|
|
انا كان استقبالي بصالة اليوسفي
طبعا انا كان عندي حجز بصالة شيخه المرزوق بشويخ
بس لما شفت صالت اليوسفي انغريت فيها
وقلت حق امي ابيها ابيها المهم ماكان في حجز بالصاله حق التاريخ الي انا ابيه 
بس امي كلمت مدير الصاله احمد بوشهري وحطت رقمها عنده
وقالت له اذا لقيت حجز دق علي بنتي يخاطرها الصاله
بعد اسبوع امي دقت علي قالتلي تبين صالة اليوسفي 
قلت لها ايي اشلون مابيها جان تقولي خلاص حجزتها عاد انا طرت من الوناسه
وركضه ركضه سويت الكروت ووزعت
المهم ان صالة شيخه المرزوق ما كنسلتها الا على اخر اسبوعين
يعني كان عندي حجز بصالتين مو صاله وحده
بس صالة شيخه المرزوق كانت قبل اليوسفي بإسبوع
المهم قبل استقبالي ابسبوعين بديت اوزع الكروت
لين صار يوم السبت الي اهوه قبل استقبالي ب6 ايام
دقت عمت ريليعلى خالتي ام ريلي
جان تقول يام فلان استقبالكم بأي صاله جان تقولها اليوسفي
انزين اي يوم جان تقولها اليمعه الياي
جان تقول متأكدين جان تقولي اي اكيد
المهم ولا تقولها واصل لنا كرت عرس بصالة اليوسفي نفس اليوم ونفس التاريخ
طبعا انا كنت نايمه قعدوني من النوم قالولي قعدت اضحك فصلت ضحك اصلا
قلت لا مو معقوله يمكن غلطانين
المهم دقيت على امي جان تقولي لا مو معقوله قلت لها دقي تأكدي قالت يمكن هذيلاك الناس متخربطين
المهم سديته من امي قلت لهم امي تقول اكيد متخربطين لان مدير الصاله اهوه الي داق عليها وقالها ان الصاله فاضيه هاليوم
عادي كملت يومي جنه ماكو شي
شوي ولا امي تدق علي تقولي ترى دق مدير الصاله الي اهوه احمد بوشهري وقالها سمحينا يا ام فلان ترى انا غلطان وحقكم علي والي تبونه انا حاظر ومن عيوني انتي تامرين
انا ما تطمنت رحت الصاله دايركت ونطرته ايي عاااد كانت الصاله زحمه
المهم ياني هلا بعروستنا والله ما عاش الي يزعلج الغلط مني وحقج علي والي تامرين فيه انا اسويه تبين احجزلج فندق
قلت له انا مابي احد يجاملني انا ابي صاله انته وهقتني انا كان عندي حجر بصاله ثانيه وكنسلته والسبه انته
عاد امي وصلت وتعرفون امهاتنا بسرعه ينقص عليهم
قال حق امي والله لحجزلها الفندق الي تبيه بس خل تأشر واذا تبي ترى صالتنا فاضيه يوم الخميس
بس انا ما اقدر يوم الخميس دوامي عصر وفوق هذا عندي امتحان وحماتي عندها امتحان بالجامعه عصر
قلت له انا ابي الصاله يوم اليمعه غيره تدبرني جان يقولي روحي افتري على الفنادق واذا حصلتي حجز وعجبج المكان
دقي علي وانا ايي ادفع واطلع افتر على فنادق الكويت كلهم كبيرهم وصغيرهم مالقيت الا برجنسي وبسفير الرقعي
المهم دقيت عليه قلت له كيت كيت بس الحين ما في وقت نحجز خل نيي باجر الصبح الساعه عشر قالي خلاااص تم
المهم شوي واكمل تعبت وانا اكتب .gif "Eh S(6)")
لما يصير عقد و يوقع عليه تقدرين تحجينه و ملزوم يعوضج … انا مادري اشلون نظام حجز الصالات بس من اللي قريته ان انتوا كنتوا شوي متساهلين بالبداية لازم لما اتصل فيكم كنتوا تروحون له و توقعون عقد.
