|
|
بنات بقولكم طريقتيي
مع ولدي العود ابتكرتها و استمريت فيها .. و نفعتني حيل حيل
انا انوم عيالي بدور بروحهم من صغرهم
ما يطوفون 6 اشهر الا اهم بدارهم
الله يسلمكم ولدي من صغره
اذا حطيته بسريره ينام 5 دقايق و يقعد
و انا كنت ادرس
و ما عندي وقت كل شوي ماخذته و منومته عندي ولا بحضني و هات يا هززززززززز
فكنت ايب واحد من نفانيفي البيت … الي لابستهم .. و مو غاسلتهم ..و الفه بالنفنوفففف
والله الطريقه فادتنييييي
بس عاد مو نفنوف وصخ .. لا يعني تلبسينه شوي تلزق فيه ريحتج
الولد الصغير يحس بالامان اذا شم ريحة امه
و اذا لفيتي بهدومج بيتم شام ريحتج طول ما اهو نايم — فراح يطول بالنومه ما يفز كل شوي
والله اني مجربتها و الحين ولدي الصغير الله يحفظه متبعه معاه الطريقه
اسمله عليه اسمله عليه ينام نومة هنيييييه 
ودي احطها بدارها بروحها بس أخاف أحاتيها مع ان نومتها الحمدالله زينه وتنام 6 ساعات يالله تقعد وترضع تهقين أنقلها ؟؟
وشلون عالرضاعة تروحين دارها تضعين وترجين؟؟ مو أذية؟؟
.gif "Eh S(14)")
شنو هذا ما يصير
خليها تنام بروحها و غطيها بروبج
و دام اصلا بنتج اسمله عليها تنام مرتاحه يعني مافي مشكله اصلا
نوميها بروحها السالفه صعبه عليج اول يومين و بعدين عادي
و بالنسبه للرضاعه كنت ارضعهم عادي و لم صاروا مميه كنت اروح اسويلهم رضعه و ارجع لهم 
صج صج راحه جربوا ليله و شوفوا النتايج و خبروني
بس مو جنه 6 اشهر عنونو ماتدرين يشرق يغص واهوو بعيد انا ما اييد هالشي لما يصير سنه اهني احطه بغرفه برووحه
اذا بشربه المميه اكون عنده واقفه
بس لي نام حطيته
اريح
في ناس عيالهم لي 4 سنين ينامون عندهم
قمت شسوي اخذ كفرها اللي الحفها فيه والفها فيه واتلحف انا معاها فيه وهني تلصق في ريحيتي الخنيه ريحة االاميمه وتالي احطها في سريرها ومعها ريحتي لصفت في الحافها
جان زين والله ولدي متعلق ابشعري امي تقووول حطيله باروكه اخاف يقعد بليل ويخترع
بس لفتج او قميصج عادي