طريقة اظمن لج انها بترد الحب والرومانسية بينكم

حبيت اشارككم وافيدكم

بعد فترة من زواجنا مرينا بفترة فتور بالمشاعر يعني مع المشاكل والضغوط وكنت كل يوم ابجي بيني وبين نفسي انه ليش جذي صار وين المشاعر وين الحب ؟؟؟؟ فقعدت افكر شسوي شسوي

لين طلعت لي هاللفكرة

((((( قبل لا اقول الفكرة في شرط عشان تلقين منها النتيجة الي لقيتها وهي ان المشاعر بترد وان شاء الله اقوى من قبل والشرط هو …………………….الصبر…….يعني ممكن ريلج بيقاوم او يتكيسل وما يسوي اللي اقولج عليه انتي لا تهدينه وصري عشان ينفذ معاج الفكرة واذا يوم ولا اسبوع ولا حتى شهر طنش انتي التزمي ))))

الفكرة

يبي لج مذكرة حلوة وشكلها رومانسي معطرة

وقعدي مع ريلج وفهمي بكل بساطة انكم من اليوم ورايح كل واحد فيكم قبل لا ينام يكتب للثاني كلمة ولا جملة مو شرط غرام وحب اهم شي يكون كلام صادق من القلب
ولازم الاثنين يلتزمون حتى لو بتنامين قبله كتبي وخلي الدفتر على الفراش والقلم داخل عشان يفهم لين يرد ويوم اللي يسافر ولا ينام بره طرشو لبعض هالجمل وانتي ردي وكتبيهم بالدفتر ولا تنسين تكتبين التاريخ واليوم لكل جملة
وبعدين بتمر الايام بتصير مشكلة تتظايقين منه روحي وفتحي مذكرتج واقري كلامه شوفي بتظلين زعلانه ولا تروحين له وهو نفس لشي ومو بس جذي انتو يوميا راح تطلعون المشاعر اللي داخلكم وماراح تكتمونها عن بعض وكتمان المشاعر اهم سبب للخلاف بين الزوجين
واهم شي اذا ريلج ما تجاوب معاج او ما اهتم انتي كل يوم جدامه كتبي له وحطي المذكرة يم راسج ونامي وشوفي بعدين اذا ما تجاوب معاج مثل ما قلت….

الصبررررررررررررررررررررررررررررر

عن تجربة هالمذكرة (( طبعا بعد عناء مع ريلي ان يلتزم ويكتب كل يوم واقنع فيه واترجاه))) اقولكم ان الحال وايد تحسن واكثر من اللي تصورته

اتمنى كل وحده تقرا هالموضوع تطبقه بحياتها صدقوني في فايدة منه وهمن راح يظل كذكرى لكم باجر بعد 10 سنين ااو اكثر تقعدون وتفتحون المذكرةو وتقرون ذكريات ايام قبل بتشوفون كلام يدل انه اليوم تهاوشتوا ولا ان اليوم سويتي له احلى عشا ولا انه اليوم طلعج احلى طلعه

ويارب يوفقكم بحياتكم