ضروري جم وزن جنينج في بداية التاسع وعند الولادة ؟

السلام عليكم ورحمة الله وبركاته

انا اراجع عن الدكتوره رشمي وابي اولد عندها ان شاء الله

بس قالت لي مو زين تيبين الجاهل فوق 3 كيلو وثلاث اميه غرام
لان لو كبر عنه راح اسويلج فتح بطن

1- جم كان وزنه في بداية التاسع ؟
2- جم ولدتي اول ياهل لج ؟

جم وزنه

انا بجرية

عادي انا ولدت بنتي ثلاثه كيلو و300 غراام ماله علاقة وطبيبعي بس الظاهر ما تبي البيبي يكبر

حبيبتي ان بجري كان وزنها 2.920 اذا ماني غلطانه

والثانيه 2.500

اتوقع الدكتوره قالت لج جذي يمكن لان حوضج صغير

ترى ماله شغل وزن البيبي احنا 5 ما شاء الله امي تقول 3 منكم يبتهم 5 كيلو

والله عندي صوره لي بالمهاد تقولين هذي لعبه مو ياهل

وسبحان الله كلنا يابتنا طبيعي

هم يخافون اليهل يكبر لا اكثرولا اقل

و الطبيعي بين 2.5 و 4 كيلو

انا ولاداتي قيصرية بس اختي يابت بنتها 3.700 جنه او 3.900 و فيه ناس اييبون عيالهم 4 كيلو طبيعي ..
كلها تياسير يالغاليه لا تشيلين هم ..

شوفيلج طبيبة غيرها اذا من الحين تلمح لج بالقيصرية!! ترى صارت تجارة !

الله يقوووووووووومج بسلامه
ماعندي فكره والله

انا قالووووولي اول التاسع 3ونص

وطبعا يزيد وليييييييييييي خلصت التاسع وولت ولا وزنه 2.750

يعني تسااهيل من رب العالمين

وعلى كلام اختي مرايم اذا موووو مرتاحه من الطبيب غيررررررررريه

ليش تسوي قيصريه فيه حريم ييبون عيالهم على 4 كيلو وطبيعي عادي

مادري خوفتني قالت لي لاتاكلين لا كاكاو ولا بريد ولا بيبسي ولا سفن ولا عصير مانجا

عشان تولدين طبيعي

عاد انا عبالي احسن يكون الجنين كبير
بس اهي خرعتني تقول البجر لازم صغير الثاني والثالث عادي
انتو شرايكم ؟

من صجج رجمي هذي مينووووووونه وايد اسمع ناس تقولهم جذي تموووت بالعملية
ماعليج منها ويفضل تغيرينها الناس اتييب 4 و4 وشي طبيعي

الحين الدكاترة صايرين على طريف عالعملية

هلا حبيتي والله احنا بعايلتنا كل انيب الياهل فوق الثلاثة وانا اعيالي كلهم تقريبا بسم الله عليهم 3400 وامي يابت اختي الصغيرة 4.400 ترى عادي طبيعي على حسب الوحدة اذكر الدكتورة ادقولي نفس الحجي السهالة من الله بعكس عند اهلي اللي اتيب اقل من 3 عندهم وايد اصغير وعلى فكرة بس اطلع من الاربعين الياهل يفش على قولت امي الي بطنه يربي حظنه مايربي والعكس صحيح .

حبيبتي مالج شغل فيها روحي دكتوره ثانيه وشوفي شتقول ؟
انا يبت بنتي 3.700
ومحد قالي انها كبيره ولازم فتح بطن
الحين موضه كلهم يقولون فتح بطن

لا عادي طنشيها
بس انتي خففي السكريات عشان وزنج مايزيد لان الوزن بالتاسع يزيد بسرعه

هذى اشكره مبيته النيه على قيصريه وقاعده تمهد لج مالج شغل فيها اصلا بالعكس كل ماكبر الجاهل يساعدج بالولاده ويطلع روحه غصب خوفج من ابو كيلوين هذا شفط وبلاوي وصماخه يصير على صوب ويلزق فيج لزقه يالله يفج…

الله يسهل عليج

رفع