|
|
السلام عليكم ورحمة الله وبركاته
بنات بقولكم وياكثر ما اقول واهذر
المهم
انا بناتي بمدرسه امريكيه تعرفت علي 3 امهات عندهم بنات بنفس مدرسة بناتي
وحده ريلها chairmanعندها بنتين فقط
والثانيه ريلها مركز اجتماعي مرموق جدا بنتين وولد
والثالثه ريلها عنده بزنس عنده محل في مارينا مول ومن هيك عندها بنتين
ثلاثتهم ما يشتغلون وكروت ريلهم عندهم
الاسبوع اللي طاف كنت بأجازة وصاجف اني رحت يبت بناتي من المدرسه
وقمت اسولف معاهم فقلتلهم اني باجازه واتفقنا من ثاني يوم لما نييب عيالنا
المدرسه نروح ستاربوكس ونقضي يومنا كله بره مع بعض لين مايطلعون بناتنا الموقرات نبي نسوي لنا قريش
الشاهد تكشخت علي سنقة عشرة ووديت بناتي وشفتهم
تجمعنا بستار بوكس
طلع انه عندهم طقوس كل وحده يايبه لابتبها ويشربون قهوا ويشوفون ايميلاتهم علي ما تفتح المحلات والاسوقه
عاد انا مادري اني لازم اودي لابتبي فقعدت ساكته فوق ساعه واقرا بهالجرايد
عقب رحنا تريقنا بلورنزو وقعدنا نسولف ونضحك
بعدين رحنا مجمع زهرة تبضعنا صارت الساعه ثنتين الا ربع كل وحده راحت بسيارتها عشان تييب بناتها
المهم هباليوم وايد استانست وغيرت جو وصرفت بنص نهار 70 دينار
لما رديت البيت قلت عليهم بالعافيه وناسه لا مسؤوليه ولا شغله وكروت رياييلهم ببواطتهم شرو او ماشرو مااهتمو
ماشالله عليهم ابصراحه استانست وتمنيت اكون نفسهم
انا من الصبح دوام واطلع الساعه 3 ارد البيت هلكانه ريلي يدش وراي اهلك مني
مالي خلقه ولا له خلقي يلله نلحس هاللقمه وندور الفراش
بالخمس تصير عندنا حياة اجتماعيه بالافترنون تي نقعد نسولف
قلت له ودي استقيل مارضا
وانا الحين انطر احمل وباخذ مرضيات لي الولاده وبصير نفسهم كل يوم في سوق وفي مقهي
بنات ادعولي احمل من زمااان قاله الحبوب ولا حملت
حدي طلعت بره الموضوع
عطوني رايكم سس
بس صدقيني تمنيت اكون نفسهم وشكرا عالدعوه
وشكرا علي مرورج
مشكوره وكلامج صحيح احنا طرق هالمعاشات ومالنا خلق
تبين هالمره يسويله بزنس
خليها جذيه ابرك لنا ولهم
شكرا علي مرورج وردج ودعوتج
بعدين الوحده تقدر تصير كوووول وتستانس واهي تشتغل وريلها يشتغل يعني غيري روتينج … على لاغدا كل واحد فيكم يسولف عن شغله وشصار وووو … تنمون تقومون ممكن نص الليل لما البنات ينامون تروحون ستاربكس يعني في اشيا وايد تقدرون تسوونها حلوة … مو شرط يعني نكون نفس سيدات المجتمع ترا حياتهم مليقه …. مع انه ظاهريا وناسة …
نمل من المجمعات والسوقة
حتى الدوام نوله عليه
صدقينى هذولى حياتهم روتين بروتين
عالاقل احنا بالويك اند نوله عالسوق
والله يرزقج يا رب
لانه مو حاصلج عاجبج لكن صدقيني لو تسوين هالشي كل يوم بتملين وتحسين انه ماكو سالفه ولا هدف
شغلج يحسسج بقيمة نفسج وبيتج وعيالج ابرك من هالاشياء والحمدالله على كل حال
انا اشوف انه وضعج انتى احلى .. خوو ما تدرين ريايلهم صوبهم والا لا… تلقينهم 24 ساعه بالشغل ولاهين شلون ايبون فلووس للبيت ويكثرون فليساتهم.. وانتى الحمدالله ريلج يمج وعندج شي اتسوينه ابدنيتج .. مو بس تنامين وتصرفين اب هالفليسات اب هالمجمعات… بتصرفين لي متى !! اكيد بيي يووم واتملين.. والله يتمم عليج