صالة اتحاد الجمعيات

احد دخل صاله اتحاد الجمعيات التعاونيه الي بحولي مقابل الجابريه اشرايكم فيها وايد ناس امدحوها لي وقليل ذموها ووحده قالتلي حسب ترتيبكم لها واحنا اتفقنا مع فندق موفنبيك علي البوفيه مع الخدمه بس بدون الحلو والحين تقولي وحده تري ما في حارس للبطاقات يعني ممكن اي احد يدخل ويدخلون يهال معاهم ( حتي لو كاتبه بالبطاقه ممنوع اصطحاب الأطفال في ناس ما تحترم ) ابي تجاربكم بهالصاله

لا في حارس بس العيب الوحيد الي فيها ان مكان البوفيه حددددددد صغير يدوب انج تاخذين الاكل وتطلعين بره تاكلين بس ديكوره واييييييد حلو بس شوي صاله صغيرونه

انا بصراحه اقول عنها حلوه بس يبيلج مصممه شغلها حلو ومرتب تنسعلج كل شي بصاله وانا بصراحه انصحج عن تجربتي اب ضياء الخشتي سعرها حلو وديكوراتها حلووه

الصاله حلوه و ملمومه اذا معازيمكم مو اكثر من 200 اذا اكثر بيصير ضيج .. و فيها سيكيورتي و اذا مافيها انتي اجريه من الشركات ملوت الافراح

مشكورين علي الردود ما قصرتوا

أنا ما عجبتني كلش

أولا مكانها وايد واي وايد سيارات زحمه يعني المعازيم تلوع جبدهم على ما يوصلون
وبعدين الصاله صغيره ما تكفي
يغني حق ملجه زينه..

موفقه حبي

مو شي كلش هالصاله كاتبين بالعقد اذا صار اي ظرف يلهفوووون الفلوس و لا يرجعونها و لا في تأجيل حتى لو دافعه المبلغ كامل
يعني لو بتأجلين تدفعين المبلغ كله مره ثانيه

و على فكره ترى سعرها نفس سعر الفنادق يعني لو تسوون بفندق ارقى و احلى من هالصاله و كل الفنادق يأجلونلج وقت الي تبين

بس بصراحه هالصاله ظلم شنو الناس فلوسها زايده!!!

بايخه وصغيره و موقعها ابيخ

في وايد صالات احلى

ماعرفها

والله يوفقكم