|
|
نقلت لكم طريقه سهله لعمل الاساور وبابسط طريقه
للاماانه اسم العضوه على شغلهاا لن بكل صراحه
عجبنييي وايد
شوفو ,, الأسوار لازم نشدها عشان تكون ثابته و تعطيني منظر حلو ,,
لانها لو كانت راخيه و مو مشدوده مضبوط ,, راح تصير كنا كذا و الشد احيانا يسبب قحط و تصحر في اصبع اليد التي تشدين بها ,,
المهم ما علينا ,, الحين نشوف الاغراض الي نحتاجها ,,
مقص – موس – مسدس صمغ " لاغير" – خيوط كتن برليه اي الوان يفضل تكون نوعيتها دي ام سي ,, لانها ما تعور الايد وايد و سهله و ناعمه – قلم ما يروح بالماي رفيع – مسطرة ,,
قوطي لبن ,, انا افضل لبن أب لأن علبته اقوى وعلى كثر ما نشد ما تلتوي
انشيل الراس والقاعده نخلي الي بالنص لأنه يكون مستوي و على درجه وحده
لم نسطر العرض الي نبيه ,, نقصه بالمقص ,,
ساعات لم نقص تكون في زوايد من البلاستك ,,
نستخدم الموس عشان نشيلهم خفييييف عشان ما تقص البلاستك الاساسي ,,
يتبع بطريقة لصق الخيوط
انييب اللون الي نبيه يكون داخل " الاحرف "
و نحطه بين الاصبعين السبابه و الوسطى ,, يعني نثبته ,, و نمده ليييييييييي الكوع ,, بعدها نسوي على نفس الطول تسع خيوط ,,
يعني يصيرون تسعه بس ,, هذا بالنسبة للاسواره الي تكون لفه وحده ,, اما الي تكون لفتين ,,
نفس عدد الخيوط ,, ولكن الطول يختلف يعني خليه يكون خمس او ست اصابع ,, طالع لي بره عشان اللف ,, ,, يعني تاخذين طول الاسوارة ,, وبعدها تزيدين عليها عشر اصابع ,, خمس للطرف الاول و خمس للطرف الثاني
بعدين انساويهم على مستوا واحد يعني اقصد يكونون يم بعض ,, و نحط مسحه صمغ من صمغ المسدس ,, لازم يكون متسخن عدل مدل ,, عشان لا الصمغ يصير جامد شوي و يطلع الشغل بارز او فيه نفس فقاقيع ,, و نسوي جذي ,,
ولازم يكون الطرفين متساوي في نصيبهم من الخيوط يعني طول الخيط الي طالع لي الخارج نفس طول الخيط الثاني الي طالع من الجهه الثانية ,, عشان لا يصير معوق ,, او انك تتوهقين وقت الربط ,,
الحين ,, عشان تصير طريقة اللف بالنسبة لج سهله ,,
راح نبدأ من اليسار ,, لأن الاحرف انجليزية ,, بعدا ,, طريقه وضع الخيط و تصميغه ,,
الحين نحط مسحه صمغ فوق الخيوط البيضه الي انا حاطتها ,, و احط طرف الخيط لي الأسفل ,, و الف بالاتجاه المعاكس ,,
الحين شنو راح نسوي ,, الصمغ شوي شوي راح يجمد وياج ,, انتي شتسوي ؟؟
حطي حديده الصمغ عليه عشان يسخن ويذوب ,, و كملي لف لييين تتعدين مرحله الصمغ لفيلج جم لفه ليه تحسين انج تمكنتي من الشغل ,,
ملاحظه مهمه ,, ارد واعيد واقولها ..
شدو على الخيط عشان يكون الشغل ثابت ,,
لـــــحد يرد لين انتهي من الموضوع
انييب الطرفين ملوت الاساور ,, و نخليه مدور يعني جنج مسكرته ,, بس ديري بالج مو تجفسين البلاستيكه ,,
انزين ؟ ,,
و خلي مسافه متساوية بين الطرفين و حسبي كل حرف بمثابة راس اصبعج ,,
وننسى الخيوط نقص اطرافها تكون جذي ,,
الحين راح نسوي هالنقشه ,,
بما انهم تسع خيوط ,, راح نقسمهم لثالث , كل ثلاث بروح ,, و يكونون يم بعض بطريقة مرتبه حتى النهاية
نرفع الثلاثه الي بالنص لي فوق ,,
نلف اربع لفات ,, و نشدهم لي ورا ,,
بعدين شنسوي ؟ ,, انزل الثلاث الي بالنص و نرفع الثلاث الي عالجوانب لي فوق ,, و نلف اربع و انشدهم ليورا يكونون يم بعض حيل ,,
بعدين ننزلهم و نرفع الي بالنص ,, و نلف اربع و انرد نشدهم
و نعيد عمليه رفع الي عالجوانب مع انزال الي بالنص
و هكذا حتة المساحه الي انتي حاطتها ببالج او حسب حساباتج للاسوارة نفسها
ملاحظة ,,
لم تبدين الشكل بالمربع الي بالنص انهيه بالنص ,, يعني جذي ,, اعتقد ارتب وكل وحده براحتها
انشاء الله اكون افدكم من النقل وذا شفت تفاعل احطلكم النقشات وطريقتهااا كاملين وبصور
يعطيج العافية
يعطيج العافيه على النقل الحلو
اول شي انخليهم كلهم تحت مرتبين يم بعض كل واحد بمكانه
نرفعهم كلهم فوووق و نلف اربعه ,, نسيت اصور هالخطوة
بعدين انزلهم كلهم ,, بس ما نلف ,, شنسوي ؟ ,,
نرفع اول خيط ,, و نخلي ثلاث خيوط و نرفع الرابع ,,
نلف اربعه ,, و نرصهم ,,
نرفع كل الخيوط مع بعض بعدين ,, و نلف اربعه ,,
و انزلهم كلهم و نعدل اماكن الخيوط ,, ونلف اربعه و نرصهم ,, و يطلعلناااااااااا
يلا راااوني تفاعلكم معاي عشان احطلكم طريقت القلب اشلون اسوونها
شغل حلو
الحين كل البنات يحبون هالسوالف
العفو يقلبي وراح احط حركات ثانيه وبصور
الله يعافيج يارب تااابعي الطرق اليايه والحركات
الحلا وجودج يقلبي
الرووعه حضورج يقلبي نورتي والله موظووعي