|
بسم الله الرحمن الرحيم
شلونكم يابنوتات ياحلوين
بختصار شديد ….
فى ظاهره منتشره هالايام بين المتزوجات وبصراحه هالظاهره تخلى الصخر يتكلم
وهى ظاهره التكلم عن الزوج وعن علاقتهم الخاصه .
انا مصدومه ….
اول شى حرام … وثاني شى عيب … واخر شى ترا مو فخر كل اللى قاعدين يعرفون شسويتو ؟؟و اول ماتطلعين يحشون فيج
ياجماعه انا بنت مو متزوجه ولا نى ياهال ok لما تتكلم وحده بهالسوالف جدامى والله انا البنت استحى
وفوق هذا اذا مسكتها وقلت لها عيب ومايجوز تقول لج بكل وقاحه منو يقول انه حرام ؟؟؟؟
ولا والحين هابين هبه تحط الموبايل على السبيكر ويالله قولى كلام حلو !!!!
وجدام اللى قاعدين خزياه
كلمه وحده اتقو الله بأنفسكم
وانا دايم اقول المفروض البنات
ما ادش هالمواضيع
لان ما في رقابه على اللي ينكتب
اللي يبط جبدج البنات اللي قاعدين معاها وتسحب في هالمدمغه ولا وحده تقول كلمة حق وعلى بالها ماكله الجو بسوالفها
وبالاخير ترا لا يحترمونها لا يحترمون ريلها … مكشوووفه ع العالم
وشبها الرسول الكريم صلى الله عليه وسلم (مثل الشيطان لقي شيطانه في طريق فغشيها و الناس ينظرون .).
يعني كانها اهي وريلها بوضع خاص بالشارع اشكرة جدام الناس
اللهم لاشماته الله لا يبلينا ويرفع عنهم
وهذي ورده مني لج لانج قلتي كلمة حق بويهااا ولانج نزلتي هالموضوع الحلو
استغفر الله يااربي .. الحمدالله اللذي عافانا هذوول بنات موشايفين خير ومومصدقين انهم متزوجيين ..
الله يهديييييهم ان شاءالله
في أسرار زوجية عيب نتكلم فيها
بس البنات الله يهداهم
شكو اشهشفاحه !!! الشرهه على الريال اللي يقولها حجي حلو ويدري إنه سبيكر
عاد اتصدقون يا بنات .. أكثر اللي يتكلمون ويمثلون إنهم هيمانين في بعض وعايشين نفس روميو وجوليت
عندهم مشاكل
وقاعدين يعوضون النفص اللي فيهم جدام الناس
عن تجربه صارت لي ريلي السابق جدام الناس كان طاير فيني وبس يمسك ايدي ويلمني بالمطاعم والأماكن العامة يوكلني وساعات يلمني وإحنا قاعدين نمشي ( كنت أستحي وأفتشششل) و اللي يشوفني يحسدني على اللي آنا فيه
وبس يتسكر علينا الباب يعطيني ظهره وينام ولا يدري عن هوى داري
حلاته كل شي بينج وبين ريلج ما يطلع عن حدود غرفه النوم
واللي يسوي غير جذيه معقد ومريض ومشفوح
في وحده سمعتها تقول انها تشوف افلام اباحيه مع زوجها..قلتلها حرام ..جان تقول ريلي راضي وعادي عنده؟؟؟
الظاهر ان الريل اهو الي يحرم ويحلل هالايام مو ربنا..استغفر الله..
اما عن سوالف المتزوجات فكل شي صار عادي ينقال والمشكله انهم بنات اصغار والحريم الكبار يتكلمون جدام اعيالنا الصغار طيب الياهل بيتعلم وبيفطن اشوي اشوي ولا في حيا والمصيبه لي قلتيلهم هالكلام عيب ازعلوا!!!