|
|
سلام
حبيباتي بقول لكم طريقة أخذ الحبه للعلاج يمكن الأغلب ما يعرف اشلون ياخذها لأن صادفني بنات وايد الخمول زاد من عقب الحبه وما يابت نتيجه لهم مع العلم صار لهم أكثر من 6 شهور ياخذونها .
الطريقه تؤكل على الريج من بعد صلاة الصبح اذا أمكن عشان تنشط كل أجهزة الجسم وتضبط عملية الهظم الأيظ بشكل صحيح آنا لما أخذتها بهذي الطريقه صراحه العلاج تم خلال شهرين أحسن من 6 شهور .
وحق اللي تقول الغده ما تاثر على الجنين لأ تأثر بشكل خطير اذا ما عالجت الوحده نفسها قبل الحمال لأن آنا سببت لي سقوط جنيني اللي صارلي سنين ناطرته وهي بعد وقفت الحمل عندي بسببها وكل ما يشوفني الدكتور والله يقولي حمدي ربج نزل ولا جان تشوهات الله يستر نصيحه لكل وحده تعالج خمول الغده وان شاء الله نتعافى كلنا .
موفقين كل خير
انا من 6 سنوات فيني غده وكانت زينه بس لما تزوجت وكملت زادت
ولما رحت استشاري غدد
شقالي لاتاخذين الحيه على طول واتريقين غلط غلط غلط
يعني خليها عالكوميدينه عند راسج والفجر اخذي الحبه مع الماي ونامي
ليش لأن اذا خذيتي الحبه وتريقتي واكلتي شغلات فيها كالسيوم يعني شربتي الحليب واكلتي اجبان يبطل مفعول الحبه
فهمتوا ليش حبايبي
ومشكورين طولت عليكم 
علي الموضوع الهادف
وماتشوفون شر يارب
.
.
يعني تاخذونه قبل الريوق بدون اكل قبله
انا ليلحين مابديت علاج بس عطوني مخفف للاعراض حبه انديرال وقاعده اخذها بعد الاكل
منو مثلي
والله يشافينا ياارب
تلخبط الدوره اصلا يمكن ما تخلي الوحده تحمل وان حملت تجهض او يموت البيبي ببطنها وطبعا هالشغلات كلها كنت اعاني منها
بولدي العود ما كنت كلش اخذ العلاج وبستر ربي انولد يهبل بسم الله عليه بس لما كبر ودخل الروضه لاحظت انه حبته صغيره حتى ماما انيسه الله يطول بعمرها لما شافته قالت ابي هالصغيروني ولما عرفت انه بالروضه حضنته حيييييييييل …. فديتها .
المهم وديته بعدها للدكتور واكتشف انه فيه نقص بهرمون الجروث اللي اهو خاص بالنمو والطول وقلت له اني ما كنت اخذ الدوا لما حملت فيه بس الف حمد مافيه قصور بالغده ولا اي شي بس خنت حيلي ياخذ الجروث بشكل مستمر .
بنتي وولدي الحمد لله كنت اخذ العلاج والامور عال العال اكيد بين ولدي العود وبنتي وولدي الصغير فتره لاني حملت واجهضت وحملت ومات البيبي بعد 3 شهور وبسبتها.
والحين من كثر الاجهاضات والتاخير والهرمونات وغيرها من عمليات وشغلات عشان الحمال منعني الدكتور من الحمل مره ثانيه والف حمد لربي عندي احلا البنات واحلا الصبيان … الف حمد وشكر له بهالوقت حلاته الوحده تيب وتربي احسن تربيه .وعقب تلتف لنفسها .
الغده علاجها اخذه باي وقت ومتى ما طرىى على بالي بس المهم ما يكون قبل الريوق مباشره ولا بعده الا بساعات وبعد بالحمل لازم نزيد الجرعه بامر من الدكتور اكيد والتحاليل كل 3 شهور بس لا تطوفون يومين لانها بتلخبط الدنيا خاصه بوقت الدوره والنوم والارق .
بسم الله عليكم غدتي سببت لي بالضغط والكلى لاني ما كنت مهتمه فيها بالبدايه وقلت عادي حالها حال اي مرض عادي .
..