|
|
بنات انا مالجين علي من 7 شهور وباقي عن عرسي شهرين ولا جهزت شي !!
مشكلتي زوجي .. ابد ما حسسني اني بفترة خطوبة والله ما يغار علي وابد مو حريص وشخصيته ضعيفه وما عنده اسلوووب كلشش وهذا كله حكمت عليه من مواقفه معاي
حتى بالفلوس وايد يدقق .. ويقولي مو تنفشين من شغلج انتي راعية ماركات وانا ما اقدر عليج ؟؟ مع انه يدري بهالشي قبل لا ياخذني
مع ان راتبه وااايد اووكى وعرفت بالصدفة لانه كان يقول راتبي شوي
ومرة كان يبي يسحب فلوس وشارت عليه الماكينه وهو معاي على الخط جان اقوله افا عليك تعال خذ بطاقتي جان يقول لا وين بيتكم بعيد !!
مع انه صغير وبمثل عمري 23 الا انه ما يكشخ ابدد .. تخيلو مرة جايني من البحر على طوول لبيتنا وانا كاشخة حدي
حتى يقول اخر مرة فصلت فيها ثوب من 3 سنين وبعدها ابوي يفصلي انا ما احب !!
احسه وايد يعتمد علي ودوم انبهه على اخطائه وزلاته وماكو فايدة .. والله تعبت كع انه طيب بس مخووفني من العيشة معاه لاني ما احس بالاماااان معاه
سوري افكاري مو مرتبة بس ساعدووني تعبببت
قوليله فهميه .. !
قوليله آنته كيت و كيت و كيت و بليييز حآول تتغير عشاااني
لآنه بعدين يمكن يصير وآيد مشآكل اذا مآ تغيرت .. :××
و الله يهنيييج حبيبتي
فصرتي تحاتيتن
شوفي الولد ع ماتربينة والزوج ع ماتعودينة
اذا تزوجتية والحمدالله بشقة الزوجية
ترا تقدرين تغيرنة بالسياسة الحلوة وصدقيني شوي شويييي
بياخذ علييييج ويحبج ويسوي الي يعجبج بس بالسياسة
يعني مو ع طول تقولين له انا ابي وابي يعني شوي شوي
واهم شي الكلام الحلو
شوفي مشكلة ايام الخطوبة حلوة وموحلوة لانج ماتعرفينة عدل
وهوا مايعرفج عدل لاتقولين اشوفه وتشوفينة يعني خلاص تعرفون بعض
لا ماتعرفين الشخص الا لمن تعاشرينة
تصدقين انا ريلي ايام الخطوبة كان دمه ثقيل و واااااايد تكانة
وانا من طبعي احب اضحك واسولف وايد
ويوم تزوجته لقيتة العكسسس لقيت دمه خفيف وشي ثاني وياي
صدقيني اختي انتي بس مجرد تحاتين وبس لانه قرب موعد عرسج
والله يوفقج وياه واسفة اني طولت الكلام
انا مثلج بظبط
ريلي نسخه من ريلج بظبط
لمن تسكنين معاه بتعودين عليه
وتقدرين تغيرين فيه
ماقولج وايد بس الي تقدرين عليه غيريه
ريلي يقولي اشكره مابيج كله ماركات الحياه صعبه ونبي نعيش مانبي نقط فلوسنا على خرابيط
ومايهمه الكشخه اخر همه
مع ان انا عمري الحمدالله ما البس بدله مرتين مو غرور بس جذي طبعي البس وابيع او اوزعهم
بس طبعا اطلع حقهم يعني مو اسراف
وريلي بعمر ريلج وانا بعمرج 23 ونفس الطبايع بظبط
الله يعينا
المهم حياتي ريلي قدرت عليه قمت اتبخر واتعطر والبس وقام يقلد ويشوف روحه ويقلد يتبخر ويرش عطور
وبعدين غلط لاتعطينه بطاقتج وتعودينه ياخذ يسحب فلوس منج
غلط غلط غلط ديري بالج تسوينها …. تعودينه غلط … اهو ريال يعرف يتصرف ومسؤل عند سصرف عليج
ملزوم فيج لا يعرف حتى الرقم السري مالج ديري بالج
وشوفي بيني وبينج والله جذي الريال احسن ولا ييج واحد عصبي ولا نفسيه ولا يقط حجي وصخ ولا يمد ايده
ربي لك الحمد قولي الحمدالله وعلميه ونبهيه شوي شوي يتعلم والله يتعلم لاتحاتين حياتي
من بداية ما عرفته وانا نافره منه ومن تصرفاته !!
يعني هو مكلوف فيج بس بالمعقول وحسب طاقه الرجال
واكيد من واجب الزوجه الصبر ومراعاة ظروف الزوج
وحاولي تعدلينه وتغيرينه للأحسن انا عندي دامه يحبج وبعاملج عدل هذا أكبر دافع للصبر
قوليله اصرف ما اصرف موشغلك
بيتعود عليها وبعدها بتندمين
واذا شفتيه معصب او معااااااند لاتناقشينه اسكتي ومن باجر كلميه بهدوء او لاتفتحين الموضع بس جيبيه بطريقه ثانيه عاد هذا شغلنا الحريم كيدنا عظيم قولي ماشاءالله على اختي او على اخوي كيت وكيت وكيت بس اياااااااااااج تقولين انت ماتعرف تلبس او انت غلطان قوليها به مثلا طريقه ثانيه اخوي كل موسم يخيط كذا دشداشه او يمدحون الخامة او اللون الفلاني او المحل الفلاني وتنحل المشاااااااااااااكل لاتكبرين اي ساااااااااااالفه ترا تنقلب عليج حتى لو معاج الحق اخذي نصيحتي وانا اختج
لاتطقين الصدر وايد وتحاولين تساعدينه ديري بالج..!
وخلج ماسكه ايدج شوي مو كل شي ماركات فهميه انج سنعه وتشترين بعقل لا ياخذها حجه عليج علبوو تحبين الماركات..
موفقه خير