صج إلي سمعته راح يصير إضراب عن الدوام

بنات الخبر منتشر بالديره ..ويقولون يوزعون نشرات بعد
إنه الطلبه راح يسوون إضراب عن الدوام!! حتى الروضه!!
بسبب عدم تأجيل الدراسه لما بعد العيد
معقووووووووووووووله !!!!!!!!!
وإحنا المدرسات شنو موقفنا نداوم بدون طلبه ….بصراحه الموضوع خطير ماندري شراح يصير
وإذا الموضوع جد أحنا بنضرب بعد ..
ولا شرايكم يا ابلات؟؟

ما سمعنا

مادري والله

:والله هالسالفه حتى لو تصير هذيلاك هم بعد بعاندون اكثر واكثر المهم ان احنا بنداوم واحنا نفوسنا بخشمنا عقب مااتشوقنا ظيقوا خلقنا بعد ماقدر افضفض اكثر لايعتبروني خرجت عن ادب الحوار ولا اشرايكم

اي صحيح الوطن حطته

ان الطلاب يوزعوووووووووووووون منشورات
ههههه والله يضحكووووووون

مالومهم والله

بس ماعتقد احد بيهتم لهم مساكين

لا عاد مو لهالدرجه قويه احنا ما نرضى اذا الواحد بيطيع عمره ما راح نقوم من فراشنا

والله جان زين على الاقل نرتاح من الشرح والتحضير بس ما اعتقد راح يداومون و من اول يوم بعد

لا والله بداوم وبودي بنتي اللي يبي يضرب خل يضرب ..

انا اصلا مو مقتنعة بهالصيحة اللي سووها ويعني واذا داومنا برمضان الديرة كلها مداومة الوزارات والشركات والكل مداوم يعني الحق حق وبعدين كل سنة رمضان يصير حزة دوام شفرقت السنة ؟

والله آنه ماأحاتي الاالتنظيف اول الايام لاوبعد البنغاليين مسوين اضراب عسى مايعدون الهنود بعد والمدارس الله خير اول الايام مو نظييييييييييييييييفه واحنا صايمين بعد ومحبطيييييين والله يكافينه شر الادارات اليديده اللي كل يوم شكل ونمونه بس قعدوا اتفرجوا آخخخخخ ياحسافه على ادارتنا القديمه اللي مالها مثيل (ذوق واحترام للمعلمات وحرص على المدرسه)

صج والله غريبة هالموضوع

كله كوم واحنا ابلات الروضه بكوم انداوم بمخامنا وفوطنا للغبار والوصخ الي ينطرنا طبعا الاداره متفرجه

حبيت اوضح الاحباط ما اييي من الاصيام الاحباط اييي لما الانسان يتهيأ لامر مشوق وبعدين يطلعون ناس يحبطونه تر كلنا انحب انداوم لكنا نحتاج راحه خاصه في رمضان جم يوم بس انشوف فيها حالنا في العباده اشوي مو كل دوام وتدريس لليهال ومطبخ وبعدين مايصير الليل الا انتي دايخه وتعبانه ماتعبرين تركعين لج ركعتين قيام الليل والله يسامحهم

يعني كلها اسبوعين نداوم و بعدها على طول

العيد , يعني 10 ايام مايعرفون يعطونا اياها عطله ؟

و يحسبونها ع الأقل من العشر الأواخر !

شنسوي حكم القوي

الله يعين الله يعين <<<<< صارت راشد الماجد
والله مالنا خلق حسبي الله على من كان السبب
الروضه راح يداومووون اكيد الامهات يبون الفكه
مالنا خلق تنظيف الله يرحم حالنا
قولوا ان شاء الله اول يوم رمضان عطله على الاقل انتعود

اول يم عطله فتح الباب غلط