شوفوا اللبنانيه شنو قالتلى عن المرقوق والكرش !!!!

ابى ادخل فى الموضوع على طول

بنات انا كنت اسوى تنظيف بشرة عند لبنانيه

وشئ اكيد احنا الحريم لازم نسولف شاميات عاميات

ومن ظمن السوالف سولفنا عن الحمال والكرش والمرقوق

قلت لها انتو متى تلبسون الحزام قالت لى اول ماينزل الطفل

على طووووووووووول امى تكون محظرته لعشان نلبسه

قلت لها ماينزل الارحام ؟؟؟ قالت امى جايبه عشر اطفال

مانزل ارحامها احسن منى ومنك هههههههههههههه

قالت انتو شو بتاكلو يالكويتيين؟؟؟ قلت مرقوق !!! قالت شو مرقوق؟؟؟

قلت لها الطريقه كان تصرخ وليه وليه وليه الوالد لازم ماتاكل شى فيه عجين

؟؟؟؟؟؟؟؟؟؟؟؟؟؟!!!!!!!!!!!!!!!! قلت ليش قالت بيسبب نفخه

فى بطن الام واذا كانت بترضع تنقل النفخه للطفل !!!!!

قالت لازم ماتاكل شى مثل الفطاير والبيتزا واللى مكوناتها عجين

انا قلت لها احنا ذبحونا مرقوق هههههههههههههه

صح ترى كلامها عن العجين

انا بعد سامعه انه الحامل كثر ماتقدر ماتكثر عجين حيل يعني تاكل لحم دياي اكثر من العجيين تقلله

والله اعلم ماادري شنو الصح

والله انا امي تقول الوالده مو على طول تدح العجين والخبز والمرقوق لااا تصبر جم يوم بعدين تاكل العجين

سبحان الله بالدرجة الاولى المساله وراثة وبنيه جسم

انا بعد اللي اعرفه انه خل يسووون لج مرقررروق والقبووط بس لا تاكلين منهم بس اكلي اللحم والخضرة اللي فيهم وشربي مرقة المرقوووق والقبووط لان اللي يفيدج ويرد رحمج اهوا الايداام( اللحم) وعلى قولة جدتي مايخيط اللحم الا اللحم..
وصديقتج صاااجه ماله داعي فطاير وبيتزا بالنفاااس! مانهم فايده كااافي الطحين والسكر والدهن اللي ينحط بالحسوو وبالعصيده ..على الاقل هذووولة ج يسمنون بس منهم فايده.. والله يسهل علينا اجمعين وترجع اجسااامنا احسن من قبل الحماااااال قولوا امييييين

تصدقين انه كلامها صح تقولى لاحظى على نفسك بالايام العاديه لما تاكلين بيتزا شو بيصير فيكى ؟؟؟ يكون بطنك فيه نفخه فما بالك بالنفاس الاكل يالعب دور سريع معها

تصدقين اهيه قالتلى عن اكلهم فى النفاس الاحظ انه صحى 100%

معاك حق الاكل يلعب دوووووووووور

صح كلامك سكر وطحين ومادرى شنو اكل كلش موصحى نهائيا
ان شاء الله تتبعون طريقه رفيجتى بالكل ويصير اجسامكم سنبتيك
قالتلى اشياء واجد عن اكلهم بس انا ماعندى قلب يحفظ قلبى فضيخ

والله تري المرقوق والقبوط والعصيده الاولين ياكلونه علشان هذا المتوفر يعني الخضار والفواكه والعصاير والشوربات المتنوعه غير موجوده وكانو يبون الوحده تطلع من النفاس مربربه ومتكتكه لكن الحين انتو كلكم متعلمين وتعرفون انه في شي اسمه سعرات حراريه 0 اهم شي في اكل النفاس التقليل من الدهون والنشويات لانه في اول عشره ايام الحركه قليله وما في مجال حرق الدهون وبعدين الخضار مهمه والفاكهه علشان تكرمون الامساك وتعطي الرونق للبشره وعلشان ما يلحم اللحم الا اللحم ناكل ستيكات لحم شوربه الدجاج وانتو بنات وتعرفون الاكل الصحي

انا بعد اهلي نفاسهم كله يدام لحم دياي سمج سلطات خضار اكلي لين تشبعين و القبوط و المرقوق و يكون يوم بالاسبوع و شويه

شي طبيعي المرقوق والقبوط اللي يدجون فيه الوالدة دج
ماينفعها بس يتفخها تفاخ ..

ما أدري عنكم بس انا أحب كلام جداتنا!!
أحسه الصح..
والله الوحدة لازم تهتم بعمرها بالنفاس و يا حبيباتي الدليل احنا بالكثير عشرين او 22 يوم والا ناظفين واهم يقطرون 40 -60 يوم ولا ينظفون …
احنا الصح بس مشكلتنا نبلع وايد و مانحط بريك على عمرنا..
جداتنا و امهاتنا يبوننا ناكل العجين واليدام واللهوم و العصيد والحسو…الخ بس عاد انتي لازم تضبطين روحج و ما تزودينها

chocolatecho : حبيبتي تاكلون سمج بالنفاس؟؟!!! أول مرة أدري ان بالنفاس سمج!! احنا ما يصير سمج أو عيوش ..لحم و دجاج مع العجين مرقوق و قبوط و عصيد و شنيالي…الخ

اي والله العيين يتفخ البطن

امبيه عاد انا اموت بالمرقوق وبروحي اسويها