|
بنات قبل كم يوم كنت العب في تلفوني الساعه 6 الفجر والعبه هذي مشكلتها انها تضغطين على الزر الاخضر وماادري الا ضاغطه على الزر الاخضر الا واسمع صوت رجال
خفت بصراحه زوجي نايم يمي وفجاه كلمته قلت له : نعم قالي : هذا تلفون خليفه
قلت له لا اخوي الرقم غلط
وبعدها ابي اسكر التلفون ولا اسمع يقولي لحظه لحظه ابي اتكلم معاج خفت وسكرته
نمت عاد وانا مشكلتي ومن طبيعتي انه اي رقم مااعرفه ماارد عليه اخلي زوجي يرد عليه
المشكله على الساعه 10 الصبح طرش لي مسج وكاتب فيه
ارجوكي ردي علي والله لو تشوفون حالي مت من الخوف
وبعدها اجي زوجي من المدرسه وقلت له السالفه جذي وجذي قالي عطيني الموبايل ودق عليه من تلفوني الرجال الظاهر كان سهران مو راد علينا
بعدها على الساعه 10 بليل كنت شابكه انترنت ودق علي حسبي يالله عليه خلاني افصل ههههه
وكل ما يدق افصل الخط وبعدها طرش لي رساله كاتب فيها(وشعلام الخط قولي يا هنوف اتصل دايم محدن يرفعه ) اقسم بالله ضحكت عليه وايد
عقبها واتصل في زوجي كان في الدوانيه وقلت له السالفه وعقبها قالي عطيني رقمه ويتصل فيه زوجي ويبهذله اخر بهذله واخر شي يقول حق زوجي والله هذا كان رقم رفيجتي من سنه حتى لو تبي تعرف اسمها قاله زوجي ما يشرفني اعرف اسمها واذا اتصلت مره ثانيه والله راح اودي رقمك للشرطه
المهم خلصت من مشكلته لكن المشكله الكبيره
كنت تكرمون في الحمام اخذ شور ولا يرن تلفوني وقالت لي بنتي ماما تلفونك خلصت وطلعت ولا شفت رقم بيت مااعرفه
ولا يتصل الرقم مره ثانيه ولا حرمه تقولي عفوا هذا رقم منو قلت له بغيتي احدقالت لي لا اسفه وسكرت
وبعدها بخمس دقايق اتصلت علي نفس الحرمه من تلفون نقال نفس رقم الي اتصل فيني بس اهو اخر شي رقمه 2 اهيا رقمها 7
وقالت لي تكفين الله يخليج تعرفين هذا الرقم وعطتني رقم الريال كله انا بصراحه خفت وقلت لها لا مااعرفه
قالت لي تكفين هذا الرقم حق زوجي وانا شفت بتلفونه بالسجل مطرش لرقمج كذا مسج وداق وايد عليج الله يخليج انا مثل اختج قولي تعرفينه
قلت لها لا مااعرفه ويمكن اتصل علي بالغلط ورد عليه زوجي لانه انا ماارد علي رقم مااعرفه احمدي ربك رديت عليج انتي
وقعدت تقولي انا عندي عيال وماابي انصدم بزوجي
قلت لها وانا بعد عندي عيال وزوجي بالدنيا كلها
وبعدها قالت الله يخليلج عيالج وزوجج
وسكرت بس احس انها مو مصدقتني
عبالها اني اعرفه
ودقيت على زوجي وقلت له السالفه وقالي خلاص يعني جذي انتهي الموضوع
قلت له ابي اتصل فيها واقول لها زوجج يخونج ويطرش لي مسجات ويبيني اكلمه
قالي زوجي يا ويلج بعدين تسوين مشاكل بينهم
خواتي انا قلت لكم القصه كامله والله ادري اني طولت عليكم
بس احس بتانيب الضمير في هذي الحرمه المخدوعه
يعني ماادري والله الي سويته صح ولا كنت لازم اقول لها عن خيانه زوجها ويمكن مو بس معاي انا يمكن مع حريم وايد
