|
|
يابنات انا خلاص ضاقت فيني الدنيا من تصرف زوجي معي صارت حياتي جحيم معه
لانه يعصب على اتفه الاشياء ويفشلني قدام الناس ويحرجني قدام الي يسوى والي ما يسوى وانا ساكتة ومستحمله علشان بنتي واني ماريد اعيش دايما في مشاكل وهواش
عاد من يومين مصخها على الاخر لاني كنت طالعة من العيادة مضايقة لان الدكتورة احبطتني ودمرتني علاخر ولما طلعت قلت لزوجي وهو عادي ما كان صاير شي ابدا ورحنا ناخذ اغراض لبنتي وكان نفسي شوكلاته اريد اغير ماجي ابي اريح شوي من الي صاير معي وانتو تعرفون كل شخص لما يضايق يعمل الي يحبه يرتاح وانا لما اكل شوكلاته ارتاح نفسيا شوي المهم قلت لزوجي لحظات اخذ حلاوة عصب علي وقالي بسك حلاوة مايكفي الدكتورة شو قالت انك ما راح تحملي وبعدك تزيدي نفسك مرض انا تضايقت من اسلوبه الوقح ومن كلامة يعني انا مضايقة وحالتي حاله وتعبانة نفسيا وهو يعطيني كلام مثل السم وانا عصبت ورحت عنه لاني شوي وابكي وهو اجى من وراي وقالي بصوت عالي قدام الناس احترمي نفسك انتي ما محترمة وقام يعيدلي اياها كم مرة ويقولي انتي ما محترمة ابدا احترمي نفسك وبصوت عالي حتى الناس يشوفونا ولما وصلت البيت قام يصارخ ويقولي بقولك نفس الكلام اذا عدتيها وانتي وحده ما متربية وقليلة ادب
انا قمت اقوله مشكور اذا انت تشوفني كثير ما محترمة وانت ما شفت نفسك كيف تصرفت هذا الي يقدر زوجتة المهم انا طالبة الطلاق منه ومستحيل مستحيل اني ارجع له مهما صار
بس اختي يمكن اهو بعد اتظايق من كلام الدكتوره وهاذي ردة فعله يعني يبين انه الوضع عادي بس طريقته يقط كلام جارح .. مادري والله شقولج انتي ادرى بريلج واذا تحسين حياتج صج جحيم ويا هالانسان اشتري راحتج بس اذا قلتي هالكلمه بلحظته غضب انصحج تراجعين حساباتج وامورج
ولاتنسين الاستخاره
هدي انتي متضايقه وهو بعد لانه يحبج عصب وقالج هالكلام
لاادققين حاولي اتحلين المشكله
وقولي له انت غلطت بالكلام علي قدام الناس
بس بعد مايكون رايق
الله يهداه
ثوقعدي معاه قعده مصارحه قوليله ايجابياتك جذيه وجذيه
وسلبياتك جذيه وجذيه
ونبي علاقتنا تتصلح وانته سو تفس الشي وخلكم واضحين مع بعض
اذا هذي بس مشكلته العصبيه فهووو عصب من كلاام الدكتووره وكان متضاايق
اتركييه فتره وطنشي … الله يهديه لج يارب
اكيد كل رجال بيزعل وبيتضايق
انتي بعد حاولي تفهمينه وتستوعبينه
بس برضو هو اسلوبه غلط يقولك كذا وبصوت عالي قدام الناس
الله يعينك ويسهل امورك بس الطلاق مهوب حل يا اختي
حبيبتي هونيها وتهون واستخيري ترا الطلاق مو سهل وانتي معاج بنوته وترا كل الرياجيل لما يعصبون ما يثمنون كلامهم المفروض تسكتين عنه وتزعلين عليه ولما يراضيج تحاسبينه على الي صار وبس والله انا بعد اعاني من مشكلت اني ما حملت وزوجي يبين لي ان مو هامه وسبحان الله بعدين عرفت انه يهمه وحاولي تعوذين من الشيطان وتفكرين بعقلانيه والله يهدي سركم وتنحل مشكلتكم ،،،،
الطلاق ابغض الحلال
اصلا لو تتطلقي هم بعد مراح تكوني مرتاحه
انتي متوتره بسبب موضوع الحمل لانه هذا اسلوبه معاج من قبل وكنتي متحمله
ماعليه تحملي واصبري لوجه الله
صدقيني ربي يعوض عليج
واستغفري وتقربي لربج