|
|
السلام عليكم يا بنات ….
شلونكم ان شاء الله تكونون بخير 
انا سمعت هاذي الطريقه من وحده داعيه في درس ديني
تقول :
لا تخلين مسؤلية البيت كلها عليج
مثلا توصيل اليهال والتدريس واغراض الجمعيه واللحم والسمك و حجوزات السفر وتصليح الاغراض وغيره وغيره من المسؤليات اللي تعرفونها
لان الريال لما يشوف ان المره شايله كل شي يحس ان الزواج شي سهل
بس لما يشارك في المسؤلية ويصير ورا اشياء وايد يحس بصعوبة الزواج ويفكر مليون مره قبل لا يتزوج مره ثانيه ويتحمل مسؤلية بيت ثاني وعيال
وطبعا هاذي الطريقه لها وايد مميزات بعد
اتريحج اشوي وتخليج تتفرغين حق عمرج
هاذي الطريقه سهله على اللي توهم متزوجين ( جوزك على ما تعوديه
)واللي متزوجه من زمان ومعوده زوجها انها تشيل كل شي تحاول تبدي من الحين بس بالتدريج
وسلامتكم
انا سامعة سالفة تقريبا نفس الموضوع المرة طاقة الريال بالطوفة اهوة كل شي يسووووي
مدارس مصرف البيت واليهال ومرتة ماتجيس معاشها وحتى ماتساعد ريلها بأي شي من جميييييييع النواحى وتصدقون اهما مايتحاجووون اللا رسمي بس ماتزوج عليها لانة مسؤلية اليهال كلة علية حتى ما يقدر يسافر مدة طويلة ….. يعنى غصب طيب الريال مربوووووووط
جاري التطبيق
هذا دورهم اللي المفروض يسوونه مو مرتاحين وقاطين كلشي على المرة …
اصلا لو نمشي بالشرع جان ماتلقين احد يتزوج ثانية لأن العيشة صارت صعبة مايقدر يوفي بس عيب الحريم انهم وايد مدلعين رياييلهم على حساب روحهم …
يعت انا خخخخخخخخ
بعدين بصراحة اللي قلتي عين الصواب الغلط منا احنا لان كل شي انتحمله وكل شي نسويه
فاذا شاف انه مرتاح ليش ماياخذ وحده ثانيه ؟؟
صج الريل على ما تعودييييييييينه
راحت علي
اذكر دشيت دورة لمده 3 شهووووور عن السعادة الزوجية وكيف تصنعينها
تقووول الدكتووورة حتى عيالج لي قامواا بالليل لا تهدين غرفتج ويكسر خاطرج تخلينه يناااام وانتي تحووووسين خليه وياج يعاني عشان يحس فيج وفي التعب اللي تسوينة
والله فعلااااا انا سويتها حتى عقب ولدي يقووولي ما ابي اييب عيال بعد الله يخليهم ثلاثة عشان انا وياج نرتاااااااااااااااااااااااح خخخخخخخخخخخخخخخخخخخ
والحين مشلختة بطلبات اليهاااااااال والبيت حتى هدوم الاوتي اللي يم بابي ما اوديله شي
خخخخخخخخخخخخخخخخخخخخخخخخ
صج نحيسة
و الله خووووووش شي
انا اشوف بنات عمي بالسعودية مالهم شغل بشي كل شي على الريال وحتى رواتبهم مايدرون عنها المصاريف والمسؤليات كلها على الريال
مو مثل اهني كل شي على راس المرة والريال شغلته الدواوين والسفر والشاليهات
الحمدلله اني تزوجت قبل ما اتوظف عشان يتعود ان المصاريف كلها عليه
والحمدلله ما اسوق يعني اهو اللي يودي واهو اللي ايييب
انا قاعدة آمر وانهى
الريال من شاف مرته شايله كل شي على ظهرها ما صدق وقام يتزوج عليها
وانا اقول هذا من واجب الريال اهوه اللي يشيل كل شي والا اشماله متزوج ؟؟؟
بس احنا البلا فينا الى عيالنا قطيناهم على الخدم وخذينا دور مو دورنا
بس فى ملاحظة اسمحولى عليها انا صراحة ما احترم المرة الى عندها معاش وما تجيسه وتروح تاخذ من زوجها 
احسها قمة الانانية
انا استغرب من البنات الي شايلين كل شي راسهم واغراض الجمعية والريل ما يسوي شي غير ياكل وينام يعني شنو خليتي حقه !
احنا هني يروح الدوام , يرجع تعبان يتغدى وينام , يقوم يطلع , يرجع يتعشى او ياكل بره , ثم الى الدوانية
والمره توصل اليهال وتروح الدوام وتروح اجتماع الامهات في المدرسه وترجع تدرس اليهال وتطلع السوق تشتري لهم اغراض والجمعيه لازم كل يومين
