طريقة عمل المسك للمنطقة الحساسة بالصور

شلونكم حبيباتي ؟؟

حبيباتي اليوم حبيت اقدم لكم طريقة عمل المسك للمنطقة الحساسه ,,, وطبعا للامانه الموضوع منقول من احدى الاخوااات اسمها ام جمانه BntZayed الله يوفقها ويجزاها الخير هي اللي تعبت علىكتابة هالموضوع بالصور
وانا حبيت اطرحه لكم عشان تستفيدون منه

هذا الموضوع يتكلم عن نظافه المنطقه الحساسه و استخدام المسك

1- شكل المسك 0

نبدأ بخطوات عمل المسك :

بنات خلوا كل شي تستعملونه نظيف الان هالخلطه بنستخدمها لمنطقه حساسه في الجسم

و هذي الاغراض الطلوبه

1—-

مسك عبد الصمد القرشي (( احسن شي ))
ماء ورد
ماء معدني
طاسه ذات غطاء محكم

اولا: روحي عند عبد الصمد القرشي وقوليله ابا مسك الحجر ((الحبه 10 دراهم<10 ريال)) ريحته جنان……

ثانيا: خذي نص قطعة المسك و لفيها بنايلون عشان النظافه و ما تتوصخ

اطحني نص حبه المسك بس ما اتخلينها بودره لا

كذا لازم يكون شكلها

يعني فيها كسر

ثالثا: بعدين اناء لماء الورد و الماء المعدني

((..انا استعمل مسافي))

و هذا مقدار كل واحد منه *ماء الورد و الماءء المعدني *

و ايصير اتزيدين على حسب حجم العلبه مب شرط تتقيدون بالكميات

وحطي المسك و الماء الورد و الماء المعدني مع بعض في طاسه قابله للقفل ((يعني ام غطاه))………..

وبعدين رجي الطاسه زين لين ما تتخلط المحتويات((طبعا المسك ما راح يذوب))

——-طبعا القطعه تكون نظيفه

القطن البيضاوي هذا بس اتغطينه عادي

و قطعه قطن الدائري هذي((يعني تطلع عندج نصف دائره))

مثل ما واضح في الصوره

— القطــــــــــن—

وتغطسينها في الخلطه وتمسحين بها المنطقه من فوق لين تحت و الخلف بعد…

للمتزوجات لازم ادخلين القطنه داخل0 … وراح اتشوفين انه في وصخ يطلع
والبنات بس من بره.

((يجب مراعات النطافه التامه يا بنات … يعني لا تغطسين القطنه اكثر من مره عشان ما تنتقل الجراثيم في العلبه))

وتستمرين بها الطريقه

بعد ما تخلصين من الدوره ولمده 3 ايام متتاليه

و اذا كنت حابه بعد الاستحمام و وقت الحاجه طبعا

وشوفي النظافه والريحه الحلوه ((حتى الريحه تعلق في ملابسج الداخليه))

و انسي شي اسمه التهابات او حساسيه و افرازات و روائح كريهه…

انا انصحكم بمسك عبد الصمد القرشي عشان هو الاصلي و يكون معقم ولاتستعملون شي ثاني

الان هذا النوع الوحيد الي انا جربته

جربوا وادعولي وادعو لام جمانه اللي كتبت هالموضوع………………….. …

اللهم يسر أمري …. وفرج عنا برحمتك ياقريب يامجيب … عاجلا غير آجل يارب العالمين

وهي كاتبه بنهاية موضوعها :

اتمنى من كل بنت تبي تنقل الموضوع تذكر المصدر و تنقل الموضوع حرفيا و يا كل شي بدون حذف

لاني صدق تعبت عليه يعني حتى اسمي لا تحذفينه و هذا اهم شي

(((..وترى المسك مايضر ابدا بالعكس له فوائد كثير والرسول صلى الله
عليه وسلم وصى عليه))

واحلى دعوة لج من الخاطر ياام جمانه الله يوفقج ياااارب ويفرج عنج كربتج ويعطيج اللي بخاطرج

منقووول
______________________________________