بصراحه ترددت اني اكتب هذا الموضوع والقصه وابي نصيحتكم لي
والله المستعان
بس ديري بالج لاتكلمينها عشان ماتزيد المشاكل وتشك اكثر بالسالفه
واذا اهوا ابو عيال معناته من زمان متزوج .. ورفيجته الي نفس رقمج ماصارلها سنه
هذا مولي ومرته ادرى فيه ادعيلها وبس ولاتتدخلين بينها وبين ريلها موناقصين مشاكل اهما
وهذا يكفي انها انتبهت له مو راقدة على اذونها
وطمني بالك حبيبتي
بس نصيحه لاتخربين بينهم وبعدين شكووو انتي لاتعرفينها ولا شي ولا بينج وبينهم ميانه يسطفلوووون
طلعي منها
انتي ماتدرين هذول اي فئه من الناس باجر ان خذيتي وعطيتي وياها علي ابو بتساعدينها اتطلع اصلج وفصلج وتروح توسيولج فضايح انتي بغنا عنها علي ابو ان انتي رفيجه ريلها
او توصل لريلج وتقوله امسك مرتك عن ريلي
ماتدرين شنوممكن تسوي خلي الموضوع يخلص وبس
واهي ادرا بريلها والدليل انها مطلعه ريجستر علي قولتها وهذا كلش مو بالساااااااااااااهل يعني طايحه عليه من قبل وعارفتله
اهي والله العالم علي بالها ان انتي رفيجته وقاعده تقولج هالحجي علشان اتبعدين عنه
والمره اليايه خلي ريلج يرد عليها لاتردين انتي
والمشكله مو بالمره بريلى صغير عالحب مسوى نفسه مراهق وهو ابو عيال
قصييييييييييده
حبيبتي انحاشي بنفسج هذيل اصحاب مشاكل
المثل ياداخل بين لبصله وقشرته مالك الا ريحتها
تشكراااااااااااااااااااات
الحمدلله طلعتي منها و زوجج معاج بكل خطوه و هذا اهم شي ..
و على المره اللي دقت مالج شغل فيها .. انسي السالفه و اعتبريها انتهت ..و لا يانبج ضميرج و لا شي انتي ما سويتي الا التصرف الصحيح .. و بينج و بين نفسج ادعي الله يصلح حال هالزوجين ..و الحمدلله على كل حال .
شوفي حبيبتى اللى ببسوي شي بيسوية مايرد على احد حبيبتى
لا علي مرتة ولا على احد وشدراج انة صج مرتة ؟؟؟ مافي شي يثبت الحجى صار نصة جذب ولا تصدقين اي احد اهم ماعليج بيتج وزووجج وعيالج ماتدرين يمكن تقوليلها ويتبلي عليييج ويسووويلج سوالف عاد الريال لي حقد وخري عنة
انا نصيحتى والله تسكرين السالفة لو تدق وتدزز مسجات وتقولج وتسبج حقريها وطاف جنج ماتشوفين
لانها تبي تعرف باي طريقة الله ماراح يحاسبج على هالشي صدقينى انا متاكدة واذا اهية منبشة بتلفون زوجها معناتة متعودة وطايحة علية صدقينى
الله يوفقج مع زوجج ويستر عليج ويبعدج عن عيال الحرام
العن شي بالدنيا انج تعيشين مخدوعه من اقرب الناس
لو انا منج بتصرف نفس التصرف لانه بصراحه لو بقولها كل شي صار بالتفصيل راح يخترب بيتها
وتشتعل المشاكل بينهم واحس بتأنيب الضمير اكثر واكثر
ذيل الجلب ماينعدل وبعدين شتبي تسوي مافي حل
صدقيني لو آنا بمكانها احس اني راح انقهر بيني وبين نفسي بس راح انطم واسكت وين اروح مع عيالي الي يستحمل يوم مايستحنلج يومين
وبعدين في نوعيه من الرياييل اذا تواجهينهم يتمادون وبدل الخش والدس يصير علني