على العموم اللي صار صار الحين بس اشلون تصرفتوا ؟؟؟؟ لا تعلقينا 
|
المشاركة الأصلية كتبت بواسطة donat
 حبوبة مو المفروض انكم توقعون عقد؟ يعني اتوقع بس بالتلفون ما يصير حجز اكيد .. صح
لما يصير عقد و يوقع عليه تقدرين تحجينه و ملزوم يعوضج … انا مادري اشلون نظام حجز الصالات بس من اللي قريته ان انتوا كنتوا شوي متساهلين بالبداية لازم لما اتصل فيكم كنتوا تروحون له و توقعون عقد. على العموم اللي صار صار الحين بس اشلون تصرفتوا ؟؟؟؟ لا تعلقينا |
اشلون ما في عقد العقد
حجزنا وسوينا عقد بعدين كنسلنا صالة شيخه المرزوق
يلا شوي واكمل لكم شصار
امبي كملي علقتيني
حسبالي ان السالفة بس بالكلام لما اتصل في الوالدة
صج ما يستحي على ويهه
طبعا انا مرتاحه نفسيا مستقره شوي لان اخذت منه كلمت ريال
قالي باجر نكتب العقد مال صالة رجنسي
المهم اني ما نمت ظليت سهرانه لي الصبح ما ياني نوم
الصبح طلعت مبجر مع حمواتي رحنا تريقنا خلصنا رحنا فندق رجنسي قعدنا مع المسؤوله اتفقنا على الصاله وحددنا كل شي تقريبا
لي درجه حتى الكيكيه اخترتها ومكاسر ومني مني لين طيحت لي 1000 وشوي من سعر الصاله
المهم دقيت على احمد بوشهر (بوعلي) وقلت له انا برجنسي وخلاص اتفقت مع المره وكل شي جاهز متىى تيي انته
جان يقولي صراحه المبلغ عوود وااايد وانا ريال موضف ما اقدر ادفع لج شي
اذا تبين عندي يوم الخميس صالة اليوسفي فاضيه سوي فيها استقبالج
انزين والمصوره الي انا حاجزتها والديجي يمكن يوم الخميس مشغولين
وامتحاني وامتحان حماتي
المهم انا انصفق ويهي
جان اقوله :
يا بو علي احنا مو هيلق ولا جليلين اصل
بس لو ناس غيرنا جان ما يووك وخذوا منك كلمه على اساس انته قدها
جان سيده رحنا المخفر وعينا احسن محامي ورفعنا عليك قضيه
وتعويض الي راح يطلع لي مو اقل من 25 الف
جان يقولي يعني انتي تعرفين بسوالف المحاميين
ناويه ترفعين علي قضيه
قلت له لا والله حشى احنا مو اهل قضايا ومحاكم
قالي خلاص يلا بس خل انا احسب ميزانيتي لان ما اقدر ادفع هالمبلغ
وعلى فكره المبلغ كان 3800 وبعدها سوت لي خص لي 3400
المهم انا قلت خلاص انا اروح ادور مكان ثاني ارخص
قالي اوكي اذا حصلتي دقي
المهم افتريت افتريت لين وصلت سفير الرقعي الي الحين اسمه رامادا
لقيت حجز بأكبر قااعه ب2700 مع الكوشه مع البوفيه مع كلشي
هم رديت دقيت عليه وقلت له وقالي خلاص اوكي من عيوني
عاد دقيت على امي ماما خلاص لقينا برامادا الرقعي وبوعلي قالي اوكي
جان امي تقولي اي اوكي توه محامي بوعلي دق علي وقايل لي مو تفكرون ترفعون قضيه ترى انتو خسرانين خسرانين
واحنا ناس ورانا ظهر واقدر اطعن بالعقد الي عندكم واقول ان الصاله لا تصلح لاقامت حفلات
المهم انا ثارت ثاإرتي من مني بعد خلاص شبيت ناار ومن امس مو نايمه
المهم اي شي ادق على الاخ المحترم احمد بوشهري ما يرد علي
امي تدق مايرد عليها
رحت عند امي العصر ودقيت على اخوي وقلت له لان طبعا انا ما توقعت مو قد كلمته
