عاجل خواتي الموضوع حيييييييييييييييييييييل متعبني

السلام عليكم ورحمة الله وبركاته

مرحبا خواتي شلونكم ان شاء الله بخير اول شي حبايبي انا داخله بنك نيم صديقتي واختي الجادل عسى ربي يوفقها ويخليها لي لان اهي اللي اقترحت اني اكتب الموضوع بهالقسم عشان تساعدوني بنات والله العظيم واقسم بالله اني تعببببببت بمعنى الكلمه واتمنى الاقي الحل عندكم اول شي بكلمكمم عن نفسي

انا متزوجه من 6 سنوات وعندي ولله الحمد ولدين وزوجي الحمدالله ذهبه رجال تكانه ما عنده خرابيط ولله الحمد انسان سيده وهو اكبر مني ب 11 سنه بس والله العظيم اني احبه واموت فيه والمشكله يا خواتي اني صارلي فتره تقريبا قبل رمضان مالي نفس ولا لي خلق عليه بالمره ابدا لا تقولون اتنسا انا مو حامل المهم وانتو عارفين ما ابي الرجال ينفر مني شورو علي الله يخليكم في احد مثلي ؟؟؟؟؟؟؟؟؟؟؟؟؟؟؟؟؟؟؟؟؟؟؟؟ اضغط على عمري يوم او اثنين وارد مثل قبل واسوا اقسم بالله مرات اقوله مريضه او اتوهم المرض وانا بالاصل ما فيني شي بس ادور عذر الله يخليكم فهموني كل شي سويته قالوا غيري ستايلج غيرته غيري الروتين هم غيرته بس والله ما في فايده واللي ذابحني ومتعبني انه معاي اول باول حنوووووووووووون حده يعني ما يستاهل اللي اسويه بس اقسم بالله العلي العظيم انه غصب علي ومو متعمده هالشي والله تعبت احس بنهار والله يا بنات اني كله اتحلم انه يبي يتزوج علي من كثر ما افكر بحالتي اقول اهو شنو ذنبه عشان جذي اتحلم انه متزوج علي
طلبتكم خواتي ما لي الا الله وانتم اهلي بالسعوديه وما عندي احد استشيره تكفون ساعدوني انقذوني الله يكفيكم شر الدنيا ويوفقكم ويسخر لكم ازواجكم وابنائكم يارب واللى ما عندها حل الله يجزاها خير ترفع الموضوع ولا هنتوا خواتي

تعوذي من ابليس ياقلبي ودايم اقري قرأن ( الا بذكر الله تطمئن القلوب )

وشغلي البقره بشقتج دااااااايم وحاولي تضغطين ع عمرج وتعوذين من الشيطان

وي بعد عمري والله حبيبتي روحي وتوضي وصلي ركعتين وان شاء الله ترتاحين وكثري من قراءة القرآن وان شاء الله ماكو الا كل خير

اقر ي سورة البقره ببيتج نصيحه انا كنت مثلج والحمدلله انتي اشوى انا وصلت للطلاق بس بالقرايه غير وحطي ماي مقري بزوايا البيت وعتبه الباب ساعات يكون عين ونفس والعياذ بالله اذا مافي تحصني وانشالله مافي الا العافيه وشوفي داومي لمده اسبوع انتي اقري البقرة دون انقطاع ولمده ثلاث ايام وماي مقري اقري فيه المعوذات والكرسي وخواتيم البقرى قل يأيها الكافرين……..
وانفثي فيه وحطيه بزايا بيتج ربي بيهدي نفسج امين

اعوذبالله من الشيطن الرجيم

الله يجزااااااج خير ما تقصرين حبيبتي والله حاولت وحاولت بس خايفه من بعدين احس الرجال بيتغير وبيجي يوم بينفجر

الله يفرج علي كربتي يا رب

صارت معاي ورحت للشيخ ابو مشعل اللي يرقينا

تدرين شنو قال لي ؟

قال هاذي فزه من زوجج والعلاج موجود ان شاءلله عندج
طبعا مع قراءة سورة البقره ،،،،، شفتي فنيلة زوجج الداخليه اللي يجي فيها من الدوام او يجي من ديوانيه المهم فيها من عرق جسمه
نقعيها بماي واخذي الماي واسبحي فيه
وان شاءلله يتغير نفسيتج

شيكي عالخاص حبيبتي

حبيبتي الله يعينج … وانا يتني فتره مريت بهالشي و كانت وايد تصير مشاكل بيني و بينه بس مع الوقت راحت يعني كانت مسالة وقت حبيبتي … انتي داومي على القرآن و حاوللي كل يوم تصلين ركعتين استغفار لوجه الله و ادعي ربج و ان شاء الله ما كو الا العافيه … و جربي طرقة البندري ان شاء تفيدج …

الله يجزاااااج الف خير ما قصرتي حبيبتي وجاري التطبيق بإذن الله تعالى

المشكله ناقصة

لان تغيير مفاجي بالشخصية

يجي من موقف او فراق او شي قوي

الواحد ما ينام ويقو يشمئز من اللي جنبة

ذكري الموقف عشان نقدر نساعدج

يمكن عين حاشتج والا جاتج نفسه دام رجلج مافيه الا العافيه وعايشه معاه احلى مايكون

رقي نفسج حبيبتي وكثري من الاستغفااااااااار

حبيبتي كل شي قلته لكم ويشهد ربي على كل حرف كتبته على فكره انا اضحك معاه واسولف عااااااادي ما تلاحظين شي غريب الوضع طبيعي بس مالي نفس عليه كلششششششششششششش ابدا واحاول اتعذر باي شي عسى الله لايوريكم الا انا اعاني منه

حياج الله حبيبتي وانشالله ازمه وتعدي وانصحج انتي رقي نفسج افضل احسن من احد يرقيج واحب وافضل من من المقري
الله يفج ضيقتج

حبايبي ما قصرتوا والله يجزى الجادل الف خير اللي دلتني على خوات مثلكم

انا تصير لي مرات وعقب كل تجمع او عشاء او حفله اكره زوجي وانام عند اهلي بس ما ابين له

بس الحمدلله مع قرائة البقره والآيات وماي مقري عليه ترجع المياه لمجاريها وقبل كل تجمع يصير ارقي نفسي

والله يخلي لك زوجك ويبعد عنكم كل عين يارب