|
|
السلام عليكم
شلونكم أبلات وشخباركم
بقولكم
الخميس كانت أبلة مسويه ورشه وبعد ماخلصت
الناظرة قامت تسولف تقول
انه في دورة غير الـ icdl
راح ياخذونها المعلمات اللي ماخذين الـ icdl
واللي مو ماخذينها
راح يسون لهم دورات على مستويين
وتكون العصر
وراح تبدي بشهر 5
====
وقالت في دورة للسبورة الذكية
لووووووول
مادري شنو يعني
فهموني
شلون سبورة ذكيه
وبيطبقونها مع بداية العام
======================
سؤال خارجي … عن عضويه جميعة المعلمين .. احنا نشترك ولا كل معلم ينزل اسمه عندهم؟
وشنو مميزاتهم ؟؟
ووين مقرهم؟؟
وشكراا
======
واذا عندكم اخبار جديده حطوها لنا
( سلامي للجميع )
السبورة الذكية اهي سبورة كمبيوترية تحفظ الاجابات الصحيحة لدرسج
انا توني منتقلة مدرسة فيها هالسبورة بس ما مداني احضر الدروس اللي سووها عليها كله حصص 
الدورة انا ماخذتها الحين
انتي ثنوي؟
انا متوسط وبدينا فيها الثلاثاء اللي فات العصر من 5 الى 8
وتخلص اعتقد يوم 14
واهيا ما تعادل الاي سي دي ال لا لازم تاخذينها بعد
اهي صج وقتها متعب وما تنامين الطهر لكن مع ربعج وزميلاتج بالمدرسة ويضيع الوقت وناسة ههههههههه
جمعية المعلمين
انتي تشتركين فيها
5 دنانير
صورة البطاقة المدنية ولمن يهمه الامر من مدرستج وصور
تودينهم الفترة المسائية
وسلامتج حبيبتي
واي شي تبين لا تستحين اسالينا
في مميزات منوعة خصومات على تذاكر سفر
التقوية اقل لعيالج
الحج
العمرة
يعني شغلات منوعة
هذا رقم جمعية المعلمييين بالدسمة واي سؤال ماراح يقصرووون فيج
بس ما عندي عنها أي فكره حتى الآن
لكن
الفرق انحنا نقدر نلمس الايقونات عالسبورة باللمس ونتحكم بالازرة بدل الفارة
————
تعمل باللمس ويمكن للمدرس الكتابة عليها بقلم خاص بمجرد تمرير يده عليها, كما يمحو ما كتبه إن أراد بممحاه إلكترونية أنيقة وهي مجهزة للاتصال بالحاسب وأجهزة العرض وبمجرد توصيلها تتحول في ثوان إلي شاشة كمبيوتر عملاقة عالية الوضوح,
وفضلا عن ذلك هي مزودة بسماعات وميكروفون لنقل الصوت والصورة وإذا ما قام المدرس بكتابة جملة أو رسم شكل من الاشكال التوضيحية أو عرض صورة من الحاسب أو الإنترنت, فيمكنها علي الفور حفظها في ذاكرتها ونقلها لحاسبات التلاميذ والطلاب إن أرادوا, ويمكن لأي طالب أن يبعث بما لديه من ملاحظات ومساهمات في الدرس لتعرض علي السبورة إذا ما كان لديه حاسب أو قام بإعدادها علي حاسب منزله وأتي بها علي وسيط تخزين ونقلها لحاسب المدرس
صراحة صج نقلللللللللللله بتكنلوجيا التعلم
ناطرين على ما تتوزع على المدارس كلها ولو اني اعتقد ماراح توصل الجهرا بالفترة هذي " أو على الأقل مدرستي " حتى جهاز عرض مافيها يا مال الفقر هههههههههههههههههههههههههه
ماااقصرتواا جميعااا
وفعلا المدرسات معاي ماخذين هالدورة العصر
مع انهم ماخذين اي سي دي ال
====
واااااااااو شكل السبورة الذكية يشوق
حلوة حييل
عاد منزلين اسمي بالجدول عند قسم الحاسوب آخذ صف من صفوفي وأشرح لهم بقسم الحاسوب وكل شي بالكمبيوتر
وقبلها بفترة أزهب مع قسم الحاسوب
واهما حاطين المناهج وكل شي
======
انا مدرسه عربي ابتدائي
يعني ما في تحضير
خيال في خيال
امس شفتها بالتلفزيون
مطبقينها بالمدارس الخاصه بمصر
ولكل طالب كمبيوتر بحجم كف اليد عشان توصله الاجابه
وهالنظام مطبق باوربا وامريكا
عقبالنا يارب
|
المشاركة الأصلية كتبت بواسطة ¤§ زيتونة §¤
 هلا حبيبتي
السبورة الذكية اهي سبورة كمبيوترية تحفظ الاجابات الصحيحة لدرسج الدورة انا ماخذتها الحين اهي صج وقتها متعب وما تنامين الطهر لكن مع ربعج وزميلاتج بالمدرسة ويضيع الوقت وناسة ههههههههه جمعية المعلمين وسلامتج حبيبتي واي شي تبين لا تستحين اسالينا |
ماقصرت الاخت كفت ووفت … السبورة الذكية جابوها عندنا الشركه مالتهم شحلاته بس ماطبقوه عندنا والدورة انا ماخذه الاي سي دي ال بس معاي مدرسات خذوها شهر 2 اللي طاف انا ابتدائي واكيد الدور على باقي المراحل
اذكر بالجامعه كان عندنا دكتور نظم معلومات استخدم هالسبوره شاريها من حسابه الخاص
بس صج تكنولوجيا
ما اتوقع توصلنا بهالسرعه .. بس شي زين انهم مفكرين يطورون