فما قلت حق احد من رياييلنا قلت خلاص اهوه عطانا كلمه
المهم اخوي اخذ رقمه ودق عليه وراح له الصالهوصار بينهم حجي المهم انه قال حق اخوي انا ما اقدر ادفع حق فندق
اخوي قاله مو مشكله دبرلنا صاله المهم اختي تسوي استقبالها يوم اليمعه نفسه
المهم اخذ اخوي وراحوا يفترون عالصالات
والله اخوي يقول وداه صاله مالت نادي راس السالميه البحري وقاله خوش صاله حلوه عجيبه
اخوي يحلف يقول والله حوش عربي
جان اخوي يقوله احنا مو قاع نلعب واحنا اصحاب حق
بس ما نبي السالفه تكبر جان يقول حق اخوي شبتسوون يعني
المهم ردوا الصاله اخوي ركب سيارته وحرك
اليوم الثاني الي اهوه يوم الاثنين باقي 4 ايام على الاستقبال
طلعت من الصبح انا وريلي وافترينا على صالت الكويت كلهم
مالقيت حجز الا بصالتين صالة جمعيه جابر العلي وصالة خيطان
يا مني يا مني ماكو حل ثالث خلصت ورحت عند امي
قلتلها في هالصاله وهالصاله اي وحده تبون ؟؟؟
طبعا صالة جابر العلي ايدد من خيطان واستقرينا عليها
المهم وانا عند امي ولا يوصلها مسج
من منو والا من صاحب الشهامه ونخوه والي كلمته مسمار بلووح
طبعا عرفتوه …؟؟؟
المهم كاتب بناءً على ما حدث بيننا من مشادات كلاميه ونقاشات
نقوم نحن ادار صالة اليوسفي بإلغاء العقد المبرم بيننا وذالك لان الصاله لا تصلح لإستعمال
الرجاء الحظور واستلام مبلغ الحجز والتأمين
اخخخخخخخخخخخخخخخخ يا حرت قلبي
المهم دقيت عليه قلت عيب والله عيب انا ابوي الي اهوه ابوي اذا وعدني بشي وما وفالي يطيح من عيني
فمابالك انته يالغريب صج صج صج حسافه اخذت منك كلمه
جان يقولي المهم تعالوا استلمو فلوسكم
عاد من حرتي قلت له الفلوس ما بيها صدقه عني وعن اهلي
طبعا ابوي كان مسافر
خل اريح اشوي اصابعي فجت واكملكم شصار بعد مارد ابوي
رحت له البيت انا واختي جان يقول لا والله ما اطوفله ياها
وكلم ريل اختي وكلموا محامي
قال يوم اليمعه نروح نشتكي بالمخفر ونسوي اثبات حاله ان الصاله تصلح للاستخدام وان فيها عرس غيرنا
وهذا العقد
وصار الي صار يوم اليمعمه سووا اثبات حاله راح اخوي المخفر اشتكى وراحوا معاهم لي الصاله
طبعا الصاله مو بس لا تصلح للاستخدام من كثر ما انها ما تصلح للاستخدام كانوا يايبين هبااااااان
عاد صار اثبات حاله وتهولت قضيه
بس العقد بإسم امي
وامي مارضت تسوي توكيل حق المحامي
تقول اذا لنا حق انشالله الله ياخذ حقنا منه
وانا ما اقول الا حسبي الله ونعم الوكيل
بس سويت استقبالي بصالة جابر العلي صج ان وااايد ناس ما يوا
بالاحرا ما دلوا الصاله
بس الحمدلله عدى اليوم على خير وصورت مع رلي
و اخر شي طلعوا الناس
وظلينا لي 1:30 بالصاله هيصنا وعبطنا وقصنا واستانسنا
كملي
وبجم سعرها الاساسي
تصير عالدائري الاول اخر اشاره قبل قصر دسمان شوفي على ايدج اليمين راح تشوفينها جنه كنيسه فيها قبه
الصراحه الصاله حلوه
بس تعاملهم زفت
وسعرهم نفي باجي الصالات 100 اجار و100 تأمين
الله يكون بعونكم والحمدالله عدت على خير