شوفوا السنع اخر الزمن

انا خذيت قاعدة بحياتي سوي خير وقطه بحر واتق شر من احسنت اليه في ها الزمن شوفو شنو صار بحياتي انا كنت موظفة في احدى الوزارات وتوظفت عندنا موظفة و ذكرتها لحماي يعني اشتغلت خطابة و على ماقالو يابخت من وفق راسين بحلال وبعدين يوم تزوجت و اضمنت كانه ما تعرفني خصوصا عند الحمولة و الحين هي العزيزة و الغالية طبعا نقلت لمكان ثاني لاني زهقت و كرهتها المهم وجبتها بهدية عرسها خوش وحدة أجيب رجل و أعطي هدية و بعد عطيتها بولادتها الأولى و الثانية و انا يوم ولدت و سويت استقبال ما جت بعذر اهي في الأربعين وباركتلي عقب باسبوع من ولادتي و للحين ما عطتني هديتي و عمر المولود 3 شهور و يوم كلمت خالتي كان تقول فلانة زوجها يقول ان مرتي فشلانة من ماعطت مرة فلان اهو اخوه الهدية يمة متى ماجتكم دقو على مرتي عشان تجي وتعطيها ولا و زاد الطين بلة ان اخوخ الصغير بياخذ اخت الحلوة قريبا شنو تشورون على اخذ الهدية شلون اتعامل مع الأشكال الوقحة ناكرين الجميل

يشرفني اني اول من بيرد عليج

تقولين خذتي قاعده بحياتج (سوي خير وقطه بحر )

يعني انتي جاوبتي نفسج بنفسج

ادري انج منقثه منها بس انت احتسبي كل اللي سويتيلها اياه لوجه الله سبحانه عشان تاخذين أجره ولاتنسين ان باللوح المحفوظ اهي وحماج مقسومين لبعض ومقسوم يجيبون هالذريه تمشي عالأرض وماانتي الا سبب لتنفيذ أمر الله سبحانه

تعاملي معاها وكأنها اخت او صديقه حتى لو ماردت عليج بالمثل لأن احنا قلنا انتي بتعاملينها زين لوجه الله سبحانه وماتبين منها شي انتي تبين الرضا من ربج

كسري الشيطان ولاتخلينه يفرح بمخالفتج لربج ياقلبي والله يهدي اموركم

عادي عطيها طاف وصدقيني مايتندم الا راعي الردى
ومردها بتولد وبيصير عندها مناسبات اكشتي فيها

مشكورين بس قولولي اخذ هديتي اذا مدتها و شلون اتصرف مع اختها جاية على الطريق لحماي الثاني

اشدعوة رددددددوا شسوي

يا انج تتعاملين معاها عاااادي مثلها جنج ماتعرفيننها شنو اتسوي سوي لها يعني عطتج هذيه ب دينار ردي لها الهدية هم دينار نفس المستوى ولا يهمج او انج اتصيرين الاحسن و تكسرين عينها بالزين يعني صيري احسن منها بكل شي شنو اتيبلج شنو اتسويلج انتي سوي الاحسن و مالج شغل فيها سوي الي انتي ترتاحين له و عادي واختها هم رحبي وهللي فيها عروسكم اليديده لا تنسين انتي مرت الكبير ولا لا

نعم مرت الكبير بس ابسال ليش اتعامل جذية هل هو خبث و لؤم

كلامج عين العقل ياقلبى

شوفي أختي أنا عن خبرتي أقولج عامليهاااا عادي وأكيد بتاخذين الهديه وأكيد بتييها مناسبات ذاك الوقت سوي مثلها عطيها نفس الهديه وبنفس الوقت بس ترا يمكن عندها ظروووف والله أنا أقول صيري أحسن منها وترى كله عشان الحموله أما أختها هللي فيها وباركيلهاا واهديها يمكن تصير أحسن منها

انا ما اشوف فيها وقاحة .. اذا اهي بالاربعين معذورة وبعدين انتي توج والدة واتعرفين شلون لما يكون عندج ياهل يمكن حتي السوق ما اطبينه .. وموفاضية لشي .. وفوق هذا ما تدرين شنو ظروفها .. وانتي لما زوجتيها بغيتي خير فلاتخربينه بسالفه هدية .. المغني الله ..يعني هديتها بتزيدج ولا بتنقصج؟؟ اذا هادتهم ما قصرت واذا ما هادتج ما تشوف شر .. ولما اتحمل مره ثانيه وتولد لا تهادينها ..

واي ناكرين الجميل زادوا هالايام عادي يا قلبي على قوله المثل سو خير وقطه بحر واحتسبي الاجر من الله
مبين انج اصيله وخوش بنيه عسى الله يعوضج يارب

انتي قلتي سو خير وقطه بحر ,, و الخوات كلهم مو سوى يفرقون عن بعض لا تحكمين على اختها من تجربتج معاها ,, واهي معذورة يوم انها ما ياتج , انتي اهم شي لا تتمادين بالعلاقه وايد , هديه بسيطه اول الزواج و مع اول مولود و بس

عادي
طاااااااااااااااااااااااف
لا دققين وايد عشان لا تتعبين

لاتضايقين بالمره

انتى سويتى الخير و يزاج الله خير

وبتبين الايام ان انتى ماقصرتى …. ولاتفكرين بهذا الموضع بالمره احسن لج

موفقه

عيب الهديه تردينها لو شنو بينكم ماتردينها
هاذي افعال بنات الحمايل على قولتج !!
ليش تدققين على هالأمور بالعكس أعذر المره ومتى مايت يت وأعاملها بنفس اسلوبها اذا هي هاذي نيتها وعلى قولتج اختها بتييكم يعني لازم تصفين النيه والخوات مو نفس الشي ولاتدققين على هالأمور لأنج بتعبيين نفسج حيل على أمور ماتسوى
تحياتي