|
|
حبيباتي
اليوم حبيت اكتب موضوع عن عادات جدتي بالنفاس
يعني شنو الاشياء الممنوعه ان النفاس تاكلها او تشربها او تسويها وانتي حره حكمي عقلج لانها عادات وحده اميه
بس ماشاء الله حريم قبل صحتهم احسن مليون مره منا
نبدا
الاكل والشرب
اولا :ممنوع اكل الفلفل لانه يسبب امساك ويتفرخ القولون
ثانيا : ممنوع الاكل البحري سواء سمك او ربيان او قباقب (مع ان اهل شرق اسيا عايشين عليه )
ثالثا :ممنوع شرب اللبن الروب والحليب البارد
رابعا : ممنوع شرب المشروبات الغازيه (شي طبيعي )
خامسا : ممنوع شرب الماي البارد بكثر (بصراحه انا اشرب ماي)
سادسا : ممنوع اكل الرقي (لان فيها ماي)
سابعا : الخضره مثل البقل والرويد والجرجير لانه يسبب غازات
ثامنا : ممنوع المكسرات و الحب لان يجيب غازات
والافضل تكثرين من الحليب و الحلبه و اللحم والاكل الدسم بالذات اللي فيه طحين مثل العصيده و مرقوق والقبوط
ولاتنسين الشوربه الحاره ولاتنسين الادويه الخاصه للنفاس من الحريم والحواج و حبوب للغازات
يعني ماكو شي اسمه رجيم بالنفاس
العادات الممنوعه
ممنوع النوم على البطن او ربط البطن بشي بشده او ممارسه رياضه قويه لان الرحم رخو وخفيف مو زين تلعبين فيه انطري
لما يرجع لوضعه الطبيعي بعدين سوي اللي تبين
ممنوع السبوح بصوره يوميه لان جسمج ضعيف وممكن يدخلج برد ويصير فيج حمى لنفاس
ولازم تلبسين دلاغ و الملفع ماننسى ملابس داخليه من القطن(انا اهتم بان جسمي يكون دافي بس ما البس دلاغ ماتحمله)
البعد عن الضيقه والبجي لان موزين لج
امشي يوميا لو شويه علشان مايصير فيج تجلط برجلج
هذا اللي في بالي الحين
بكون صريحه معاكم
احتمال يقولون بعضكم خرابيط وكلام فاضي انا في اشياء اقول عنها جذي مثل اكل السمك بس بصراحه ما اكله
لان ماحبكت بهالاربعين يوم
بس اشرب ماي عادي
اما عن البطن الغرض من الربط هو ان البطن يعرق فانا احط كريمات تضعف وتشد والبس حزام لما بعد الولاده وما اشده المهم المنطقه تعرق وبعد الاربعين البس مشد
هذي بعض العادات وتبقى فيها الشي المقبول والشي المرفوض
وانتم احرار 
ودمتم سالمين
وتولدين بالسلامه وتتنفسون عدل
ويارب تدعون لي بالولاده السهله والطفل السليم والاجر
وتدعون لجدتي بالجنه لانها توفت من زمان وتدعون لك مسلم
اختكم : جنان
مشكوره ^_^
احب هالسوالف لاني ميييييييييح فيها
ماقصلرتي .. لا خلا ولاعدم حبيبيتي
انا بس حبيت اعطيكم معلومه ممكن تفيدكم للي تهتم بنفسها وتدراي عمرها
كلها 40 يوم بس يعني تحملي
ويدتي متوفيه من زماااااااااااااااااان
بس ادعولها بالجنه هي وكل مسلم
و فعلا كلام جداتنا صح مية بالمية و معلوماتهم اتكون مستقاه من التجارب و الخبرة
بس وين الي يطبق و يلتزم
شاكرة لج
والله مسكينه اللي تقول ان هالحجي غلط
لان النفاس حاله خاصه.. واذا ماتعاملتي معاها بحرص انتي الندمانه بالاخير
وانا مره كتبت رد كان مشابه لكلامج :
((( في خطوط عريضه تلتزم فيها النفاس وهي :
لبس الجوارب وملفع وبنطلون داخلي قطن وهذا عشان لايدخلها هوا…عدم الاستحمام بكثره
ممنوع المشروبات الغازيه..وكثرة الماء. والكوسا والبذنجان والباميا والملوخيه والبطيخ والايسكريم
ممنوع الحوامض مثل الليمون والطماط والبرتقال… والخيار مو زين بالنفاس يرخي الرحم
واذا تبين شي يدر الحليب حطي حلبه بمطارة الحليب مالتج من الصبح … او اكلي رهش عجيب للحليب
وهم العدس سوي شوربة عدس مايضر.
طبعا لازم كل اكلج تكثرين فيه التالي:
(الفلفل الاسود الرشاد الحبه السوده الدارسين والمسمار)
واول 20 يوم يفضل تاكلين اكل ثقيل عشان يثقل البطن على قولت جداتنا ويضغط عالرحم
مثل الخبز الفتيت مع التمر وحبه سوده(اذا تبين طريقته قوليلي)
الللحم وايد مهم… الخضار … والمرقوق. بس بمرقه صفره بدون معجون طماط.
اي واعجني تمر برشاد حب مو مطحون مع شويه سمن ، وكل يوم اكلي قطعه منه مع قهوه بمسمار وايد
شاي الغوري عجيب عقب الغدا ينشفج حييل
في وحده اعرفها تسوي ادوية تهبل
(مردود وشاي غوري ودوا تمره ودوا قهوه وبخور للهوا تتبخرين فيه بنص نفاسج اذا حسيتي قربتي تنظفين)))
بس فيه عادات خاطئه
بالذات اختي داناو لاني كنت ناسيه بعض الشغلات