالقرين سوتلي تدليك كاسات هوا .وهم سويت علاج طبيعي بالهادي.
بس بنات نصيحه لا تسكتون على روحكم.روحو عالجواقبل ما تطيحون مره وحده .

ياربي هذا من شنو يجي؟؟
انا من حملت نسكتني رجولي زمن ذاك اليوم لي هاليوم وانا اعاني
واذا كنت لابسه كعب احسه سخف شويه بس هم ما اقدر امشي واجد واكثر شي يعور صوب الورك وعظم الفخذ

بعد انا بنات تعبت ومدرى هذا منين

يجينا الله يستر

تدرون بنات أنا سالت كذا دكتور بالحكومه والخاص .قالولي يحدث الدسك (عرج النسا ) من عده اسباب :
-بسبب الولاده (عند نزول الجنين تفتح عظمتين الحوض فتختل الفقرات في العمود الفقري وتضغط على اعصاب الرجل ويحث الالم والتنميل)
-بسبب حادث أو ضربه قويه على الظهر.
-بسبب حمل شيئ ثقيل الوزن .
أنا الظاهرصار فيني من الولاده صج لأنه المدلكه الصينيه قالتلي إنتو بالكويت الدكتوربعد مما يولد ليش ما يردد الحوض لأنه بعد الولاده ينفتح فلازم يرد لوضعه الطبيعي بنفس الوقت وكانت تضغط على حوضي كإنه تسكره بإيدها بس عقب شنو ..

عزيزتي .. عرق النسا .. هو الديسك .. والغالب يكون ما بين الفقرتين الرابعة والخامسة .. ويكون ضغط الفقرتين على العصب الخامس وغالبا يأتي من حمل شئ ثقيل أو الألتفات السريع الى الخلف .. أو من الوزن الثقيل .. أو يكون فى تآكل بين الفقرتين وظهور المادة الجيلاتينية ومن ثم الضغط على العصب ..و مع الضغط الشعور بالألام من أسفل الظهر ماشي على الساق من الخلف الى القدم .. مع تنميل .. ودائما الدكاترة ينصحون بالعلاج الطبيعي .. وأذا لم ينفع ولم يخف الألم والتنميل .. فإنه يلجأ الى الجراحة لرفع الديسك الضاغط على العصب ..
لأنه أذا تم ضاااااغط فترة على العصب مع تنميل .. فأنة العصب سوف يضعف ومن ثم يموت ..
لذا حبيبتى انصحك بأن تعمليى نوع من أنواع التمرين يسمى وضعية الجنين .. أستلقي على ظهرك ورفعي رجولك الى صدرك وحاولي بحركة خفيفة شد الركب ناحية الصدر وهكذا .. لكي تباعد الفقرتين ويخف الضغط على العصب .. وراح تحسين براحة .. أيضا المساج الخفيف والكمادات الدافئة على المنطقة .. وأذا فى تنميل لازم تاخذين أبر مقويات عصب ( نيوروبين) يوم بعد يوم .. أو ب كومبليكس .. مجموعة فيتامين ب مقوية للأعصاب ..
بالنسبة للمسكنات أخذي مضادات الألتهاب ..مسكن مسكدول .. أو موبيك .. فولتارين سواء دهان أو تابلت .. طبعا هذا كله لو كانت المعدة جيدة وما تعانين من مشاكل فيها ..
العملية ما أنصحك فيها أكيييييد .. وترى أي دكتور بيقول لج يالله عملية وخااااااصة الكويت .. لكن أحذري .. أبتدي بالعلاج الطبيعي وأن شاء الله خير وما تشوفين شر ..

عزيزتي .. عرق النسا .. هو الديسك .. والغالب يكون ما بين الفقرتين الرابعة والخامسة .. ويكون ضغط الفقرتين على العصب الخامس وغالبا يأتي من حمل شئ ثقيل أو الألتفات السريع الى الخلف .. أو من الوزن الثقيل .. أو يكون فى تآكل بين الفقرتين وظهور المادة الجيلاتينية ومن ثم الضغط على العصب ..و مع الضغط الشعور بالألام من أسفل الظهر ماشي على الساق من الخلف الى القدم .. مع تنميل .. ودائما الدكاترة ينصحون بالعلاج الطبيعي .. وأذا لم ينفع ولم يخف الألم والتنميل .. فإنه يلجأ الى الجراحة لرفع الديسك الضاغط على العصب ..
لأنه أذا تم ضاااااغط فترة على العصب مع تنميل .. فأنة العصب سوف يضعف ومن ثم يموت ..
لذا حبيبتى انصحك بأن تعمليى نوع من أنواع التمرين يسمى وضعية الجنين .. أستلقي على ظهرك ورفعي رجولك الى صدرك وحاولي بحركة خفيفة شد الركب ناحية الصدر وهكذا .. لكي تباعد الفقرتين ويخف الضغط على العصب .. وراح تحسين براحة .. أيضا المساج الخفيف والكمادات الدافئة على المنطقة .. وأذا فى تنميل لازم تاخذين أبر مقويات عصب ( نيوروبين) يوم بعد يوم .. أو ب كومبليكس .. مجموعة فيتامين ب مقوية للأعصاب ..
بالنسبة للمسكنات أخذي مضادات الألتهاب ..مسكن مسكدول .. أو موبيك .. فولتارين سواء دهان أو تابلت .. طبعا هذا كله لو كانت المعدة جيدة وما تعانين من مشاكل فيها ..
العملية ما أنصحك فيها أكيييييد .. وترى أي دكتور بيقول لج يالله عملية وخااااااصة الكويت .. لكن أحذري .. أبتدي بالعلاج الطبيعي وأن شاء الله خير وما تشوفين شر ..

جزاك الله خير يا بسومة

الابر اهي اللي لونها وردي
لاني خذيتها وبعد اسبوعين رد العوار