شوفو المتن وين وصلني

بناااااات ابي مساعدة والله الشاهد اني تعبانة نفسيا و ابي حل باسرع وقت

بنات انا صار لي سنتين مخطوبة لواحد انا احبه و متعلقة فيه بشكل مو طبيعي .. المهم,, في بداية الخطوبة هو صارحني بموضوع و قال لي انه مو عاجبه جسمي.. انا شوي مليانة بس مو حيل حيل دبة يعني جسمي مقبول بس هو يبيني واايد واايد ضعيفة.. لما قال لي جذي انا قلتله اني راح اضعف عشانه و وعدته و هو واايد استانس بس للاسف فشلت و ما قدرت اغير من نفسي والله تعبت تعبت انا نقطة ضعفي الاكل و ما اقدر امسك نفسي اذا شفت اكل و جذي.. المهم انا فشلت و ما قدرت اكمل و لمن درى عن الموضوع وااايد خذ فخاطره و زعل بس نسى السالفة و ما قال شي .. بعدها بفترة رد على نفس الموضوع و انا قلتله اني راح احاول و بسوي اللي اقدر عليه .. والله يا بنات انا حاولت بس ما قدرت اكمل وااايد تعبت

و لمن قلتله هو عصب و زعل مني و قام ما يكلمني واايد و الحين هالفترة وايد احسه متغير علي ما ادري شسوي الحين.. مع العلم انا الحين عطيت نفسي فرصة اني اضعف بس واايد خايفة اني افشل مرة ثانية ,, والله ودي افرح قلبه بس احس نفسي واايد فاشلة

بناااات شسوي تكفووون ساعدوني و بدوون جرح مشاعر بليييز النفسية تحت الصفر و انا مو ناقصة

شوفي روحي عند دكتور وقولي له خل يعطيج اكل الدايت احنا عندنا بقطر نشترك باكل الدايت يوصل لين البيت طبعا قبل يفحصونج
واهم شي الرياضة ثم الرياضة ثم الرياضة مو شرط رياضة على الاقل الرقص دشي تمارين رقص شرقي فالصالون اذا عندكم وتسبحي بالبرجة تراه يضعف وفي شيين يمتن لازم تبتعدي عنه الخبز والعيش ادري صعبة بس حاولي تبتعدين عن العيش المجبوس المشخول والخبز ممنوع عندج صمون اسمر اشتريه وبعد الاكل اشربي شاي اخضر واي وفي كوريشات تلبسينها تحت ملابسج ممكن تشد الجسم وتخليج ضعيفه

انتي ماعندج ارادة بالمرة
حطي صورة اي فنانه جدامج جسمها حلو واذا جيتي تبين تاكلين طالعيهاا

ابتعدي عن الدسوم اشربي جاي اخضر
اكلي سلطات فواكة شي خفيف دشي نادي امشي يوميا لمدة ساعتين عندج مليون طريقة وطريقة
بالنهاية انتي بنت ولازم تكونين رشيقة لنفسج اولاااا

اول مرة اشوف لج رد سنع
عسئ دوم ان شا لله جذي والله يحفظج

حبيبتي اشتركي بنادي وخليه مثل الدوام روحيله كل يوم عقب الدوام .. واكلي بحدود المعقول لا تحرمين نفسج ولا تاكلين زياده عن اللزوم .. راح تشوفين نفسج بتضعفين اسرع

ودايما ذكري نفسج ان الاكل ماراح ينقطع

عاد اساس الزواج القبول بين الطرفين .. اكيد اهوا حاب شكلج بس لازم يكون مقتنع .. اذا من البدايه متأزمه جذي شلون بعدين !! حاولى تضعفين وراج حمل وولاده ..حزتها ترقعين شنو ولا شنو ..

لازم يكون عندج اراده لنفسج اولالالالا ولريلج ,, طلبه لج خله هدف بعينج ,, باجر بتجهزيييييييييين وحلاته تاخذين راحتج بالهدوم ويطلع شكلج حلو بالقمصان وغيره ,, لأجل عين تكرم مدينه .. ماعليه حاولي .. واشتركي بدايت كير وكل يوم مشي نص ساعه كافي ,, مع الرقص .. والله اني اعرف وحده حييييييل حيل متيييييييييينه ويوم قرب عرسها وشفتها والله اني ماااااااااااعرفتها .. يوم سألتها شلون ولا تقولي اللي قلت لج اياه .. تقول يوووووووميا ارقص ,,

شكرا بنااات والله انكم ريحتو بالي

لالالالا تسنعت بنت حظوووظ وااايد افكارها قامت تتغير لااحسن .. كذا رد اقرا لها ويعجبني واستغرب هههههههههه بس ماتخلو من عراتها !!

ولا اهيا فيها عقل بس الله يهداها احسها تستهبل ساعات !!

^^^^^^^^^
ههههههههههههههههههههههههه
……………..

الله ينحفك حبيبتي بصحه وعافيه يارب

لاازم تضعفين !
شنو فشلت ؟! اختي حاولي بكل الطرق خلي نقطه ضعفج الريجيم
و إنه جسمج يطلع حلو ومتناسق ..
ترى المتن شين و مرض ،
دشي نادي للرياضه و سويلج تمارين .. علطول بتضعفين ،
و موفقهّ و بالبركه إن شاء الله

اول شي غيري قناعتج الداخليه قولي انا اقددددر راح اضضضعف كتبي هالعباره في اماكن تشوفينها
بعد كل صلاة سوي تمارين خفيفه وخففي اكل لين تصغر معدتج شوي
بعدها امشي كل يووم نص ساعه الحين الجو صار حلو شدي حيلج
الاكل خليه دايت خلي عنج اكل البيت والعيووش وطلي على قسم النحافه وتجمعات البنات بيشجعونج
اهم شي غيري قناعتج الداخليه

طيب ركبي بالون

انا ام الريجيماإات و انا ارووح دايما عند دكتوور فووزيه العوضي بالمنقف
واتم معاها لين اضعف بس للاسف اعود امتن لااي منالنووع اي الشي اكله يمتني بسرعه
وانا مو حيل اكل بس اقعد ع النسكاإاإافيه ودكتورتي تقول لا لازم تاكلين اكل صحي وراح تضعفين وفعلا قمت اكل اكل صحي
وضعفت حيل بس رديتهم لاني خربت الريجيم لااي دايما نفسي مسدووده وع النسكاإافيه دايما وعمليه الاايض عندي بطيييئه يعني لو ما اكل
ما أضعف انتي رووحي لفووزيه العوضي بالمنقف والشرق واذا تبينها راسليني ع الخاص واعطيج رقمها

بس كم وزنج وطوولج