|
|
صراحه انا ابي اعرف ولو نسبة تقريبية عن مجموع البنات الي بيداومون باجر والا بيغيبون
لأن صراحه كل ما قلنا خلاص غدا الشر وقلت الحالات يوصلنا خبر يخلينا نخاف
روحة المدارس غير عن المجمعات والطلعات لأن فيها سلام وتبوس وماشالله عليهم بنات الثانوي بهالسوالف مو مقصرين
تلقين الوحده شايفه رفيجتها قبل يومين بالبيت وأول يوم مدرسة تحبب وتلمم والمشكله ماتقدرين تقولين لهم اذا يت وحده تبي تبوسج دزيها وقوليلها وخري عني والا لا ما نبوس نخاف على عمرنا
الحين الزبده
منو بتداوم باجر ومنو بتقعد بالبيت خلونا نشوف!!!
انا بداوم لأن رفيجاتي كلهم بيداومون .. وانشاءالله الي كاتبه ربي بيصير
وترا الحين كل مكان فيه تجمعات واهو المشكله مو بالبوس والسلام لاااااا المشكله بالنفس والعطاس ..
يعني كل مكان في تجمعات .. شوارع .. مطاعم .. مجمعات .. مستوصفات .. مافي احد بيحكر نفسه صدقيني
والله يحفظ الكل انشاءالله
بس على فكره مو بس العطاس والكحة ينقل المرض
اللمس والتبوس ينقل المرض بعد
لأن لوتشوفين من الوقاية من المرض انج بعد ماتسلمين على اي شخص تستخدمين المعقم
لو ان المرض ينتشر بالكحه والعطس بس جان ما حطوا المعقمات بكل مكان
يوم سافرنا بكل مكان حاطين معقم بالمطار وبالفنادق وبالمجمعات
وحتى بدعاية الوقاية من انفلونزا الخنازير حاطين ان لازم تعقمين ايدج بعد اللمس
والله يستر على الكل 
والله كريم بشوف وين حطيني باي صف ومع منو والله الحافظ <قل لن يصيبنا الا ما كتبه الله لنا>
والحمدالله على كل حال تقبلوا مروري^_^
انتو اخذو بالاسباب والباجي على الرحمن…..
ف مافيها اي احراج اذا سلمتوو من بعيد او يبتوها على غشمرة